هايووووووووووو
«في بيت حازم»
بدا ابو سعد يضحك على اشكالهم ومن ضحكهم وهم جالسين بلارض من كثر الضحك شافتهم فجر واستغربت من شكلهم وخافت وتوجهت للصاله دخلت وقالت: ماما تعاليي شوفي بابا وعمر ورهف وقمر مدري شفيهم
الجده بديعه: شفيهم
فجر: ما ادري بس تعالو شوفوهم بسرعه
قامت ام سعد ومعها الجده بديعه وتوجهو هم وفجر عند ابو سعد والبنات وعمر شافتهم بديعه واستغربت ليه جالسين بلارض وتقدمت لهم وناظرتهم يضحكون وقالت: بسم الله شفيكم تضحكون كذا
ام سعد: يا جده شوفي حتا حازم يضحك
فجر: يمهه خايفه
تقدمت فجر ومسكت قمر ورهف ووقفتهم وقالت: وجع بس
رهف وهي تضحك: ما اقدر ما اقدر
تقدمت بديعه وضربت حازم بعصاتها بخفه ووقف ضحك وقالت: شفيكم تضحكون كذا
وقفو ضحك او ما شافو بديعه وملامحها تحولت للجديه
عمر: ولا شي يا جده
الجده بديعه: طيب ضحكونا معكم
قمر: ياجده شفيك يعني مايصير نضحك
الجده بديعه: يصير بس وش سبب الضحك ذا؟
قمر: كنا نلعب انا ورهف وبلغلط لطخنا ملابسه بلطحين وخفنا انه يعصب بس هو ما عصب بدا يضحك معنا استغربنا وضحكنا على اشكالنا الي فيها طحين
الجده بديعه: تلعبون بلطحين وهو نعمه
قمر: ترا عادي يا جده
عمر: كنت احاول اوقف ضحك لاكن اشكالكم ما تساعد
رهف: للصدق انا اذا ضحكت ما يمدي اوقف بسهوله واجلس بلارض من كثر الضحك
قمر: خليتيني اجلس معك بلارض
عمر: تخيلو عاد رهف ماعد تستحمل ومسكت ف قمر وجلسو الاثنين بلارض
فجر: فاتتني الفعاليات والضحك وانا نخرشت احسب تبكون او فيكم شي
ابو سعد: انا بعد اول ما شفتهم ما احسب انهم يضحكون
رهف: عمي شبك معنا على طول
الكل: ههههههههههه
ابو سعد:اشكالكم تضحك مامداني
الجده بديعه: يلا عاد بس انت وياها كل واحد يروح يشوف شغله اشغلتونا ترا
ابو سعد: تمام
توجهو كل شخص يسوي شغله ورجعت رهف وقمر للمطبخ وقالو للبنات السالفه وبدو يضحكون عليهم وكملو اشغالهم لين المغرب ووصلو عائلة محمد وعائلة نايف واجتمعو على الاكل، ينتضرون الاذان
اذن المغرب وافطرو وخلصو وبدو البنات بلتنظيف،
«عند الرجال»
قيس: ياعيال انا بروح البيت اسوي شغله واجيكم
نايف: انا بعد بجي معك
قيس: يلا اجل مشينا
توجهو يطلعون وطلعو بسياراتهم وحركو متوجهين لبيت محمد ونايف لبيتهم كان بيت محمد قريب على بيت نايف مرههه
وصلو ونزل قيس ونايف
قيس: انا بدخل واجي بعد شوي تمام؟
نايف: انا بغير لبسي واطلع انتضرك
قيس: تم
توجهو كا واحد لبيته ينجز الي جا عشانه...
«في بيت عبد العزيز»
تجهزو جميعهم وجلسو ينتضرون ماريا تجي وتجيب البخور نزلت ماريا وهي ولابسه عبايتها المفتوحه وباين فستانها الوردي الناعم الطويل وماسكه البخور بيد تقدمت لهم وقالت: انا جاهزههه
ابو اسامه: ما شاء الله طالعه تجننين يابنيتي حصنتي نفسك؟
ماريا: ايوا يا بابا يلا عشان ابخركم لا نتأخر
وقف ابو اسامه وبدت تبخر فيه ماريا وخلصت وتقدمت ل اسامه وقالت: اقول نزل نفسك شوي عشان ابخرك زين
اسامه نزل نفسه شوي وقال: مسكينه
بخرته وتقدمت تبخر امها وقالت: خلصنا متى نمشي؟
ابو اسامه: الحين يلا
ماريا: اسامه حطيت الاغراض الي قلت لك عليهم بلسياره؟
اسامه: اي
ام اسامه: اغراض وش؟
ماريا: ماما جبت هدايا للكل
ام اسامه: زين ما سويتي يا بنتي
اسامه: تجون بسيارتي ولا بسيارتك يُبه
ماريا: وليه مب سيارتي؟!!
