تسرق القلب منك وتاخذه خلسه و انت تدري و لا تقدر تكلمها

46

__________________

«بعد مرور اسبوع-بيت محمد»
جميع عائلة محمد وحازم مجتمعين ينتضرون وصول رهف وعمر، ناظرو زينه وعارف الي دخلو وهم يركضون
زينه: وصلو وصلو
فزو جميعهم يوقفون من دخلو عمر ورهف مع بعضهم وتقدمو وهم يسلمون عليهم ويرحبون فيهم وجلسو جميعهم ورهف الي جلست جنب جدتها وامها
فهد: اخيرا جيتو صارلكم شهرين
رهف:  وياحلو تركيا وروسيا
فهد: مب حلوين كلهم ثلوج وبرد
قمر: صدق تهاوشتي مع وحده يا رهف
رهف: لا هي غلطت
وقف وتقدم يجلس جنبها وهو يحاوط اكتافها وقال: وتهاوشها خلّوها وكفوو
ضحكو الكل على فهد وتعزيزاته لـ‌رهف
رهف: عمييي خلاص انا وانت الهوشه الجايه مع بعض اوكي
فهد: اوكي، تدرين عاد مشتااق لك ولسواليفك
رهف: حتا اناا
ناظر الاثنين الي نظراتهم ماتبشر بلخير وقال: شفيكمم انت وياها
عمر بشبـه حدّه: يدك وخلي مسافه يا فهد
فهد: يعني تغاررر، تراها بنت اخوي
عمر: بس المسافه لازمه
بعد يده عن اكتافها وناظر الي تناظره بحدّه وقال: انتي بعد تغارين؟
قمر: اغار عليك؟
فهد: ايوا
قمر: ما غرت عليك غرت على رهف
وقفت وهي تجلس بنصهم وقالت: ابعد بس ابعد
ضحكو الكل على وجه فهد وقال: افا حتا زوجتي سحبت علي زمان كانت امي واخواني، قلت زوجتي مستحيل تسحب علي
قمر: ماسحبت
فهد: و ذي وش تسمينها
قمر: مشتاقه لزوجت اخوي انت روح مع عمر اليوم انا ورهف بنجلس مع بعض ولا بنجي معكم
عمر: قمر اسكتي، رهف ماتبي
قمر: رهف موافقه انت شتبي
عمر: مب موافقه لا
قمر: رهف
رهف: ايوا صح اصايل بتجي بعد شوي وبنجلس مع بعضنا نجهز للملكه بكرا
قمر: نمشي بيتنا ونطرد ذول شرايك؟
رهف: تم وننادي باقي البنات
فهد: خير خير
عمر: ماقلنا موافقين حنا
رهف: ليييه بكرا الملكه وزمان عنهم بس اليله بليزز
عمر: تمام بس تنامون بدري
الجده شموخ: هذول ينامون؟ تلقاهم لبعد الفجر بيسهرون
الجده بديعه: وانتي صادقه يا شموخ
رهف: لا لا بننام بدري ماعليكم
قمر: برسل للعنود وجود وماريا واصايل
رهف: تم
فتح جواله وهو يرسل لها ويقول: الهدايا وين، بنعطيهم قبل لا تمشين
رهف: بلسياره
عمر: تمام بطلع اجيبهم انا
رهف: تمام
طلع يتوجه لسيارته واخذ الهدايا وهم كل شخص له هديه، وتقدم يدخل البيت وجلس ووقفت تتقدم له واخذت هدية شموخ وبديعه وهي تعطيهم وعمر الي اعطا ابوه وابو سيف وعمه وابو شيهانه وابو وليد وحازم وفهد، وتقدم يعطي العيال ورهف الي تعطي البنات وباقي الحريم، خلصو وبقت هدية وليد وباقي البنات والعيال، الهديه الي منهم والي من جيلان وتقدمت تمـد له الكيس وقالت: هاذي هديتك مننا، ومـدت الكيس الثاني وقالت: هاذي من جيلان
وليد: جيلان ماغيرها؟
رهف: ايوا هي قالت اوصلها لك
الجده شموخ: من هاذي جيلان
رهف: تعرف وليد وساعدتنا يوم كنا بـ‌روسيا
فهد: وليدوه افتح الهديه صابني الفضول اشوف وش فيهاا
قمر: اي ولله ابي اشوف الروسيا ذي ذويقه ولا لا
وليد: تمام بنشوف
طلع اول هديه وكانت عطر
شهقت سعاد من شافت العطر وقالت: لحظههه العطر ذا
