ابو سراج : وانت منو كلك موافقين ننطيھا للغريب ؟
حجي سعدون باستغراب : فراس ؟ هذا مو نفسة الولد الي ضرب اخوك وابن عمك ؟ باي وجه يجي يخطب ؟و شكول لعمك يوم القيامة وصيتك ضيعتھا وانطيتھا للغريب ؟؟؟
شيماء ...شكد صرت ھالكدوتني كدامھم شكد احتقرت نفسي من كلامھم ما كان الي اي كلمة ولا اي راي وعلي يدافع لفراس وسراج ساكت وكانت نظرتة الي بشفقة متت الف موتة ولا ھالشي الي سمعتة منھم ...٨ تذكرت كلام خالو حميد عنھم ولا احد بيهم فكر يسالني ...
الحجي سعدون بصياح : شوف علي تسمعني كلش زين ...ذاك صاحبك تروح تكلة حجايتين بس... ما الك مرة يمنة مفھوم ؟ صح سامحنا بضرب الولد بس مو معناها ننطي بتنا ...
علي... سكتت بين فرحان لان رفضوا فراس وبين انقھرت واني اشوفھا مقھورة ...شكد تمنيت اكون اني الي بقلبھا شكد تمنيت تكون دموعھا الي ...
ابو سراج التفت لشيماء و بعصبية : وانتي سمعيني زين ...كلت بنت اخوي وحطيتج ابطن عيني بس سالفت تلفونات و حجي زايد ويا ھذا وذاك مااريد ... سالفة فراس ھنا وانتھت ومحد يفتحھا بعد لايحاجيج ولا ياخذ رايج مفهوم ...
شيماء وبغصة احجي : ليش ...ليش عمو ....ليش ما عندي رأي ؟؟ ليش تريد تفرض علية منو اخذ ؟ اصلا ليش تقررون عني ؟
حجي سعدون بصياح : شيماء ...انتي لابن عمج فاھمة ؟لا تكولين جبروني و لا شي هاي وصيت المرحوم ابوج !
شيماء واني ااشر على علي : واني مااريد لا ابن عم ولا غيرة و لو ابقى طول عمري مااخذه...
ابو سراج صاح : شيماء ...فوتي جوة ...وسوالف الكبار لاتحجين بيها ...
شيماء حسيت مخنوكة كلھم ضدي جدو وعمو و سراج وحتى علي ماكدرت اظلن واكفة تركتھم وصعدت لغرفتي صعدت وكعدت بالارض مغطية وجھي وابجي ...وبداخلي اكولن (( يارب شنو اسوي واني ما عندي غيرك يارب المن اشتكي وانت تسمع وتشوف ... ليش ھيج ديصير وياي ليش حتى الانسان الي تمنيتة انحرمت منة وبعد يفرضون علية منو اخذ ))
ابو سراج التفت لأولادة : انت واخوك ديروا بالكم مرة ثانية اشوفكم ھيج تصايحون بينكم اليوم عديتھا بس المرة الجاية غير تصرف وياكم ھاي اني بالحياة وردتوا تتضاربون علمود الناس ..
سراج بتردد : بوية ... ليش رفضته ؟
ابو سراج : لو يريدھا صدك جان دك الباب مو يخابر بالتلفونات بس العتب على اخوك الي قابل بھالسالفة
((والتفت الى علي ))وانت علي شلون قبلتھا ...ھاا؟ لو احد مسولفھا الي وكايل علي موافق ماصدكته
علي قاطعة : كافي بوية !
ابو سراج بصياح : اشكافي ولك انت بلا عقل؟ غيرة ماكو ؟؟انشالت ؟ شلون قبلتها فهمني ؟؟؟
علي : الولد بس راد يسالها موافقه لو لا !
حجي سعدون بصياح : ومن يمتة عدنا بنات تفرض علينه رايها؟؟؟ بس كول انت الي بلا غيرة ...مو تدري بت عمك الك شنو الي تغير ؟ شبيها وماتريدها ؟?
مو حلوه ؟ مو معدله ؟ اشو ردت تاكل خالد اكل من كتله اخطبها اله ...اشو هسه تريدها لصالحبك؟؟ ولك احجي فهمنا ؟؟
ليش ماردتها؟؟
أنت تقرأ
مضيت بعيدا
Chick-Litاي طريق هذا الذي جمعنا مرة اخرى ولماذا كلما اردنا الافتراق تجمعنا الصدف ؟ باسلوب قصصي جديد وباللهجه العراقيه قصة (مضيت بعيدا ) مليئه بالمفاجات والاحداث الشيقه جمعت بيها اكثر من قصه واغلب الاحداث حقيقيه لكن باسماء مستعاره ...الاحداث جدا شيقه ومن...
