بعد يومين
فراس وصلنه اني وعمي ابو ابراهيم لبيت اهل صابرين واول مادكيت الباب فتح خالد الباب وهنا كانت الصدمه بالنسبه الي لمن شفت خالد !!؟؟
ابو ابراهيم : السلام عليكم...
خالد وكان متفاجأ مثلي : وعليكم ...السلام !
فراس: شلونك... خالد !
خالد : هلا ومرحبا... تفضلوا... تفضلوا
خالد ...بداخلي تفاجات معقوله فراس هو نفسه الي جاي يخطب صابرين!! لعد وشيماء؟؟!
فراس ...دخلنه وسلمت على ابو خالد و كان متفاجأ بيه بس استقبلنه وبعد السلام والترحيب بدأ هو و عمي يتكلمون بالمقدم والمؤخر كلشي كان تمام عكس الي كنت اشوفه من خالد كان مبين رافض .. سكتت مااكدر اتراجع والغي الخطبه ولا بيه اكمل واني ما متقبل تكون بت عم شيماء ...سكتت لكن النار بداخلي تغلي واني اتذكر شيماء وعلي السنتين الي مضت..... جذب اذا اكول تخطيت واني الي وافقت على صابرين حتى انسى شيماء ..شلون وهسه عرفت هي قرايبها ..مامستعد اشوفها ولاحتى بالصدفه ... ليش ياربي ليش تخليها بطريقي !؟
وبعد ما طلع فراس وعمه ...
خالد بعصبيه التفت لابوه : بويه ليش وافقت ؟
ابو خالد : وليش ارفض؟
خالد باستغراب : يعني تقبل ياخذ اختي ؟
ابو خالد : وليش ارفض شبيه الولد ؟
خالد : قبل سنتين خطب شيماء وهسه خطب صابرين شنو ماكو غير بناتنا ؟
ابو خالد : الولد حب يناسبنا ...يعني الي يتخيرنه نرفضه ؟؟
خالد : بوبه نسيت اني متعارك وياه شلون راح يحترمها ؟؟
ام خالد دخلت وهي متفاجاه من الصوت : خالد شكو ؟
خالد :يووم الولد طلع نفسه فراس ...
ام خالد : انت تعرفهم ؟؟
خالد : يوم الولد الي ضربنه علمود شيماء قبل ..
ام خالد حطت ايدها على حلكها من الصدمه وبعدها فكرت و كالت : يمه السالفه خلصت وانتهت وهسه اجه لاختك شنو يعني ؟
ابو خالد : خويلد اسكت شنو تريد تخرب قسمت اختك؟
خالد باستغراب : بويه تنطيها لواحد كان يريد يخطب بت عمها ؟ لو لواحد متعارك ويااخوها ؟
ابو خالد وهو يحاول يسكته : اي هي حجايه وماصارت شنو يعني هاي الناس تنطي لو بينها دم اذا على الخطبه فما صارت واذا بسببك فالولد اجه و اعتذر وخلصت السالفه وحتى طلع صاحب علي مو صحيح ؟
خالد : بويه ..لو مو صاحب علي !
ابو خالد قاطعه بقلت صبر : كافي ... كافي ...لا تضل تخربط فاهم ...اتفقنه على الجمعه وهي هاي ...خلي البنيه تفرح ...لاتسمعك
أنت تقرأ
مضيت بعيدا
ChickLitاي طريق هذا الذي جمعنا مرة اخرى ولماذا كلما اردنا الافتراق تجمعنا الصدف ؟ باسلوب قصصي جديد وباللهجه العراقيه قصة (مضيت بعيدا ) مليئه بالمفاجات والاحداث الشيقه جمعت بيها اكثر من قصه واغلب الاحداث حقيقيه لكن باسماء مستعاره ...الاحداث جدا شيقه ومن...
