هايييييي
«في بيت حازم»
جهزو كلهم وتوجهو ل بيت محمد، الا فجر الي امها وصتها تجيب هديه ل ام محمد عشان تخرج عيالها
واخذت سيارة عمر وطلعت راحت اخذت ورد وحطت فيه فلوس وطلعت ب سياره عمر واتوجهت ل بيت محمد
«في بيت محمد»
وصلو المعازيم كلهم وعائلة ام نايف وعائلة حازم وبدت المباركات والسلام والهدايا والورود الي جايه لأم محمد بمناسبه تخرج عيالها،البنات كلعاده جالسين مع بعضهم ويتكلمون ويرقصون
«عند الرجال»
وصلو العيال والرجال كلهم الا قيس الي كان توه يجي صف سيارته ووقف يشوف سيارة عمر توه وصل وتقدم للسياره يسلم على عمر،السياره كانت مضلله مايمدي يشوف مين الي يسوق
«عند فجر»
وصلت ل بيت محمد وصفت السياره وجلست تعدل ميكبها بلسياره وتحط روج، وتعدل شعرها واستغربت اول ماسمعت احد ينادي وطفت انوار السياره واخذت الورد ونزلت وسكرت باب السياره ولفت، وصدمت ف الشخص الي كان واقف بلغلط ورفعت انضارها تطالع ب وجهه من طوله وبعدت وهي مصدومه، وانصدم قيس من البنت الي طلعت من سياره عمر ونطق: من انتي وليه جايه ب سيارة عمر؟
فجر توترت وقالت بلغلط:مين عمر
قيس ب ضحك: صاحب السياره
فجر تو تستوعب وش قالت: عمر اخوي وجيت بسيارته انت الي مين؟
قيس: توك تقولين مين عمر والحين تقولين اخوي؟
فجر: انت وش تبي الحين
قيس: ابي اعرف وش كنتي تسوين ف سيارة عمر
فجر:انت مين عشان تسالني؟
قيس: انا خوي عمر
فجر: اذلف اجل انا اخته وهو عطاني سيارته وجا مع علي وبس تحقيق تلعب دور المحقق كونان
قيس: تمام تمام صدقتك
فجر: انت مين لان صابني الفضول اعرف مين الملقوف الي قدامي
قيس: احترمي نفسك، وانا قيس بن محمد
فجر بهمس:ابلش
قيس: وش قلتي؟
فجر: لا ولا شي يلا انا بروح تاخرت، وتوجهت تدخل البيت عند الحريم وهي خقت عليه وقالت بينها وبين نفسها: اخخ مز حبيت،
قاطعتها رهف وهي تقول: بنت وين وصلتي بتخيلاتك؟
فجر كملت كلام بينها وبين نفسها اول ما شافت رهف وقالت: اي توي اعرف طالع على مين عيلة مزز وربي واي واي،
رهف:بنتتتت
فجر: هلا وش تكلميني؟
رهف:لا اكلم الجدار الي جنبك شوفيه
فجر: ما نتبهت اسفهه
رهف: ماعليه تفضلي البنات جالسين
فجر: تمام بس بعدل شكلي واسلم على الحريم واجيكم
رهف: تمم
«عند الرجال»
دخل قيس وسلم وجلس وهو يفكر فيها وبطريقة كلامها ابتسم اول ما عرف انها اخت عمر وعرفها بنت من، قاطع افكاره عمر الي قال:قيس شرايك نسوي فعاليه قبل رمضان بهاذ الاسبوع
قيس: اي وش
عمر: اسمع نروح نكشت او مزرعه لمده يومين احنا والحريم والكل شرايك؟
قيس: ولله جبتها وفهد يحب الكشته نخليها مفاجأة
عمر: اجل تم انا بضبط كل شي وبكرا نروح وكل شي علي انتم ما عليكم
قيس: تمام ان شاءلله،
«عند الحريم»
رهف:بنات ترا مليت من الشيلات ابي رقص غير
قمر: طيب تعالي نرقص على اه لو لعبت يا زهر وشرقي ولا علينا من احد
رهف: الله طيب صبر بجيب شغله لي ولك
قمر: اوكي انا بجهز الاغاني الي بحطهم،
رهف راحت بسرعه ل غرفتها وجابت حقت الرقص الي تربطهم على خصرها وفتحت شعرها ونزلت وتوجهت ل قمر وقالت: قمرر خذي اربطي ذا
قمر: الله جويي يلا انا وانتي دام مافي احد يرقص
رهف: يلا بنادي اصايل بعد
قمر: اوكيي
تقدمت رهف تنادي اصايل وعلمتها بلسالفه وعطتها الشال تربطه
شغلت الاغنيه ومشو هما الثلاثه ووقفو ب مكان الرقص ولفو كل الحريم اول ما انتبهو لهم واستغربو من الغنيه، وقفو البنات ووقفت قمر ب نصهم وبدو يتمايلون على لحن الاغنيه ويرقصون ويهزون ب خصرهم وبدت تعلى اصوات التصفيق وتعزيز البنات وروان الي حطت الصوت عالي وتحمسو البنات وبدو يرقصون ويتمايلون والكل منبهر منهم ومن جرائتهم ب فساتينهم القصيره و الرقص اصايل وقمر انسحبو بعد اغنيتين ورهف الي كملت وشغلت روان اغنيه رهف المفضله
