تسرق القلب منك وتاخذه خلسه و انت تدري و لا تقدر تكلمها

33

__________________________

«المستشفى»
وصل ونزل بسرعه وهو يحملها ودخل المستشفى وهو يركض خايف عليها وبصوت عالي: ويننن الدكتوور
تقدم الدكتور والممرضين وهم ياخذونها دخلوها الغرفه  ووقف وهو خايف وعلى اعصابه ناظر الممرضين الي فتحو الباب يسحبون سرير رهف اللي منسدحه عليه و الدكتور يأشر لهم: غرفة العمليات حالاً
وسع عيونه سامر  وتقدم للمرضين الي مشو بسرعه متجهين لغرفة العمليات والدكتور الي متوتر ويرمي القفازات من يديه، وقفه سامر وهو يقول: يادكتور شفيه
الدكتور: ان شاء الله كلشي تمام انا بمشي وابلغكم بكل شي يصير

وقف وهو مايدري وش يسوي يدعي انه مايصيبها شي فتح جواله واتصل على فهد وصله صوت فهد وهو يقول: هلا وينك ماجيت للحين،
سامر: تعال المستشفى
فهد: وش صاير ليه
سامر: رهف تعبت ودخلوها غرفة العمليات ولا ادري وش اسوي ولا ادري وش فيها
فز فهد وقال: شفيهاا الحين جاي انتبه لها
سامر: تمام.

«عند الرجال»
ابو سيف: وش صاير يا فهد
فهد: رهف بلمستشفى
فزو كلهم ابو سيف: كيف ولييه شصاير
فهد: دخلوها العمليات ولا ادري وش صاير بروح واشوف
ابو سيف: بنجي كلنا
وقفو عيال عبدلله وطلعو مع بعضهم وسعد ومتعب الي كانو موجودين وسمعو الي صار وهم مايدرون عمر وينه...

«المستشفى»
دخلو وشافو سامر الي جالس ومنزل راسه ويدينه على وجهه تقدمو له ووقف من شافهم وصلو
ابو سيف: وينها بنتي وش صاير يا سامرر
سامر: خالي انا بعد ماطلعتو كنت بلمجلس معي شغله وطلعت بلحقكم ومالقيت مفاتيحي ودخلت باخذهم الا واشوفها واقفه وتبكي وماسكه بطنها، واغمى عليها وجبتها المستشفى،
ابو سيف: وليييه العمليات وين الدكتورر
سامر: ما ادري للحين ماطلع
جلس ابو سيف وهو خايف ولا يدري وش يسوي، والعيال الي وقفين ينتضرون رهف الي مايدرون وش صابها ووش صار لها ولا يدرون ليه بلذات غرفة العمليات لكنهم وقفو عند البوابه مهدود حيلهم جاهلين لكل شي قدامهم ينتضرون شخص يطلع ويطمنهم، بعد انتهاء العمليه طلع الدكتور وتقدم له سيف: يادكتور وش فيه؟
الدكتور: الحمد لله ابشركم العمليه نجحت
سامر: اي يادكتور بس وش هي العمليه وليه
الدكتور: الزايده عندها ملتهبه ولحقنا عليها
ابو سيف: الحمد لله يارب
سيف: مشكورين هي الحين كيف وضعها الحين؟
الدكتور بتصحى ونشوف حالها
مشى الدكتور من عندهم وجلسو كلهم
حازم: ابو سيف نبلغ الحريم ولا كيف؟
ابو سيف: روح عندهم وبلغهم قيس وسعود مع البنات والحريم ببيت ام نايف ومعهم وليد
حازم: تمام
طلع من عندهم حازم وفتح جواله يكلم قيس رسل له  وتقدم عند سيارته وحرك لبيت ام نايف دخل المجلس وشاف وليد ونايف ونواف وهايف سلم وجلس جنب وليد وهو يقوله السالفه وقفو هو ووليد وودعوهم وطلعو وشافو الحريم الي توهم طالعين وركبو السياره وقال لهم حازم السالفه
ام قيس: يمهه بنتي ودوني لها وينهاا
الجده شموخ: يا حازم ودنا المستشفى ووليد وصل عماتك البيت انقسمو قسمين وحازم الي معه اريام وشموخ دخلو المستشفى وناظرتهم شموخ جالسين كلهم وتقدمو لهم
ام قيس: طمنوني عنها هي بخيير؟
ابو سيف: اهدي ايوا وساعتين بينقلونها للغرفه
جلسو كلهم بلممر ينتضرون الدكتور
طلع الدكتور وهو مبتسم وقال: ابشركم
وضعها زين وبننقلها غرفه ثانيه ويمديكم تشوفونها
ابو سيف: مشكور يادكتور اعطاك العافيه
الدكتور: الله يعافيك والحمد لله على سلامتها
مشى من عندهم الدكتور،
'وبعد مده قصيره
فتحت عيونها تحصل نفسها بـ سرير المستشفى ومشبوك بيدها المغذي ومكان بيدها عليه ضماده بلعت ريقها بـ الم تناظر بطنها وتحسس بالم قوي جاي من جنبها ورفعت يدها تتحسسه وبعدت يدها ترجعها من حسّت بالالم القوي لما ضغطت على بطنها غمضت عيونها بتعب تنتضر احد يجي ويشرح لها الوضع  رفعت انظارها للي دخلو وهم ابوها وامها وجدتها واخوانها وابتسمت لهم بتعب
تقدمو لها وهم يتحمدون لها بلسلامه ويحكون لها الوضع
الجده شموخ: الحمد لله على السلامه وكلها اسبوع ويخرجونك...