تسرق القلب منك وتاخذه خلسه و انت تدري و لا تقدر تكلمها

42

________________

«بيت محمد-المطبخ»
لفو كلهم من قالت: تستاهل
انفجرو ضحك على شكل سامر الي كل وجهه طحين
سامر: شيهانوه ودك اصفقك؟
شيهانه: ماسويت شي
تقدم وهو يرمي على وجهها الطحين
وليد: بس بس اخلصو
شيهانه: سامررر
سامر: ماسويت شي
شيهانه: اوكي يلا نكمل ونحطها بلفرن سريع
سامر: ماعليه بس عقابك بتاخذينه بعدين
سعاد: تافهين
سعود: وهي صادقه
سامر: انكتم انت وهي
كملو يجهزون وهم كل شوي يتهاوشون خلصو وسامر الي قطع البيتزا وشيهانه الي وزعتها بصحون والباقيين كذالك طلعو وكل شخص معه شغله وبدو يصبون القهوه ويضيفون الحلا وهم يسولفون ومبسوطين
روان: يُبه بكرا نبي نروح انا والبنات عند خاله ام نايف عادي؟
ابو سيف: ايوا عادي بس انتبهو لنفسكم
روان: ان شاء الله
ناظرهم جالسين وناظر الساعه وقف وقال: انا بجلس برا مواعد متابعيني ان افتح لهم بث على الساعه١٢
ابو سيف: خذ راحتك
ناظر سعاد وأشر لها تجي لان اثنينهم بيكونون موجودين،
طلع للجلسه الخارجيه وسعاد الي اخذت جلالها والايباد وتقدمت تطلع ووقفت وقالت: انا بجلس بغرفتي وافتح البث
سعود: تمام انا برسل لك وندخل قست،
هزت راسها بلموافقه وتوجهت لغرفتها دخلت وسكرت الباب وجلست على الكنبه وهي تشغل الاضاءه وحطت السماعات وعدلت شعرها وابتسمت من وصلها طلب منه دخلت وهي ترحب بلمتابعين وتسولف مع سعود وهي مستانسه عدلت جلستها من دخل واحد من المشاهير والي هو خوي سعود بس علاقتهم سطحيه والي هو رائد التزمت الصمت لان محد يعرف قرابتها بـ‌سعود وكملت سوالف مع سعود والمتابعين تتجنب الكلام معه
رائد: سعاد
سعاد: هلا
رائد: وش رايك نضيف بعض وندخل قست كل يوم؟
سعاد: مايمديني
رائد: ليه، ولا مره دخلتي مع احد غير سعود؟
سعاد: هو اعرفه من زمان فـ‌ عشان كذا ما ادخل الا معه ومع البنات
رائد بخبث: ما اقتنعت للصدق بينكم قرابه؟
سعاد: هاذي حياتي الخاصه انت شتبي؟
رائد: شدعوه ليه عصبتي ماقلت شي؟
سعود بحدّه: تبي تعرف قرابتنا؟
رائد: ايوا
سعود: اجل ابشرك ذي زوجتي
رائد: الله يديمكم
سعود: الله يسلمك
رائد: بس ليه مخليها تطلع بثوث وتنشر نفسها وانت زوجها وفي رجال يدخلون ويشوفونها
ابتسم يحاول يهدي نفسه وغضبه وقال: اتوقع انه هاذ الشي يخصني انا وهي انت ليه تبي تعرف؟
رائد: لا بس مافي رجال يرضى انه زوجته تطلع قدام الناس ويشوفونها
سعود: انا راضي لان اوثق فيها واحبها،
رائد: وش دخل الحب بلموضوع ذا، الرجال يغار على محارمه ولا يرضى عليهم واشوفك انت ياسعود مب مهتم ليه؟
ضحكت وقالت: على الاقل انا طالعه وانا ساتره نفسي وملتزمه حدود شغلتي ولا كلمت عيال وعرضت جسمي زي اختك يا رائد لو تهتم بمحارمك افضل لك من حياة الناس و يلا برا البث، ولا ثواني بوريك،
فتحت جوالها الثاني وهي تدخل البث الي فيه ثلاث عيال وبنت معهم والي هي اخت رائد بلبس غير لائق ولفت الجوال توريه البث وضحكت وهي تقول: شوف لبسها بس عاد
رفعت انظارها من دخل سعود وجلس جنبها،
انصدم لان الي بلبث٧٠الف مشاهد وكلهم قلبو عليه طلع وهو يشتم نفسه لان كان يبي سعود يعصب ويغلط ويخسر شهرته ولاكن صار العكس...