-لينا رقصه- ابتسمت رهف ب خفه وكملت ترقص وتغني مع الاغنيه،
-ولينا رقص-
-لينا رقصه-
-انا وانتا مفيش حاجه نقصه-
-مزيكا وفرحه كبيره-
-خلص انا يا حبيبي كدا خلصه-
وكملت ترقص رهف وتتمايل وتحرك شعرها ب جرئه وصورتها روان، تقدمت
ام قيس وقالت: روان قولي ل رهف بس ترقص كلهم عيونهم عليها،
روان: ماما خليها
ام قيس:انا خايفه عليها من العين والتصوير
روان: ماعليك ان شاءلله مايصير شي والحين بقول لها توقف
ام قيس: تمام لان تو قيس متصل يقول شوي ويوصل العشاء روحي خلي الشغالات يجهزون السفره والاغراض
روان: حاضر ماما
مشت ام قيس تجلس مع الحريم، وروان اشرت ل رهف توقف رقص وقفت رهف والكل صفق لها وتوجهت ل روان وقالت: وش صاير؟
روان: ماما تقول بس ترقصين الكل عيونهم عليك
رهف: ياربي ماما كل مره تقول كذا وخليهم يطالعون انا احب ارقص يختي
روان:ههههههههه، تدرين تذكرت شي
رهف: وش
روان: الحين يقولون غريبه البنت ذي حافظه ١٥جزء من القران الكريم، وترقص زي الرقاصات
رهف: عادي ذا لحال وذا لحال اجل لو يدرون ب الهوايه الرابعه
روان: هوايه رابعه؟ انا الي اعرفه ان عندك بس هوايتين وش تغير وش الثانيين
رهف: ماعليه الحين بس اجلس مع البنات اقولكم كلكم،
روان: تمام انا بروح اسوي شغله واجيي سيووو
رهف: سيو توو بنتضرك مع البنات،
راحت روان تسوي الي قالت عليه امها ورهف تقدمت تعدل شكلها وتجلس مع البنات،
ملاك: اوف ولله رقصكم نار علميني يا رهففف
رهف: حبيبتي تسلمين، ابشري من عيوني
عنود: ترا خقيت خلاص انا بعد ابي اتعلم
جود: اقولك صيري معلمة رقص لان في كثير يبون يتعلمون
شيهانه الي مايعجبها احد يمدح رهف وعصبت،
غلا: انا مع جود بكلامها
رهف: خلوني الحق على المجال الي عندي بعدين افكر ب ذا
روان: مجاللل؟ وشش
قمر: وش قصدكك؟
اصايل ابتسمت ب خفه لان تعرف ب كلشي وقالت: انكشفتي يا رهف،
روان: اوه، وش مسويين من ورانا يلا قولو
رهف: اوكي، مستعدين؟
روان: اخلصيي قولي
رهف: طيب، اسمعو انا كاتبه روايات
البنات شهقو ب صدمه،
روان: وششش كاتبه متى وكيف
رهف: كاتبه روايات ومعي٦٠الف متابع ل روايتي وغير كذا روايتي الاوله جايبه مليون مشاهده
وروايتي الثانيه٣ملايين
روان وقفت وقالت: انتي تمزحين صح؟
اصايل: ما تمزح وهي صادقه
روان: وجعع وانا اخر من يعلمم
رهف: هاذ انا قلت لكم حتا انه مافي احد يدري غير اصايل، وبخبر الكل بعد،
ملاك: واييي في عندنا ثنين مشاهير،
سعاد: هيي ملاك وانا وين رحت؟
ملاك: اقصد ثلاثهه
سعاد: تخيلوو بنات طلعت مع سعود بث وزادو متابعيني وصلو٣٠الف،
رهف: ماعليه انا انشر حسابك عندي وبيزيد اكثر
سعاد: كفو حبي
رهف: كفوك الطيب حياتي
تقدمت لهم رزان وقالت: بنات تعالو ماما تناديكم لان العشاء وصل
رهف: تمام يلا جايين
توجهو البنات كلهم للمجلس الي فيه الاكل
رهف لمحت عمر وسعود وقيس وسيف يدخلون الاكل على الحريم وقالت: بنات وقفو العيال باقي يدخلون الاكل بس يروحون بقول لكم ادخلو
رجعو البنات كلهم، ورهف تقدمت تدخل للمجلس
أنت تقرأ
تسرق القلب منك وتاخذه خلسه و انت تدري و لا تقدر تكلمها
غموض / إثارةبسم الله الرحمن الرحيم روايتي الأوله واحداثها البعض منهم واقع والبعض الاخر خيال. اما بلنسبه للشخصيات ف كلهم حقيقه الاسماء الي على الشخصيات مب حقيقيه بشأن محتوى القصه فكرتي وواقعي،
