مضيت بعيدا

البارت الثامن

عذراء جبت العباية وانتبھت البنية لابسة سدرية مدرسة جوة الجبة
عذراء : انتي لابسة سدريتج موو ؟؟

شيماء وھي تبجي ھزت راسھا بأي !!

عذراء : شو نزعي الجبة وامي ھسة توصلج لاھلج وكولي المديرة ماقبلت تدخلج تمام ؟!

فراس : شيماء ... تريدين تبقين لو ترجعين ؟

ام فراس بھدوء لزمتھا من كتفھا وھي تقنعھا : يمة اسمعيني زين مالج دخل بفراس...يايمة اھلج لو شيصير ما يستحقون منج ھالشي ...حتى لو ضربوج اھلج  يردون الج الاحسن ...بس لو شردتي تنزلين راسھم والناس ماترحم راح  يتھمونج شاردة ويا صاحبج يتخيلون سويتي مكسورة وكلمن يطلع عليج شي ماتتخيلينة  ومحد يكدر يدافع عنج حتى لو انتي طاھرة تبقين بنظرھم غلطانة  اسمعي مني يمة انتي مثل بنتي والي مااقبلة لبنتي مااقبلة عليج  ھسة اوصلج لاھلج وديري بالج تكولين شردتي ديري بالج يعرفون بھذا الشي  لان سمعتج وحياتج تروح ...

شيماء نزعت الجبة وماعندي مكان بالجنطة تركتھا بيد اخت فراس وطلعت مع ام فراس ورجعتني للبيت وھي طول الطريق تنصحني مااحجي اي شي غير المدرسة رجعتني ...وما كان عندي غير حل  حبيت ام فراس حتى حسيتھا تنصحني مثل بتھا ...
ماانسى وكفتھم وياي و حتى فراس كان خايف علي ووصاني وكال : اي شي يصير ھذا بيتنة وتجين لامي ...

وصلت للبيت ومسحت دموعي وودعت ام فراس وراحت وھي تدعيلي وفتحت الباب ودخلت ..كان الباب مثل ماتركتة ...

في مكان اخر وتحديدا منزل الحاج سعدون

خالد : يعني ابد مامتصل عليھا ؟؟

سراج : اكلك ماعندي رقمھا؟!

خالد : لعد معقولة زينب تجذب ؟

سراج : ھي الي تخون رجلھا ماتكدر تجذب ...شبيك  ھاي وحدة موزينة كلش ..مو اكول اتركھا غير انت لازك بيھا ...

خالد : لوما شيماء انة اباوع لھيج شكولات ..غير اعرف اخبارھم منھا ...

سراج : سمعت قبل ساعة  ابو جواد خابر جدي وكال  تفضل عدنة اليوم ...

خالد : شيريد انوب ؟!

سراج : مااعرف نروح ونشوف ...

رن ھاتف خالد ...

خالد وھو ياشر لسراج يسكت : الوو...ھلا بالحب ...شنو الاخبار يمج ....شنو ....شردت من البيت ؟؟...انتي تحجين صدك لو تجذبين علي ؟؟
( بصياح ) ولج احجي يمتة ...شفتيھا بعينج ...وين تروح لعد  ؟  الووو الووو

خالد وكف بسرعة وسحب مفاتيح السيارة

سراج : شكو ؟؟

خالد :  تكلي شايفة  شيماء شاردة من البيت ...

حجي سعدون وھو يدخل الصالة صاح : شنو شيماء شاردة؟؟

خالد بخوف : ھاا ...مااعرف جدي رايح اتاكد ...