تسرق القلب منك وتاخذه خلسه و انت تدري و لا تقدر تكلمها

40

_______________

«في القاعه-عند الحريم»
فجر: قمر بطلع لان الكيكه توها توصل بستلمها
قمر: اوكي، بس المصوره متى بتجيي
فجر: الحين ماعليك بتوصل وتجي على طول هنا
قمر: تمامم
تقدمت تطلع ونزلت الدرج وهي تسلم على الحريم الموجودين،
تقدمت للمخرج الرئيسي وقفت وهي تقلب بجوالها، تنتضر المندوب يوصل رفعت انظارها من سمعت صوته يقول: بنت شعندك
ناظرته وقالت: شدخلك يا ملقوف
ابتسم من عرفها، وتقدم لها
وقال: انتي؟
ضحكت وقالت: لا جدتي
ناظرها بعبايتها المفتوحه وفستانها باين وقال: وش عندك طالعه كذا
فجر: شتبي انت، وليه شفينيي؟
قيس: عبايتك مفتوحه سكرّيها
ناظرته وقالت: ملقوف ما بسكرها بعد بمشي،
قيس: بقول لك شي
فجر: وش تبي
قيس: اذا خطبتك بتوافقين؟
انصدمت وتوترت.
ناظرها وقال: اي او لا
ناظرته وقالت: يمكن اي ويمكن لا
قيس: بس الاكيد اي، يلا بكرا انا واهلي عندكم
فجر: وجع وجع وشش
لف انظاره للي وقف وبيده كيس تقدم له وهو ياخذه ويدفع ورجع عنها وهو يعطيها الكيس
وقال: لنا لقاء بكرا او بعده باي
مشى من عندها مخليها بصدمتها توقعته يمزح او يخوفها،
دخلت وتوجهت للغرفه الي موجوده فيها قمر دخلت وسكرت الباب وناظرت رهف والبنات كلهم مع قمر
فجر: ههاااييي بدوني جالسين
تقدمت وهي تسلم عليهم وجلست معهم
قمر: جهزتو كل شيء؟
ضحكو وقالت رهف: انتي وفهد مجانين بس اي جهزنا كل شي ولا يهمك
لفو انظارهم من دخلت عمة رهف اريج  والمصوره
اريج: قمر فهد شويات ويجي ترا عشان تصورون
طلعت من عندهم ودخلت المصوره  وهي تعطي قمر التعليمات
رهف: قمر انا  بروح اجيب فهد والبنات امشو
قمر: خلّكم قريبين شوي وبنبدا
ضحكو عليها وراحو البنات ورهف الي توجهت للبوابه الخلفيه وناظرته ببشته وشماغه
وقالت: هلا ولله بلعريس
ناظرها وقال: هلا ولله رهوف الغاليه
تقدمت تبارك له وقالت: يلا زوجتك تنتضرك
ضحك وقال: جهزتو كل شيء؟
رهف: اي اي ماعليك
دخلت رهف وهو وراها وتوجهو لـ‌غرفة قمر
رهف: انا بمشي انت ادخل ذي الغرفه
هز راسه بلموافقه وتقدم بيدخل ووقعت انظاره عليها بفستانها الابيض الناعم كـ‌نعومتها ورقتها كانت جمييييله بمعنى الكلمه وقمر اسم على مسمى، تقدم لها وهو يمسك يدينها ويقبّلهم، شعوره ماينوصف، ناظرها وقال: مبروك لك ولي
ابتسمت بحب وقالت: الله يبارك فيك
تقدمت لهم المصوره وهي تعطيهم وضعيات للتصوير، وهي تصورهم...

«عند الحريم»
البنات الي كانو يرقصون وتقدمت فجر وهي تسحب شموخ وبديعه معهم يرقصون وبدو البنات يصفقون ويصرخون من بديعه وشموخ الي مسكو يدين بعض وهم يرقصون بهدوء، وانضمو لهم باقي الحريم ام سعد وحريم عيالها  وحنان وزوجة منصور وام قيس وام سيف وام وليد وام شيهانه وخوات فهد مشاعل واريج
وزينه ومريم ومنار، وام نايف وام اسامه وشبكو يدينهم ببعض وهم يدبكون جميعهم، فتحت رهف جوالها وهي تشوف رسالة فهد انهم يجون، تقدمت للي تدير الاغاني وهي تشرح لها موضوع وطفت الاغنيه وقالت : العريس بيدخل الحين،
ناظرو بعضهم البنات وتوجهو كلهم لغرفة قمر دخلو وهم يسكرون الباب...