هاااااايييييوووووو
«في بيت ام نايف»
متجمعين كلهم
العنود: امي بتجي ملاك وغلا عندنا نتساعد احنا وياهم
ام نايف: حياهم الله تمام
جود: انا بروح اجهز الاغراض اجل انا وغلا بنطبخ مع بعض
هايف: سمعت يا نواف شوف من بيطبخ جود
نواف: اي ما شاء الله لدرجه انها اذا طبخت الاكل يحترق من الحماس
جود: هيههه انت وياه ما بطبخ لكم يلا
نايف: يا جويد ماعليك منهم ولله طبخك حلو هم مايعرفون ياكلون
جود: نيوفي احسنن منكم
نايف: يا جويد لا تقولين نيوفي مره ثانيه
جود: ياربي منك انت تناديني جويد وما تبيني اقولك نيوفي
نايف: جويد اسمك حلو لاكن انك تجين وتقولين لي انا اللواء نايف نيوفي ليه؟
جود دقت تحيه: تم يا حضرة اللواء نايف
نايف: اي كذا حلو
جود لفت على العنود: عنود دريتي ليه ماسه واصايل تهاوشو؟
العنود: يووه قالت لي ملاك كل السالفه مصدومهه
جود: اي قولي لي كيف تهاوشو وليه
العنود بدت تقول ل جود السالفه ونايف كان يسمعهم وابتسم وهو يتذكر قوتها وشكلها،
العنود وقفت: انتم ماعندكم اشغال لان ابي البيت فاضي
نايف: انا طالع مع وليد
هايف: انا ونواف ماعندنا شي عشان كذا بنجلس
العنود: بلله عليكم الحين يجون صديقاتي مايمدي وانتم جالسين بلبيت
هايف: من زينك انتي وياهم
جود: لو سمحت الا صديقاتي
نواف: بس بس خلاص
جود: ايوا يلا تعالي يالعنودد وصلت ملاك وغلا بندخلهم من الباب الثاني
العنود: مشينا
ام نايف: انا بسوي لكم خبز اليوم
نواف: يووه اشتقت للخبز الي تسوينه يُمه
ام نايف: يلا تعال انت وهايف ساعدوني
هايف: ابشري يُمه
ام نايف: ابي نجلس بلحوش ونسويه
نواف: تم يُمه انا بحط لك السجاده الصغيره عشان تجلسين عليها
هايف: انا بجيب لك الاغراض
«في بيت حازم»
رجعو للبيت كلهم واجتمعو حازم وعياله بلقسم
علي: يُمه قلت لك ان انا ابيها من زمان
ام سعد: واذا تبيها تروح تخطب بدون ماتقول لي ولا لخواتك وابوك
علي: يُمه اعتذر منك لاكن نجبرت
ابو سعد: خلاص يا ام سعد اتقبلي الموضوع حتا انا تفاجئت بس خلاص بياخذون شور البنت ونشوف والله يقدم الي فيه الخير
قمر: واييي اخواني بياخذون خوات واحلا خواتت
عمر: وانتي وش قلتي عن فهد
قمر بتوتر: هـ ها
ابو سعد: وهو صادق عمر وش قلتي ترا ينتضروننا
قمر: بابا اذا انتم شايفينه مناسب وزين ف انا موافقه
ابو سعد: اي ولله فهد رجل زين وكفو
قمر: موافقه
ابو سعد: الله يوفقك يا بنتي ويسعدك ويتمم لكم على خير
ام سعد: اذا قلت لهم ف متى بتكون الملكه
ابو سعد: بقول لهم بعد اسبوع
قمر: اسبوع مره قليل ولا بيكفيني عشان التجهيزات
ابو سعد: عشان نخلي العرس بعد عرس عمر وتجهزو وابدو بلتجهيزات من الحين
عمر: يُبه نسوي الملكه هنا ولا نحجز مكان
قمر: نو خلوها بلبيت بيتنا كبير
ابو سعد: تمام انا بكلم ابو سيف وانتي يا ام سعد كلمي ام محمد
ام سعد: تمام ان شاء الله
«في بيت ام نايف»
بدو البنات يتساعدون وملاك وجود ف المجلس وغلا والعنود ف المطبخ
العنود: غلا انا بطلع فوق شوي وبرجع
غلا: اوكي بس وين القا الطحين
العنود: عندك بلمخزن
غلا: تمامم
طلعت العنود ودخلت غلا المخزن وهي تغني بصوت هادي،
«عند هايف ونواف وامهم»
ام نايف: روح يا هايف جيب لي الطحين
هايف: ابشري يُمه بس وين القاه؟
ام نايف: تلقاه بلمخزن
هايف: تمام
توجه هايف للمطبخ ودخل المخزن
هايف استغرب من صوت البنت الي تغني وبصوت عالي: يا العنود يا خبله اطلعي لا تغنين وانتي صايمهه،
سكتت غلا وانصدمت من صوت الرجال الي ينادي العنود وطاح من يدها كيس الطحين شالت الكيس وكملت طريقها تطلع من المخزن وتدعي انها ما تلتقي فيه،
شافها وتقدم لها
هايف: عـ...
