_____________
«يوم جديد-الساعه٢المركز»
طلع بعد ما انجز جميع اشغاله حرك سيارته متوجه لـ مشتل الورد، ناظر الاتصال الي جاه رد وهو يقول: هلا يُمه
ام نايف: وين يا نايف حنا وصلنا كلنا المزرعه
نايف: كلهم جو؟
ام نايف: ايوا عيلة محمد وحازم وعبد العزيز
نايف: يلا انا توي طلعت من المركز ابدّل واجيكم
ام نايف: الله يحفظك استودعتك الله
نايف: مع السلامه
سكر جواله نزل من سيارته ودخل وهو يدور بوكيه ورد يناسبها ويناسب غرورها وعنادها، تقدم عند الموضفه وهو يشرح لها وش يبي هزت راسها بلموافقه وقالت: ابشر الحين نجهزه لك
نايف: كم يلزمكم وقت؟
الموضفه: ٢٠دقيقه
نايف: اجل انا بروح مشوار وارجع لكم تمام؟
الموضفه: تمام بتكون جاهزه لا جيت
هز راسه بتفهم وطلع يركب سيارته ويحرك متوجه لبيتهم دخل، وطلع لـغرفته، وهو يطلع له لبس يناسب جو المزرعه ودخل يتروش وطلع وهو ينشف شعره اخذ عطره يتعطر واخذ جواله واغراضه الباقيين ناظر سلاحه بتردد واخذه وهو يثبته بحزام بنطلونه واخفاه بلجاكيت وطلع يتوجه لسيارته ركب وهو يحرك للمشتل، ناظر رسالة وليد: وينك
رد عليه وهو يقول: جايكم
سكر جواله ونزل يدخل وناظر الموضفه الي قالت: هلا، طلبك جاهز
مـدت له البوكيه وابتسم من شكله اخذه ودفع وهو يطلع لسيارته حط البوكيه ورا وطلع العلبه الصغيره وهو يثبتها بوسط البوكيه وطلع بمكان السائق وحرك متوجه للمزرعه...
«المزرعه»
الرجال بالمجلس الخارجي والحريم داخل بيت المزرعه والبنات يتمشون بأنحاء المزرعه والعيال جالسين بلجلسه الخارجيه،
سعود: وين نايف ياخي هو صاحب الفعاليات
هايف: بس نايف يقول سعود هو صاحب الفعاليات
سعود: اي اثنيننا
وليد: توي كلمته قال جايكم
هايف: ياعيال وش رايكم نروح لندن ابي اسوي الترند
سعود: تم
قيس: ايه ونروح وسيف الطيار
سيف: ايه بس مب ببلاش
سعود: اجل وش نستفيد
سيف: حتا انا وش استفيد
سامر: تكسب أجر فيهم
سعود: فيهم؟ ليه ماتبي تجي معنا
سامر: لا ما ابي مليت منها
نواف: وش الترند الي تبي تسويه يا هايف
هايف: ترند لندن
سعود: ايييييه حتا انا بروح لندن بس عشان اصوره
نواف: قوم انت وياه انا اخليكم تسوونه
سعود: ووين؟
نواف: هنا بـوسط المزرعه
سعود: وكيييف
نواف: تبون ولا لا؟
سعود: اكييد نبي
هايف: بس بتلثم دامني مشهور
سعود: حتا انا
نواف: يلا قومو
وقفو الثلاثه ونواف الي يعلمهم وقفو سعود وهايف بـوسط المزرعه ومعطيين ضهورهم لبعض ومتلثمين وشغل قيس اغنية~لندن~ ونواف الي يصورهم والعيال الي يناظرونهم وماسكين ضحكتهم، بدا نواف بـتصويرهم وهو يدور الكاميرا
خلص تصوير، وجلس وهم جنبه مـد لهم الجوال يشوفون الفيديو وبدو يضحكون لان حركاتهم والفيديو كله كوميدي
هايف: شرايك يا سعود؟
سعود: شف هو يضحك ايه بس بيطلع ترند عادي بنزله عندي
هايف: تم حتا انا بنزله
قيس: يعطيكم العافيه بتخلون الناس تضحك
هايف: اسكت
نشرو الفيديو، وناظرو الي دخل وهو يلقي السلام، وقفو يسلمون عليه وكملو جلستهم وهم يسولفون...
أنت تقرأ
تسرق القلب منك وتاخذه خلسه و انت تدري و لا تقدر تكلمها
غموض / إثارةبسم الله الرحمن الرحيم روايتي الأوله واحداثها البعض منهم واقع والبعض الاخر خيال. اما بلنسبه للشخصيات ف كلهم حقيقه الاسماء الي على الشخصيات مب حقيقيه بشأن محتوى القصه فكرتي وواقعي،
