لــيلــى وأخـواتُـهـا

كــلــمــة ♡

ليلى وأخواتُها رواية، كانت حاجه كده شبه إني بعند مع نفسي، سواء من ناحية كُرهي الجبار-اللي كان قبل الرواية لإني حبيته معاكوا-  لمحمد علي وولاده بعد ما عرفت ظلمهم وإلخ، أو عدم تفضيلي لإسم أحمد عمومًا، فالرواية كده كانت عند فيا بطريقة مش طبيعيه.
ومع ذلك حاسه إن ده اللي خلاها بالشكل الجميل ده، فالحمد لله أولًا وآخرًا على نعمة الكتابة ونعمة الخيال!

ودلوقتي، أحب أعرفكوا عني قبل ما أشكر ناس مُعينة وقفوا جنبي جامد
أنا جومانا أسامة البدالي، من مدينة السرو المُتواضعة، بكتب من تانية إبتدائي الحمد لله، وكتبت أكتر من سبع أعمال روائية منها اللي كمل واللي مكملش بس مفيش أي حاجه منها اتنشرت وده أول أعمالي اللي انشرها، طول فترة الإبتدائي كنت مُتخصصه قصص وخواطر، من بداية الصف السادس الإبتدائي كتبت اول رواية ليا، وهكذا تتالت الروايات المكتوبه والمركونه لحد ما حسيت إني بقيت أخيرًا قد خطوة النشر، وإن العمل ده فعلًا يستاهل يتنشر، وبحمد ربنا إن كان عندي الإستمرارية اللي خلتني أتحسن فوق الوصف لو قارنا بين أول رواية كتبتها والرواية دي.
وإن شاء الله مش هوقف تطوير من نفسي على قد ما أقدر، عشان انت يا قارئي العزيز تستحق الأفضل❤

أحب في الختام، أشكر أولًا أمي العزيزة، لإن في النهاية هي ليها سبب في كل حاجه حلوه في حياتي، ربنا يحفظها لي، ويخلي لكل شخص أمه، أو النعمة اللي ربنا رزق عبده بيها مكان حاجه تانيه هو خدها منه🤍

ثانيًا هشكر شكر خاص لأنفال إبراهيم ميرة، صديقتي العزيزة من الصف الأول الاعدادي، والشاهد الأول والدائم بفضل الله على كل أعمالي، والمشجع الأكبر والأقرب لقلبي♡

ثالثًا شكر خاص لعزيزتي روان أمير،  أحبك في الله، وشكرًا لإنك كنت من أكبر الداعمين لي ومن الأسباب اللي شجعتني أكمل وأنشر ودعمك ليا لا يتوقف أبدًا، شكرًا جدًا، وأتمنى أن يدوم المعروف والمودة يا جميلة الداخل والخارج♡

رابعًا، شكر كبير لجميع أصدقائي وخاصتًا جميلتي روان رفعت قنديل، حتى إن دعموني بدون قرائه، أحبكم كثيرًا، وأشكر  كل من دعمني بالتصويت أو بتعليق لطيف، قريبًا كان أم غريبًا، يعرفني أو لا يعرفني، فوالله لا أحد يعلم كيف شجعني ذلك وأعطاني ثقه بكتاباتي أكثر، وبالطبع لن أنسى عزيزتي ندى ناصر، المجهوله التي دعمتني كأحد أقرب الأصدقاء لي♡

أنتم أصحبتم عائلتي يا رفاق، أشكركم كثيرًا،على دعمكم السابق أو القادم، وانتظروني قريبًا.. قريبًا جدًا فمازلت لحكايتنا مع ليلى وإخوتها بقية! ❤

وأتمنى كل من وصل لتِلك الكلمة وأنهى الرواية، أن يقوم بـ "ريڤيو"  صغير عنها في الجروبات ويعمل لي إشاره حتى تُساهم في دعمي وفي نشر رواية أعجبتك (إن أعجبتك)  وإسعادي وإعطائي نجاحًا (أرى أنني أستحقه)

وبس🫂❤