سكت ولا قدر يكمل كلامه اول ما لفت عليه غلا
غلا: بعد انا مب العنود
هايف مكمل يناظرها ويتأمل ملامحها وشامتها الي زينت خدها
غلا: وجع شفيك انت؟
هايف: هـ ها وش
غلا: بعد بس
هايف: وش تسوين انتي بلمخزن؟
غلا رفعت كيس الطحين وقالت: اكيد مب جايه عشانك بعد
هايف: طيب ببعد بس لا تنفسين
غلا: هف مب منفسه خلصني
هايف: لا واضح
غلا: يعنييي وش؟
هايف بعد ورفع يدينه بأستسلام وقال: هاذ انا بعدت امشي تفضلي
غلا بهمس: ملقوف
هايف: وشششش يعني تتكلمين فيني؟
غلا: من زينك عشان اتكلم فيك
ومشت تطلع من المطبخ شهقت بخفه اول ما شافت العنود واقفه عند باب المخزن
العنود: يووووه فلممم
لف هايف اول ما سمع صوت العنود،
غلا: بس بس ترا ذا ملقوف منجد
هايف: هي انا هنا لي اسم
غلا: مايهمني اسمك
العنود: يمهه اول مره اشوف غلا معصبه يووه
غلا: بسبب ذا
العنود تقدمت توقف جنب هايف وقالت: ذا اخوي هايف ترا
غلا: من زينه
هايف: لا تتكلمين يا البزر
غلا: انا بزر؟
هايف: اي انتي!
غلا: اقول هش هش الي تقول لها بزر عمرها٢٤اكبر منكم ثنينكم
هايف: ٢٤واقصر مني، وبعدين انا٢٥
غلا: زين ما سالتك عن عمرك
العنود: يوووووووه بسسسسسسسس ترا انا هنا
غلا وهايف: اسكتي
العنود: اخيراً اتفقتو بشي
غلا وهايف: ما نتفق
غلا: بس
هايف: انتي الي بس
دخلت جود وشافتهم كلهم مع بعض وقالت: شفيكم؟
العنود: انتي وش جابك هنا وين ملاك؟
جود: خليتها بلمجلس
العنود: تعالي شوفيهم يتهاوشون
جود: لحظه، مين يهاوش مين؟
العنود: غلا وهايف
جود: غلا تهاوشش احد؟
العنود هزت راسها بمعنى اي
جود: مستحيل اكيد هايف مسوي شي
هايف: افا اختي توقف ضدي؟
غلا: اسكت بس
هايف: هـ..
