تسرق القلب منك وتاخذه خلسه و انت تدري و لا تقدر تكلمها

44

_________________

«يوم جديد- العصر  بيت ام نايف»
جالسين مع بعضهم وجود الي تصب لهم قهوه وقف نايف وقال: يلا انا ماشي تبون شي؟
هزو راسهم بلنفي
ام نايف: انتبه لنفسك واستودعتك الله يا بعد قلبي
تقدم يقبّل راس امه وقال: ان شاء الله
طلع من عندهم متوجه للمركز،
نواف وهايف الي كانو جنب بعضهم هايف  بهمس لنواف: شرايك نطلع؟
نواف: وين
هايف: نتمشى وناخذ زوجاتنا
نواف: تم يلا مشينا
هايف: ارسل لزوجتك وانا بعد برسل لها
فتحو جوالاتهم يرسلون لزوجاتهم ورفعو انظارهم لامهم وقال: يُمه حنا بنطلع نتمشى
ام نايف: زين بس انتبهو لنفسكم
العنود: طيب خذوني معكم
جود: وانا بعد
هايف: لا طالعين مع العيال
العنود: مالت عليك وعليهم بس بروح مطعمي افضل
جود: وانا؟
ام نايف: وانا؟
العنود: عادي روحو عند شموخ او بديعه او نوره
جود: احسن منكم يلا انتم انقلعو وانا بتمشور مع امي
ام نايف: اييه
العنود: اوكي يلا بروح البس
وقفو الاثنين وطلعو بعد ما سمعو ردهم وقفو عند السياره وقال: نواف بنروح بسيارتي افضل
نواف: تمام
طلعو سيارة هايف وحركو متوجهين لبيت محمد والعنود الي ركبت سيارتها وحركت لمطعمها ووراهم سيارة جود الي معها امها وراحو بيت عبد العزيز...

«بيت محمد»
نزلو بعد ما تجهزو وناظرو الجميع جالسين وتقدمو يسلمون عليهم وناظرتهم شموخ وقالت: وين رايحين
ملاك: بنطلع نتمشى
الجده شموخ: زين ومن معكم
غلا: بنروح مع هايف ونواف
الجده شموخ: انتبهو لنفسكم
هزو راسهم بلموافقه وتقدمو يقبّلون راسها وطلعو وناظرت غلا سيارة هايف وقالت: هذول هما يلا مشينا
تقدمو للسياره وركبو وهم يلقون السلام وحرك هايف، وقف عند الكافيه وقال هايف: بناخذ لنا قهوه وش تبون
غلا: ابي سبانش لاتيه
ملاك: وانا بعد سبانش لاتيه
نواف: انا V60
اعطا العامل طلبهم وقال: وين نروح
غلا: مدري
ملاك: وليه انتم قدام وحنا ورا؟
ضحكو وقالت غلا: صدق ليه
نواف: كذا
هايف: سيارتي
ملاك: وتحطوننا ورا وانتم قدام مب عدل
اخذ الطلبات هايف وهو يعطيهم وقال: ووش تبون
ملاك: خلنا نسوق واخذكم على مكان حلو
هايف: تمام
ملاك: خل اول شي نخلص قهوتنا ونبدل
هايف: اجل ناخذ لفه بشوارع الرياض
الكل: تم
حرك وهم يلفلفون بشوارع الرياض...

«المطعم»
دخلت وناظرت المطعم الممتلئ بلزباين ابتسمت وتقدمت وهي تسلم على الموضفات والموضفين، دخلت المطبخ وهي ترمي عبايتها وتلبس مريلة الطبخ فوق لبسها الي كان بنطلون اسود واسع وتوب بني بأكمام طويله، وبدت تطبخ وتحضر وهي هوايتها الطبخ من صغرها،كملت تحضر معهم وطلعت تجلس على احدا الطاولات وهي تقلب بجوالها ورفعت انظارها للي قال: العنود هنا؟
عرفته لاكن حبت تلعب معه وضحكت وقالت: ايوا بس مين حضرتك؟ 
ضحك وقال: افا نسيتيني!
العنود: هممم، ما اعرفك عشان انساك
جلس على الكرسي الي قدامها
وقال: معي وقت عشان كذا بجلس يمكن تتذكريني وباخذ لي عصير
العنود: وجع زين!
حمد: له له له ليه؟
العنود: نرفزتني يا حمد
ضحك وقال: انزين معناه تذكرتيني
العنود: مانسيتك عشان اذكرك
حمد: يعني تلعبين معي؟
ابتسمت وقالت: هممم، احب العب
حمد: حتا انا
العنود: وجع زين
حمد: يعني كلمتك الي على طول تقولينها وجع زين؟
العنود: يس وودي اصفقك
حمد: انا؟
العنود: ايه انت
حمد: شسويت لك طيب؟
العنود: كذا نرفزتني
حمد: النرفزه ذي ببطلها بعد مانتزوج
شهقت وقالت: نتزوج؟
حمد: ايوا فيه مشكله!
العنود: ايوا
حمد: يصير نلقا حل للمشكله
العنود: مستحيل
حمد: طيب وش هي مشكلتك؟
العنود: العديد من المشاكل
حمد: قولي فاضي
العنود: اولهم انك تنرفزني
حمد: في لها حل غيره؟
العنود: ثانياً تعصبني
حمد: لها حل
العنود: ثالثاً، سكتت بتفكير، وقاطع تفكيرها ضحكته، ناظرته وقالت: شفيك
حمد: ولا شي بس وين الثالثاً؟
العنود: بفكر
حمد: قولي مافي وانتهى وقولي انك موافقه
العنود: انت منجدك؟
حمد: ايه منجدي
العنود: كيفف وليه بتتزوجني أصلاً
حمد: يمكن لان انا احبك
ابتسمت وقالت: يمكن انا ما احبك
حمد: يمكن!
العنود: يمكن
حمد: الـ‌ممكن ممكن تتحول لـ صحيح
العنود: بس بس
وقف وقال: وصلتني موافقتك يلا اشوفك الجمعه ان شاء الله
طلع تحت انظارها المصدومه تماماً اخذت نفس تهدي من توترها ووقفت تدخل المطبخ...