مضيت بعيدا

البارت العشرون

صابرين ..فتحت التلفون وكانت شريحة شيماء موجودة دخلت للرسائل كانت كومة رسائل من صديقاتھا ومن رقم خاص ثار فضولي دخلت وقريت الكلام بينھم فھمت ان اسمة فراس وھي تحبة شكد كلام كان كاتب الھا ويمكن ديضحك عليھا لان يتيمة فقررت اوكفة عند حدة حتى مايرجع يتصل بيھا او يراسلھا ..فكتبت أله

((شوف فراس اني قررت اختار ابن عمي علي لان ھو رجال وعند كلمتة وراح يحافظ عليه واني اصلا احبة من كنا صغار مااريدك بعد تراسلني لو تتصل علية ولو عندك كرامة بعد مااريد اشوف منك حرف ......
انساني مفھوم ))

صابرين.... ضليت مترددة ارسل الرسالة لو لا لان شيماء يتيمة وأمنت بية بس اكيد ھذا ديضحك عليھا اكيد يريد يستغلھا , حسبالة ماعدھا ظھر ...لا اليوم الا اوكفة عند حدة حتى بعد لايتواصل وياھا ....خطية ھي مثل اختي واذا اني مااحافظ عليھا راح تضيع ...

بعد ماطلعت الرسالة مقروئة عنده ركضت مسحتھا حتى شيماء ماتعرف شي كان كل شوي يطلع جاري الكتابة وتنلغي كانما شخص يكتب ويرجع يمسح وبالاخير اتصل ھالشي الي خلاني ارتبك واتلفت واني افتح التلفون واسمع صوتة ألي كان خشن ورجولي وطريقت كلامة خلتني خفت بعد اكثر !!

فراس بعصبية وصياح : شيماء ...احجي كلامج ھذا صحيح ؟؟

صابرين... اعرف صوتي يشبة صوتھا لكن بخوف جاوبته  و بصوت ناصي حتى ما يكتشف شي  : اااي ..صحيح ..

فراس بقھر وحركت قلب تكلم بعصبية : شيماء ...ھيج صار علي احسن مني ؟ ليش شيماء خليتيني اتعلق بيج وھسة تكولين اتركني ليش ( بصياح )من وصلت لجدج ؟ من الكل درا اريدج واحبج ؟ ..ليش شيماء ...احجي ...قسما بالله اليوم ردت اروح لخالج بس صارت عدنا شغلة ...وھسة الكاج كاتبتلي انساني ...احجي ليش ساكتة ؟؟ نسيتي وكفتي وياج وشلون رجعتج ماجاي امنن عليج بشي بس انتي ھيج تجازيني وتكليلي اريدن علي ؟؟ اني تكليلي ھيج ؟ وكاتبتلي لو عندك كرامة ماتكتبلي حرف؟ ...لان احبج واريدج بالحلال ھيج تجازيني ...والله لو كايلتلي اكتل روحك علمودي ماترددت ...لو ادري بعلي يحبج ما تقربت منج ...مو تعرفيني  شيماء. اني مااخون صاحبي ...مو نوب اخونن علي ....احجي لاتبقين ساكته ؟

صابرين ...سديت الخط والخوف كاتلني من سمعت تكلم عن علي خفت اكثر لان طلع يعرفة و صديقة ؟ لازم احضرة حتى لايرجع يتصل ...احس دخلت نفسي بشي اكبر مني بس  ھذا لو يعرف علي جان عرف شيماء لعلي ..

فراس ...غلقت الخط و من اتصلت طلعت حاضرتني حتى ما خلتني اكمل شكد كلام بقلبي ردت اكوله وحجيته بقلبي ... ليش شيماء دمرتيني وخليتيني اكرة نفسي بسببج ...لو من الاول كلتي احب ابن عمي مستحيل اتقربلج ليش ھسة تخذليني ... جبروج لو انتي صدك ما ردتيني ...

بيه صرخة توصل للسما من كد ما محترك قلبي ...بداخلي مثل  نار تحرك بصدري  بسببها  الف موتة اتمناھا ولا تكلي روح وانساني من كد ما اختنكت حسيت نفسي اريد اكسر الدنيا من حولي ...مااعرف وين اروح والمن اشتكي اتمنى الموت حلال واكتل روحي بس لا ... امي وعذراء منو الھم ...كعدت بالارض ودمعة نزلت من عيني اي رجال وابجي مثل فاقد عزيز صار حالي بس اليوم فقدت قلبي الي تعلق بشيماء وخذلته .....