قاطعهم صوت شي نكسر
العنود: سمعتو؟
جود: ايي
العنود: امشو نشوف وش لان الصوت مب طبيعي
مشو كلهم متوجهين للمجلس ومعهم هايف
دخلو وشافو اللوحه الكبيره بلارض وقطع القزاز بكل مكان لفو وشافو ملاك الي يدها مجروحه وقدامها ام نايف الي تضمد الجرح ونواف واقف تقدمت غلا تحضن ملاك: ملاك شصايرر؟
ام نايف خلصت تضميد الجرح وقالت: لا تخافون خلاص حصل خير
ملاك وقفت وقالت:ماصار شي لاكن نكسرت اللوحه وحاولت انضف القزاز ونجرحت يدي وجت خالتي ام نايف على الصوت
ام نايف: انتبهي لنفسك زين وخلي القزاز الحين تجي العامله تنضفه ونكسر الشر
ملاك: شكراً خالتي ام نايف
ام نايف: العفو يا قلبي انتي
العنود: زين يلا امشو بنات نجهز السفره
نواف: حطو اكل الرجال ف المجلس الثاني افضل
جود: اوكيي
غلا: هف بسبب ذاك ما كملت الاكل الي كنت بسويه
هايف: وبسببك نسيت وش امي قالت لي
غلا: مب بسببي بسبب لقافتكك
هايف: وانتي قصيره يلا بس
نواف: هايف
هايف: هلا
نواف: خير تهاوش بنت اصغر منك؟
غلا: وانت شتبي هاااه
نواف: بسم الله انتي تعضين؟
غلا: شايفني بسه او كلب اعض؟
هنا ملاك وام نايف وجود والعنود بدو يضحكون بصوت عالي
ناظروهم نواف وهايف وغلا
نواف: وش الي يضحك؟؟
ماردو ومكملين يضحكون
غلا: كنا بواحد صرنا بثنين واحد نشبه والثاني ملقوف
نواف: عنود
العنود: هلا
نواف: ذول مين ووش يقربون لبعض
عنود: ذول صديقاتي واذا تعرف وليد هما اخواته
نواف: يعني ذول الاثنين خوات
عنود: ايوا وتوام بعد
نواف: في فرق بينهم ان ذي 'اشر على غلا' قليلة ادب وذي'اشر على ملاك' موئدبه
غلا: يبوي محد طلب رايك
ملاك: حدكم على اختي عاد يلا بس
جود: طيب واحنا؟
هايف ضحك وقال: يلا بس عاد كنا نمزح
نواف: ايوا نمزح بس شكلكم ما تعرفون المزح
غلا: دمكم ثقيل، يلا بنات امشو بس
طلعو البنات متوجهين للمطبخ
ولفت ام نايف على نواف وهايف وقالت: شفيكم انتم رجال يا كبر الواحد وتهاوشون بنات
هايف: ذيك هي الي غلطت وانا ما كنت اهاوش
نواف: انا بعد
ام نايف: ولله انهم عسسل
نواف: يُمه احنا عيالك!
ام نايف بتفكير: شرايكم؟
نواف ناظر هايف بأستغراب
هايف: وش يُمه؟
ام نايف: اخطب لكم
هايف: اول شي نايف بعدين حنا مب مستعجلين
ام نايف: اذا عشان نايف ف هو ما يبي
نواف: من جاب طاري الخطبه الحين يُمه
ام نايف: انا
هايف: ومن بتخطبين لنا؟
ام نايف: الموئدبه وقليلة الادب
هايف: وش تقصدين يُمه من ذول؟
نواف: يُمه قولي غيرهم وش عاجبك فيهم
ام نايف: انا قلت لكم بخطبهم
نواف: اوكي بس بشرط
ام نايف: وش؟
نواف: ما ابي ذيك الي تهاوش
هايف: حدك عاد الا زوجتي المستقبليه
نواف: اشوفك شبكت على طول يا الحبيب
هايف: بس بس يا ابو الشرط
ام نايف: يعني نقول خلاص؟
هايف: ايوا يُمه
ام نايف: اجل تمام نروح نخطب الخميس
نواف: امي ببلغ اعمامي يمكن يجون يروحون معنا
ام نايف:تمام
~عند البنات بلمطبخ~
غلا: بناتتت ترا اخوانكم يقهرون
جود: يحليلهم اخواني
غلا: من زينهم يووه
العنود: غلا ولله ان اخواني عسسل بس انتي عصبيه
ملاك: هي ترا اختي بسم الله عليها تجنن ولا تهاوش ابدا بس اخوك
غلا: ايوا
العنود: شدراكم يمكن يكون في قرابه قويه بينكم مستقبلاً
غلا: بس بس
جود: اي ولله انك جبتيها يا العنود
ملاك: يلا اعطوني السفره بحطها لان ما باقي شي ويوصلون
اخذت السفره ملاك وتوجهت تحطها ف المجالس وجهزو السفره البنات ووصلت عائلة حازم وعائلة محمد واجتمعو
على سفرة الافطار وبدو يفطرون
أنت تقرأ
تسرق القلب منك وتاخذه خلسه و انت تدري و لا تقدر تكلمها
Mystery / Thrillerبسم الله الرحمن الرحيم روايتي الأوله واحداثها البعض منهم واقع والبعض الاخر خيال. اما بلنسبه للشخصيات ف كلهم حقيقه الاسماء الي على الشخصيات مب حقيقيه بشأن محتوى القصه فكرتي وواقعي،
