تسرق القلب منك وتاخذه خلسه و انت تدري و لا تقدر تكلمها

12

هايييييي

«في بيت محمد»
اصايل: رهف تخيلي يقول لهم وانفضحح
رهف: انتي وش بلاك بس بس حتا ولو مارح يعرف اسمك
اصايل: طمنتيني الحين وش بنسوي قولي لي
رهف: ولا شي نجلس وبس
اصايل: منجدك تجلسين وبكرا ملكتك
رهف: خلصت كل شي وبعدين لا كل شوي تذكريني ترا احاول ما اتوتر
اصايل: زين زين
رهف: امشي نشوفهم ليه صواتهم طالعه
اصايل: يلا امـ....
قاطعهم دخول روان وهي تقول: رهف الحقييي بسرعههه
رهف فزت: وشش
روان: عمر و سامررر الحقي شوفيهم يتضاربون تحت
رهف شهقت: وش كيف وايمت وليه وقامت تطلع حتا بدون لا تتغطى
ولحقوها اصايل و روان وهم خايفين
~كانو العيال جالسين بلحوش وفهد وحازم يعدلون الاضائه والزينه ودخل عمر عليهم وهو يقول: السلام عليكم
الكل قام يرحب ويقول: وعليكم السلام
وجلسو بلجلسه الي بلحوش
وكملو يسولفون الا ويشوفون سامر الي توه يجي وهو معصب وشاف عمر جالس بينهم وتقدم يوقف قدام عمر وقام عمر وقف وقال: وش تبي
سامر بدون لا يتكلم من قهره لكم عمر ب وجهه والكل مصدوم
عمر وهو يضحك ويقول: خلصت؟
سامر مسك عمر وقال: مابخلص الين ما اذبحك
عمر ضربه كف وقال: تخسي منو انت عشان تذبحني
هنا سامر نفجر وبدا يضرب عمر وعمر يرد له الضربات
والعيال يبون يفزعون لاكن ماقدرو من قوتهم وغضبهم
قاطعهم دخول رهف وهي تصرخ وتقول: وقفوووو
كلهم لفو يشوفون الصوت و صدو من شافو انها رهف وتقدمت رهف وهي شوي وتبكي من منضرهم وقالت: شفيكممم انتم مجانيننن
سامر ب غضب ولا كان صاد قال: ادخلي داخل وبلا صوت
رهف: بصفتك مين تقول هلكلام
سامر: قلت لك ادخلي داخل
رهف: ما بدخل واشوف وش بتسوي يلا انقلع برا
الكل انصدم من كلمة رهف(انقلع برا)
سامر: بدال ماتقلعيني انا قلعي الغريب ذا وأشر على عمر
رهف: ذا مو غريب وكم يوم ونتزوج مفهوم؟
سامر: وش وش عيدي
رهف بعصبيه وبتهديد: زي ماقلت لك واذا ترجع وتسوي شي اقسم بلله العضيم لا تشوف شي مايعجبك وبتندم
سامر: وش بتسوين قولي
رهف: اكثر من الي سويته فيك قبل وبندمك فهمت؟
سامر: نشوف
رهف: يلا يلا اقعد عاقل يا سامر ولد مشاري لان لو حطيتك براسي بتندم ولا تقرب صوب عمر ولا تحاول تخرب بيننا لان لو حاولت تخرب بتشوف وحده ثانيه غير رهف وهاذ اخر تنبيه لك،
الكل انصدم من عصبية رهف وكلامها وشخصيتها الثانيه
جا سامر يتكلم الا ويقاطعه دخول خواله وابوه فهد الي تقدم يغطي رهف بشماغه
وقال ابو سيف: اسمعوني عاد ترا شفت كل شي وانا مع كلام بنتي رهف ولا تزعل يا ابن اختي،
مشاري: سامر انا وش قلت لك من قبل الله يهديك بس ياوليدي
زايد: سامر اهجد وخلي الزواج يمر على خير والبنت ماتبيك وكلنا ندري وانسا انك تخرب لان كلنا بنوقف بوجهك لان رهف ماتبيك
سامر هز راسه بتفهم وهو للحين معصب ولا نسا ولا بينسا رهف وطلع وترك الكل وراه
مشاري تقدم ل عمر ورهف وهو يقول: السموحه منك يا بن حازم لاكن ولدي طايش ومتهور ماعليكم منه يومين ويرد له عقله ويعقل
عمر تقدم يقبل راس مشاري وقال: ماعليه ياعم الله يهديه وانت مالك دخل ب
لي صار لاتعتذر وان شاء الله خير
ابو سيف: يلا ادخلو داخل المجلس حياكم ودخل الكل ورجعو البنات داخل و رهف للحين معصبه على سامر وشافت وجه عمر الي فيه خدوش من الضرب وزادت عصبيتها وبدت تفكر، وش بيسوي سامر المجنون؟
بيخرب عرسنا؟
قاطع افكارها صوت
اصايل الي تقول: رهف لا تخافين ماعد يقدر يسوي شي واذا سوا انا بتصرف
تقدمت رهف تحضنها وتقول: انتي اكثر احد يفهمني
اصايل: كيف مابفهمك وانتي قلبي
رهف: الله يديمك لي