ابو اسامه: يلا خلاص بنجي بسيارتك يا ماريا
اسامه: اجل من الحين بقرا اذكاري
ماريا: اقول امش بس
اسامه: لاتخليني اجي اكفخك انتي وشوشتك ذي
ماريا: بابا شوفو يتكلم عني
ابو اسامه: حدك على بنتي احسن منك
اسامه: افا يعني انا مب ولدك؟
ابو اسامه: الا بس ذي ماريا دلوعتنا
اسامه: نشوف بكرا لا جت اصايلوه بتسحب علي انا وماريا
ماريا: اسكت بس اسكت، خلونا نمشي ترا مرههه متحمسه
ابو اسامه: يلا مشينا
توجهو كلهم يطلعون وتقدمت ماريا وركبت بسيارتها وشغلتها ووقفت عند باب البيت وقالت: بابي تعال انت معي واسامه ورا يلا
اسامه: لا تخليني الحين اكفخك
ماريا: سوريي
طلعو كلهم السياره وفتحت جوالها ماريا على الموقع الي اخذته من روان بدون ما تقول لها السبب وحركت السياره متوجهه لبيت محمد
~بعد مده قصيره~
وصلو ووقفت ماريا السياره وقالت: بابا غريبه مافي سيارات كأنهم طالعين
اسامه: انا بنزل اشوف اذا في احد
ابو اسامه: تمام
نزل اسامه وتوجه يدخل البيت من باب الحوش الي كان كبير دخل وشاف الرجال الي طلع وسكر الباب تقدم له
وقال: السلام عليكم
قيس: هلا وعليكم السلام
صافحه اسامه وقال: معك اسامه بن عبد العزيز، تعرف بيت محمد بن عبدلله وين؟
قيس: والنعم منك، مب انت اخو اصايل؟ ايوا انا ابن محمد
اسامه: ماعليك زود، اي انا هو، يا هلا ولله
قيس: حياك الله يا هلا ولله فيك، ولله كل العيله مجتمعين عند ابو سعد امش معنا حياك
اسامه: الله يحييك، لا اجل خلاص دامكم متجمعين غير مره بنجيكم
قيس: ولله غير انك تجي معي وعادي ابو سعد ماهو بغريب امشي
اسامه: ما ابي اتعبكم معاي وكذا وبعد اهلي معاي
قيس: يارجال مافي تعب ولا شي امش بس واهلك عادي عند الحريم
اسامه: تمام اجل خلاص
قيس: انا بطلع بسيارتي وانت الحقني عشان تدل البيت
اسامه: تمام، تشرفت بمعرفتك
قيس: هلا بك
توجه اسامه لسيارة ماريا وقال لهم السالفه،
ابو اسامه: اي ولله ابو سعد ذا اعرفه خويي
ماريا: ايييي اعرف بناته اصايل تسولف لي عنهم
اسامه: الحين بيمشي وانتي امشي ورا سيارته
ماريا: تمام، بس من ذا الي معه
اسامه: وشدخلك فيه؟
ماريا: ولا شي خلاص لا تعصب
اسامه: ناظري الطريق زين وامشي ورا السياره
ماريا: هف حاضر حاضر
حركت ماريا ورا سيارة قيس،
أنت تقرأ
تسرق القلب منك وتاخذه خلسه و انت تدري و لا تقدر تكلمها
Mystery / Thrillerبسم الله الرحمن الرحيم روايتي الأوله واحداثها البعض منهم واقع والبعض الاخر خيال. اما بلنسبه للشخصيات ف كلهم حقيقه الاسماء الي على الشخصيات مب حقيقيه بشأن محتوى القصه فكرتي وواقعي،
