مضيت بعيدا

البارت العاشر 🌹

علي ...شفت فراس بس  ساكت ويبقى صافن كانما حسبة تجيبة وحسبة تودية ومن جھة ثانية اريد اسالة شنو سوالھا خالھا  ...

علي : ابو الفوارس شبيك شو ساكت ؟

فراس : لاماكو شي ...

علي : فراس  اني اخوك احجي !

فراس(( دنكت وسكتت شلون اكلة اريد شيماء وھو بلسانة دائما كان يكول  جدي يريد بت عمي  الي...وتذكرت من حضرتني !!))

علي : انة وياك وصلنة للموت اعرفك اكثر مما اعرف روحي ..سكتت من كتلك جدي يريدني اخذ شيماء !!

فراس رفعت راسي متفاجا بكلامة !!

علي كمل كلامة : كول فراس لاتضم شي عني !

فراس  ترددت اتكلم بعدت نظري عنة  : اي  زحمة تلاغيت ويا اخوك وابن عمك !ھسة بيا وجة اسلم عليھم !!

علي : لا خوية صدك تحجي  ؟ زين وشيماء؟؟؟

فراس : علي ...سد الموضوع ھي اصلا حضرتني وانتھى كلشي ...

علي عرفت فراس من عيونة فاضحتة بس مااريد اتسرع بالحكم  واضح  لاقصة اخوي ولاجدي  واكيد بسبب شيماء ...

في مكان اخر ....

عماد ...كتب والدي الخروجية وطلعنة من المستشفى   للبيت واني رجل تتحرك ورجل عبالك انشلت  وظھري اقل حركة يصعد بية الالم  ...حالتي  ماتتمناھا لعدوك ..

دخلت البيت ويوسف  يسندني وابوي وعقيل ونزار وياي وامي باقية ساكتة بسبب  عذراء ...
ومن دخلنة للبيت ..

يوسف : يلة  مابقى شي ....هسه تكعد على الفراش ..

عماد : ماقصرت خوية !
بداخلي صح بسببھم تدمرت حياتي بس مواقفھم تخليني اتناسا الي صار !

حاولت اتجنب امي الي مبين زعلانة و قلبي يحترك من اتذكر شلون عذراء شافتني بھذي حالتي ...
حسيت نفسي ضعيف كدامھا ...

ابو عماد بهدوء: ام عماد اعرف بيج زعلانه من عماد  بس ابنج شوفي حالته الولد مو بصحته انتي جبتي بنت اخوج وابنج  مو على بعضة عودك غير وكت نعاتبة ...وھسة يلة سويلنة غدة الولد تعبانين ..

نزار : لاعمي اني ما ابقى مناك المحل اريد افتحه ..
يوسف : ولااني جايينة خطار من المحافظات زحمة ..

عقيل : واني عمي ھم اترخص وبالليل ارجع ماتقصرون

عماد ...اعرفھم تعذروا مايردون يثكلون علينة وكفتھم وياي تكفي ...الناس مواقف و  مع الاسف كثير ناس بابسط موقف يطلع معدنھم وياك !

 

 في منزل الحاج سعدون .....

شيماء ...نزلت الدرج واني اسمع جدي يتكلم بحدة   : كلام ابو جواد مااله اي صحة !!

سراج : جدي انه اكول مانتسرع ولا نحجي شي  ؟

ابو سراج بعصبية  :بوية البنيه عدنة وشيريدون يسوون خل يسوون !!