سعود: اي ولله هووو
وليد: شفييه
سعاد: ذا ماركه عالميه والهبه هاذي السنه
رهف: ياحليلكم تدرون من صاحبة العطر
سعاد: من؟
رهف: ام جيلان
سعاد: تمزحييين
رهف: ولله حتا انا اعطتني منه
سعاد: لازم تكلمين ذي جيلان ابي اشتريه منها،
رهف: بينقلون السعوديه هنا هي وامها واختها ماعليك
سعاد: الله اجل بتعرف عليهم
رهف: ان شاء الله
فهد: كمل يا وليد كمل ذول اشغلونا
وليد: ضروري اوريك يا عم؟
فهد: اي
قمر: اييييي
طلع الهديه الثانيه وكانت ساعه وتقدم سعود وهو يناظرها وقال: حظك يا وليد حتا ذي ما تتوفر بلسعوديه وماركه بعد
افنان: اصرعتوني ترا شكلها جداً جداً عادي حتا العطر مافيه شي مميز وريحته تغـث
ضحك وليد وهو يعرف ليه تقول الكلام ذا وكمل يشوف الهديه الثالثه والي كانت فروه وداخلها ورقه، سحبت الورقه ملاك وهي تقراها بصوت عالي والي كان محتواها: الى اعز صديق وليد، اتمنى تعجبك الهديه والفروه ما ادري كم مقاس لبسك فـ‌اتمنى تناسبك، من جيلان
صفقت غلا وقالت: الله الله حب وغرام
وليد: وجع وش حب وغرام اقولك وحده ساعدتها
افنان: واضح واضح الله يديم هلوحده
ضحك ولا هتم لوجود احد وقال: مايهموني ذول دام في وحده ساكنه بوسط قلبي
ملاك: اووووووه وش ذي الرومنسيه من هلوحده قول ليييي
ناظر افنان الي مبتسمه وصاده وقال: قريب بنعرفها وبتكون زوجتي
ملاك وغلا مع بعضهم صرخو وقالو: افناننننننن
ضحك وليد من شكلها وقالت: هيهه انا لا تدخلوني وبعدين للحين ماوافقت
ملاك: ماوافقتي لانك ثقيله
افنان: بلظبط واخوك خفيف
وليد: انا؟
لفـو انظارهم للي توها دخلت وقالت: اي انت
ضحك وليد وقال: اصايلوه انتي ليه حاقده علي؟
اصايل: كذا
فهد: يمكن لانك خوي نايف
وليد: ايوا بلظبط، طيب هاوشي ناف شدخلني انا
اصايل: انكتم افضل لك يا وليد، وانت بعد يا عم
تقدمت تسلم على الموجودين وتسلم على رهف وتحضنها وقالت: وحشتينييي
رهف: اكثررر
جلسو وهم يسولفون وناظرت رهف وبـ‌همس قالت: وزنك زايد ليه؟
رهف: مدري
سمعتهم وقالت: يمكن في نونو قريب بيجي
اصايل: بلظبط يا قمر
رهف: نونو لمين يا حبيبتي؟
قمر: لك ياعمري
رهف: لا تذكريني احس احس اني حامل
صرخت وقالت: صدققق؟
رهف: احساسي يقول لي ما ادري للحيين ما حللت
اصايل: وش تنتضرين يا زفت
رهف: بدل لا تقولين لي مبروك او تطمنيني تقولين لي زفت ليييه
قمر: تمزح
رهف: لا ماتمزح
ضحكت وقالت: هرمونات الحمل بدت يا قمر
رهف: تتمسخرون علي هين انا اوريكم
قمر: يا حبي رهف ولله كنا نمزح
اصايل: وهي صادقه من حماسي قلت لك يا زفتت
رهف: اوكي
قمر: الحين لا رحنا نمـر الصيدليه وناخذ جهاز التحليل وتحللين
رهف: بس ياويلكم لو احد يدري بتندمون
اصايل: محد بيدري ماعليك
قمر: ليه ناويه تخبين عليهم؟
رهف: لا بس نتأكد
قمر: تمام
اصايل: الساعه كم؟
رهف: ١٢
قمر: نمشي
اصايل: اي يلا
رهف: وماريا؟
اصايل: بيوصلها اسامه لا جهزت
قمر: انا ارسلت لها مكان البيت
رهف: تمام يلا نمشي وناخذ عنود وجود معنا لان كلمتهم
قمر: تم ويُفضل نروح بسياراتنا عشان نمـر الصيدليه ولا ننكشف
اصايل: تم رهف معاي
