كل جسمي ظل يختض من الخوف واني اشوف ملامح خالي شلون كانت تتغير وھو يتكلم ويأشر مااعرف شلون اجتني الجراءة وسويت ھيج خطأ اكيد خالي عرف اني كنت شاردة و اكيد ھذا الرجال يعرفنا والا شلون اندل البيت!! ...
حجي سعدون : بوية شيماء شنو تحتاجين تبلغيني انتي ھسة راجعة لبيت ابوج ومكانج ...
كلام جدي صحاني وذكرني اني وين رايحة ...كابوس طول عمري كنت اخاف منة مااعرف اذا كانوا صدك اشرار أو كلام خالي عنھم بسبب حقد قديم بينھم ...مااعرف شلون راح اتقبلھم بعد كل ھذي السنين !!!
وصلنة بعد نص ساعة لبيت جدي كان بيت عالي جديد ومبين منطقة ھادئة ونظيفة كنت اسمع ان بيت جدي اغنياء بس ماتخيلت بھالشكل ...
وصلنة ودخلت السيارة للكراج كان بيتھم بي حديقة نزلت واني اتفحص المكان بعيوني وبداخلي سؤال شاغلني خالي ليش ما كال عن السايق شي ؟ ....معقولة وافق اروح لبيت جدي لان عرف ؟!
حجي سعدون : سراج صعد جنط بت عمك لغرفتھا وانت خالد فوت خابرلي ابوك ...(والتفت ألي وھو يكمل كلامة ) يلة بوية شيماء فوتي وسلمي على نسوان عمامج ...
شيماء ....دخلت المطبخ وسراج اخذ جنطتي وكارتون كتبي ودخل قبلي ...
سراج بفرح : تفضلي ...تفضلي اليوم عيد عدنا ....
شيماء ماكنت اتحمل اشوفة اصلا و ما متقبلة فكرت وجودي ابيتھم ....وھسة انفرض علية اجاملھم !!
دخلت و كان مطبخ كبير وبية نسوان اثنين وبنية شابة بيضة طولھا وسط ولابسة حجاب
ام سراج باستغراب : منو ھاي البنية ؟
سراج وھو يبتسم : شيماء ...
شيماء : السلام عليكم !
ام سراج بفرح : يااااا ...شيماء بت قاسم تعالي عمة تعالي !
وحضنتني وتبوسني اما الثانية فكانت متفاجاة و تتفحصني من فوك ليجوة
ام خالد وھي تسلم ببرود : وعليكم السلام ...ھلا عمة ھلا شلونج ....
شيماء : الحمد لله
سراج وطلع من المطبخ بينما كانت انظارھن للجنطة والكتب باستغراب ...
صابرين : يعني اخيرا قبلتي تجين عدنا مو؟
شيماء بتوتر : ھا ..اي
صابرين( ٢٠ سنة ) وھي تسلم : ھلا بيج حبيبتي اني صابرين بت عمج ...اخت رقية
ام خالد : شنو انتي غايبة من المدرسة اليوم ؟ لو مبطلة ؟
شيماء : غايبة ...
صابرين : تعاي اشوفج غرفتج ...جدي محضرھا من فترة ...حتى اشترالج ميز للكتب تعالي !
ام خالد وھي تاشر بنظراتھا لام سراج : ام سراج مااوصيج بعد ...عينج عليھا خية ....
أنت تقرأ
مضيت بعيدا
Chick-Litاي طريق هذا الذي جمعنا مرة اخرى ولماذا كلما اردنا الافتراق تجمعنا الصدف ؟ باسلوب قصصي جديد وباللهجه العراقيه قصة (مضيت بعيدا ) مليئه بالمفاجات والاحداث الشيقه جمعت بيها اكثر من قصه واغلب الاحداث حقيقيه لكن باسماء مستعاره ...الاحداث جدا شيقه ومن...
