شيماء ....نزلت واني اسمع عمتي ام سراج تسلم على مرة مبين من كلامهم هي عمتي ام حسين كانت مرة كبيرة بالعمر دخلت للمطبخ اسلم عليها ..
ام حسين :ياااا هاي بت قاسم ما شاء الله كبرانة وصايرة عروس !بيا صف عمه ؟
شيماء : خلصت سادس وطلعلي معهد ..
ام سراج قاطعت : تريد تدخل معهد بس الحجي مايقبل يكول بعيد شلها بهالتعب ..
شيماء باستغراب : يعني جدو مايقبل اكمل ؟
ام حسين : ليش حرامات هاي مرت حسين مو خليناها تكمل وهسه هي موضفة ليش الشهادة تفيد البت بهالزمن !
شيماء : لو جدو ماقبل ارجع عند خالو حميد اكمل .
ام سراج قاطعتها : يااا شنو ترجعين ؟ اني احاجية و بلكن يقبل ..
ام حسين :اي عمه لا ترجعين تعالي عندي احطج ابطن عيني واني ماعندي احد هو بس حسين ومرتة فوك عازلين وبس اني جوه والبنات ليلى وھناء بالشهر يمرن مرة يشوفني ماعندي احد وذناك بعاد !!!
ام سراج وهي تحاول تتدارك الموقف :لا خية لا , شنو تروح عندج ليش بشنو نقصر هنا وسالفة المعهد سهلة بعدين اني احجي بيها ويا عمھا يله تفضلي تفضلي جوه يم الحجي ...
دخلت عمتي بالغرفة تسلم على جدو وبقيت اساعد عمه ام سراج واني ساكتة وكان كل الوقت عقلي مشغول بين فراس وعلي وشنو راح يسوي فراس من يعرف رافضينة وبين المعهد وبين وضعي هنا !
بعدها دخلت للصالة افرش السفرة واشوف جدو صلى لو بعدة وسمعت بالصدفة كلامهم عني ...
حجي سعدون :بوية اكلج صاحب علي خاطبها منة وهو قابل ..
ام حسين : شنو قابل لعد مو يعرف البت اله ؟
حجي سعدون : انا كتله ماتريدها كول مااريدها ننطيها لاخوك لو لابن عمك..
ام حسين : ھي رايده تكمل معهد خليها تكمل بلكن علما تخلص دراستها يتغير رايه ؟؟
حجي سعدون بقى ساكت يفكر بكلامها
في مكان اخر ...
عماد .. دخلت للمحل واني عقلي يفكر بابو ريم شلون يتجرا يخطب عذراء لازم اعلمة تجي براسي الف فكرة واستغفر ربي بس ما اكدر امشيها الة بدون ما احاسبة
نزار : شبيك عماد اشو ساعه احاجيك وانت بغير عالم ؟؟؟
عماد بعصبيه : اسكت نزار اليوم اكو واحد اريد اخلي دم بركبتي وارجع استغفر ربي !!
نزار باستغراب : منو ؟
عمار بحده : تعرفه انت ھذاك قصي ابو ريم ابو محل الجملة الي هناك ؟
نزار : الساعدي اي اعرفه ابن عمنا ابن عم ابوي يصير ؟؟
عماد : ولو ھي عيب تنكال بس هال.... رايح وخاطب المرة ؟
أنت تقرأ
مضيت بعيدا
Genç Kız Edebiyatıاي طريق هذا الذي جمعنا مرة اخرى ولماذا كلما اردنا الافتراق تجمعنا الصدف ؟ باسلوب قصصي جديد وباللهجه العراقيه قصة (مضيت بعيدا ) مليئه بالمفاجات والاحداث الشيقه جمعت بيها اكثر من قصه واغلب الاحداث حقيقيه لكن باسماء مستعاره ...الاحداث جدا شيقه ومن...
