هاييييييييووو
كملت رهف لبيت حازم
وصلت وعدلت شكلها ونزلت ومعها قمر دخلو وكان الكل جالسه
رهف: السلام عليكم
الكل: وعليكم السلام
تقدمت رهف تسلم عليهم وجلست قمر
الجده بديعه: غريبه وين الباقيين
رهف: جايين ورانا
الجده بديعه: وليه انتي وقمر جيتو لحالكم
قمر: يا جده احـ..
الجده بديعه بحدّه: كلمت رهف ليه تردين انتي
رهف: ياجده ابوي قال انتم روحو واحنا وراكم
الجده بديعه: اها زين
فجر تدخلت: تعالو بنات للمطبخ بوريكم شغله
رهف: اوكيي
توجهو البنات للمطبخ ودخلو وسكرت الباب فجر
فجر: رهف تعرفين جدتي وكلامها لا تتضايقين من كلامها
رهف: عادي ماصار شي، تدرين يا فجر؟
فجر: وش
رهف: اليوم جايين نخطب قمر
فجر: يوه ادري ادري
رهف: فاتك الهوشه الي صارتت
فجر: يمه بين مين ومين
رهف: بين قمر وجواهر
فجر: مين جواهر؟
رهف: يختي جواهر بنت خالتي
فجر: ووش صار ليه تهاوشو؟
رهف قالت لها السالفه
فجر لفت على قمر: الغيرههه
رهف: ترا انا وعمر مخططين عليك يا فجر بنزوجك
فجر: وش؟ انا
رهف: اي انتي
فجر: شدخلني اناا
رهف: كذا شفنا لك واحد مناسب
فجر: ومين ذا
رهف: بيعجبك ماعليك
فجر: مابوافق
رهف غمزت وقالت: ماتوافقين على الملقوفف؟
فجر بلعت ريقها بتوتر لان قيس عجبها من اول مره شافته
قمر: شفييك سكتتي
رهف: ولا لا واضحه الشغله صح يا قمر؟
قمر: اي ولله
رهف: حلو بس نزوجكم انتو بنرجع ل روان وعلي
فجر: حتا ذول ماخليتوهم بحالهمم؟
رهف: انا وعمر متفقين
قمر: بننضم لكم انا وفهد
دخلت روان الي كانت عند الباب وسمعتهم وقالت: موافقه متى العرس؟
رهف: يمههه اختي الخفيفه انقلعي بس انقلعي
قمر: واي اخواني ياخذون اخوات حبيت
فجر: ماعليكم من بكرا بكلم امي تخطب ل علي
روان: وانا موافقه على المز الاسمر، بس هي وش تخصصه؟؟
قمر: مهندس هو تخرج من كم شهر ولا رضى ان احد يدري فيه وبدا بشغله
روان: واي زوجي المستقبلي شاطرر
دخلت ملاك وقالت: بنات يلا باقي ٢٠دقيقه على الاذان وبيجون عمر وذاك علي ياخذون اكل الرجال وانتو امشو نجهز سفره الحريم
روان: شوفو الصدف الجميله
فجر: بس يلا امشو
قمر: فجر شكل زوجة اخونا تحمست!
فجر: يس للاسف خفيفه
روان: هش هش اخوكم الخفيف
كملو البنات يحطون الفطور ودخل عمر واخذ من صحون الاكل ودخل مجلس الرجال دخل علي المطبخ وشاف الي واقفه تحط الاكل وتقول كلمات غير مفهومه
علي: هيه يا بنت شفيك تكلمين مين
روان لفت وشافته هو توترت وقالت: انا؟
علي عرفها وتذكر اول لقاء لهم وابتسم وقال: انتي؟
روان: اي انا وش فيك؟
علي: انتي وش فيك
روان: خلاص بس وش تبي الحين
دخلت قمر وشافتهم واقفين وقالت: ياسرعك يا روان وش السر علميني
علي: وش فيكم
روان: وش فيك قمر
قمر: بهلسرعه اتفقتو علي؟
علي: كيف
قمر: اتفقتم علي وانتم للحين ماتزوجتو اجل لو تزوجتو وش بتسوون فيني
رفع حاجبينه بذهول وصدمه من كلمتها وقال: نتزوج؟
قمر توترت وقالت: اذن المغرب واحنا هنا، انا بروح
علي: اتفاهم معاكم بعد الفطور يا قمر وناظر روان وابتسم وكمل وروان
وطلع متوجه لمجلس الرجال دخل وجلس جنب عمر
عمر: ماقلت لك جيب تمر زياده وش صايبك؟
علي: يقولون مخلص
عمر: مخلص وانا شفت كرتون كامل
علي: مدري
عمر: تمام تمام
كملو ياكلون جميعهم خلصو اكل واجتمعو الرجال في مجلس الرجال الثاني والعيال يصبون قهوه
شرب من قهوته فهد يسمع اخوه محمد يتكلم
ابو سيف: حنا جايينكم اليوم يا ابو سعد ونبي القرب منكم وطامعين في نسبكم. ونبي بنتك قمر لاخوي فهد على سنة الله ورسوله
ابو سعد: فهد فيه الخير والبركه وانت يا محمد صاحبي وبحسبة اخوي لاكن الشور شور البنت
ابو سيف: ماعليه خذو راحتكم
ابو سعد: ان شاء الله الله يقدم الي فيه الخير،
أنت تقرأ
تسرق القلب منك وتاخذه خلسه و انت تدري و لا تقدر تكلمها
Mystery / Thrillerبسم الله الرحمن الرحيم روايتي الأوله واحداثها البعض منهم واقع والبعض الاخر خيال. اما بلنسبه للشخصيات ف كلهم حقيقه الاسماء الي على الشخصيات مب حقيقيه بشأن محتوى القصه فكرتي وواقعي،