رهف: يا بنات يلا حنا بنمشي اجهزو
هزو راسهم بلموافقه وتوجهو يلبسون عباياتهم ويتجهزون، ناظرهم فهد وقالت: انا اوصلكم
اصايل: مافي داعي بنروح بسياراتنا
قمر: ايه ولا تجي البيت أبداً
فهد: اصلا بنام عند امي اليوم ما بجي
الجده شموخ: ومين قال بتنام عندي
فهد: اففاا تطرديني يُمه؟
الجده شموخ: خلّني افكر يمكن اوافق
ضحكو الكل على وجه فهد وقالت اصايل: ولله تستاهل
وناظرو البنات الي نزلو وطلعو كلهم لسياراتهم وتقدمو يتقسمون كل مجموعه بسياره،
ملاك وغلا وغرام ونوره بسيارة ملاك
شيهانه وافنان وسعاد بسيارة شيهانه
فجر و قمر وجود والعنود بسيارة قمر
اصايل و رهف وروان بسيارة اصايل
توجهو لبيت فهد وقمر بعد ما اخذو لهم قهوه وحلا ومـرو الصيدليه،  نزلو وناظرو ماريا الي توها تجي مع اسامه وناظرتهم وتقدمت وهي تسلم عليهم وعلى رهف ودخلو البيت وهم يذكرون الله على تناسق الالوان والترتيب وكبـر البيت دخلو وهم يـرمون عباياتهم وجلسو بلصاله وهم يشربون قهوتهم وياكلون الحلا، اصايل ناظرت رهف بـمعنى قومي وقفت رهف وقمر واصايل وناظروهم بأستغراب وقالت قمر: بنات شوي وبنجي
طلعو لـ‌وحده من الغرف دخلو وسكرو الباب وطلعت من شنطتها الجهاز وهي ترميه لـ‌رهف وقالت: يلا وهنا الحمام ~الله يكرمكم
رهف: طيب واذا طلعت مب حامل
قمر: مب مشكله بس خلصي لا يشكون البنات ويجون هنا
هزت راسها بلموافقه ودخلت، وجلست قمر وهي متحمسه وبنفس الوقت متوتره واصايل الي تدور بلغرفه، ~وبعد مده قصيره~
ناظروها طلعت والجهاز بيدها حطته على الطاوله وجلست
قمر: وششش
رهف: ماشفت شوفوه انتم
تقدمو اصايل وقمر يناظرون الجهاز وصرخت قمر من شافت النتيجه ايجابيه،
رهف: وشششش
اصايل: انتيييي حامل
رهف: انا؟
قمر: ايوا يا مجنونه انتي حامل مبرووووكككك
رهف: طيب ليه تقولين لي مجنونه
اصايل ناظرت قمر وهي تضربها بخفه وقالت: ههي المجنونه الحين انتي حامللل وناسهه
رهف: لحظه لحظه يعني انا بصير ام؟
جلست قدامها وهي تمسك يدينها وقالت: اييي واحلا ام بعد
وقفت وهي تطلع على السرير وتنـط بفرح
شهقت قمر وهي تمسكها تنزلها وقالت: ياهوه ترا في ببطنك ابن اخوي ما يصير تنـطين
رهف: قمر انا بصير ام وانتي بتصيرين عمه،
تقدمت لأصايل وهي تحضنها وتقول: وانتي بتصيرين خاله
اصايل: ان شاء الله ياعمري
رهف: بكرا بنروح نتأكد ونقول للباقيين خلوه سر الحين
قمر: بس بكرا الملكه
اصايل: ماعليه قبل لا نرجع البيت نمـر الدكتوره
رهف: تم
قمر: اوكي
رهف: الحين امشو نطلع عند البنات
قمر: اوكي بس لا تركضين بشويش
ضحكت اصايل وقالت: اذا عمة الولد كذا خايفه من الحين اجل ابوه الخفيف وش بيسوي
قمر: مابيخليها تشيل كاسة مويه
ضحكت اصايل وقالت: صدق
رهف: هيه تراه زوجي امشو
طلعت من الغرفه ووراها اصايل وقمر يتهامسون
اصايل: ذي صايره تزعل بسرعه وش الحل؟
قمر: اي ولله كيف بنتحملها تسع اشهر بنهار
اصايل: هرمونات الحمل ماعليك
قمر: بس مايصير كذاا
رهف: انتي وياها يا بطاريق امشو نايمين
ضحكو وتقدمو يجلسون مع البنات وهم يضحكون ويسولفون...