مضيت بعيدا

البارت السابع 🌹

انفتح الباب... وبين صدمه خالي وزوجته دخل جواد بملابس الجيش وحقيبته بيده اول مره احس اجه المنقذ لا اصلا حسيته هديه من رب العالمين الي ...

جواد : السلام عليكم ؟! شبيكم صوتكم طالع !

الكل وعليكم السلام ...

زينب بدون مقدمات : شيماء تراسللها واحد وداتكله وديني لبيت جدي..

ابو جواد بصوت عالي وبعدم رضا : زينب!!

جواد التفت لشيماء بأستغراب:  شنو؟يا بيت جد ؟ و منو ھذا ؟

شيماء... كل الكلام اختفى وانا اشوف ملامح جواد تغيرت للعصبيه من واني صغيره مااشوف منه بس الوجه الي يضحك اول مره بحياتي اشوفه هيج عصبي وعليه خفت مااعرف شنو ارد!!!

ابو جواد  : جواد بويه انت روح ارتاح هسه.. انت جاي من سفر ...

جواد ضرب الجنطه بالارض بعصبيه وصاح: شرتاح بويه!!  صوتكم واصل للشارع!!!   وهاي منو مراسله انوب  ؟ خل افهم؟

شيماء التفت لخالي استنجد بيه من الخوف ويتوتر كلت  : خالو ...اروح ...للمدرسه ... لو اصعد؟

جواد تقرب ولزم ايدي بقوه وكال بعصبيه ونظراتة الي  عبالك مجرمه ويريد يحقق وياي  : هسه... تحجين... منو مراسله... وشنو تردين ترحين لجدج ... احجي؟؟؟

رفعت عيوني بعيونه من الخوف دموعي نزلن وصوتي كوه طلع واني اكول : بس اسمعني... اول... بس خل احجي... والله مو هيج...

ام جواد بعصبيه : يمه اول امس لكيناها تراسل وطلع هذاك الولد الي ساعدها... ولج منين عرفتيه شوداج على رقمه... ام المصايب

ابو جواد وهو يحاول يهدء جواد : ام جواد ھسة ھذا وكتة مو تشوفين الولد صاير بارود ....جواد بوية  اتركها اني افهم منها  بمعرفتي ... روح انت بدل..

جواد لزم ايدي بقوه وعصرها ولاهمه داتوجع وصاح : اي بوية اني ھم اريد افھم ...اي ست شيماء منو انوب هذا ...هااا؟ شوفي اليوم حتى ابوي مايفكج مني... تحجين احسلج يله احجي... لا افرغ السلاح براسج !!

شيماء... دموعي تنزل والكلمات تطلع برجفه وخوف: والله مو قصدي.... خالو لمن  تعارك... ويا ولد عمي.... ورادوا ياخذوني و... وكلت... وكلت خلي باخذوني بلا هالمشاكل بسببي...

جواد بصياح: اي ...كملي؟؟

شيماء بين الدموع وصوت شهكاتي : كتبت.... لهذا الولد... الي ساعدني، كتله روح لجدي...مو هو ترك رقمه..ھذاك اليوم ... بس...والله...والله عرفت غلطانة انوب اجيت دااكلة  لا تروح ماكو داعي... وزينب شافتني وصاحت  لخالو ..كلتلة دااراسل !

زينب  بحقد قاطعت : شوفي خاله شلون تحجي علي ...ام الرسايل ...لوما الكل شافھن ...

جواد: صوتج مااسمع زينب... وانتي اذا تردين ترحين لجدج ؟؟ ...... شكو بعد تراسلين العالم هااا؟