مضيت بعيدا

البارت الثاني عشر

شيماء ...نزلت من السيارة ودخلت للبيت كانت ام سراج بالمطبخ تحضر عشا وعدھم خطار ...

شيماء بتعب : السلام عليكم
ام سراج : وعليكم السلام ....شنو عمة شعجب رجعتي ؟ حسبالي بعد تبقين بالفاتحة ؟

شيماء : عندي امتحانات ھالاسبوع وما قبلت المدرسة تأجلة الي !!

ام سراج : خابري صابرين تجي تساعدني لعد وروحي درسي انتي ...

شيماء : لاعمة اني اساعدج و باجر ادرس ..

علي دخل للمطبخ قال بعصبية : شيماء تعالي وراي ...
وتركھم و راح صعد بسرعة

شيماء التفت لام سراج وملامح الاستغراب والتساؤلات بينھن ...

شيماء صعدت الدرج وكان علي بغرفتة يطلع دشداشة من الكنتور ويتحرك بسرعة وعصبية

شيماء : نعم ؟ شنو تريد ؟

علي : اكوي ھاي الدشداشة ...شمرھا على الفراش والتفت عليھا وكمل كلامة بعصبية : من يمتة تعرفين فراس ؟

شيماء من سألني عن فراس وانة جسمي كلة ظل يرجف عيونة كانت تقرة ملامحي شنو اكولة وھو يعرف كلشي شنو احجي وشنو اضم عنة ؟

علي : كتلج من يمتة تعرفينة احجي ؟

شيماء : ليش تسال ھو مو صاحبك ؟ ليش تسالني مو انت دازة ؟

علي اخر شي اتوقعة تتھمني اني داز فراس الھا مااعرف شلون تخيلت ھالشي بس فقدت اعصابي واني اصيح : شيماء ...انتي شلون تخيلتي اني دازة الج ...فراس صح صاحبي بس مااعرف شلون عرفج ...؟

شيماء قاطعتة بقھر ودموعي نزلن : تريدني اصدك فراس بالصدفة دافعلي ؟ اصدك مايعرف خالد وسراج ؟ اذا ماطلعتوا انتوا متفقين علي !

علي: تعرفين لو ابوي لو جدي سمعوا ؟

شيماء قاطعتة : دزيت صاحبك يتدخل بحياتي وھسة جاي تھددني ... شكد انت واحد قذر ...

علي ماتحملت غلطھا ...اني الي الزلم تخاف مني ھاي الجاھلة تغلط علي مديت ايدي وضربتھا كف واني اصيح : لاتغلطين سامعة

اعرف غلطت بس ھذا طبعي ...ماتحملت غلطھا

شيماء ضربني علمود غلطت علية مااعرف يريد يبرء نفسة لو صدك اني غلطانة كلشي كان بسرعة ماعرفت شنو اكول ولا شنو احجي اول مرة احد يضربني لزمت خدي و ردت اطلع من الغرفة لكن علي سحب ايدي وھو يكول : انتي بت عمي واذا مو انة اخاف عليج منو يخاف عليج؟ شلون تخيلتي ادز صاحبي الج ؟ شلون بس فھميني ؟ شيماء احجي !!

شيماء كلام علي وھو لازم ايدي ربكني خفت احد يشوفنا ...دفعتة وطلعت بدون ماانطق بكلمة وبعدھا حاولت اتجاھلة ولا احط عيني بعينة ...خوف وحقد ومستحيل انسى الكف الي ضربني اياة . وحاولت كلما ينزل من الدوام ابقى بغرفتي ومااطلع الا لما يكون نايم لو طالع ...