عماد..... خابرت ابوي وكتله اريد اطلك عذراء وكتله فراس ضربني بالمحل وكدام الناس وطبعا ابوي سوى تحقيق وياي على ما عرف بقصتها وهو قرر ماتبقى بعد واطلكها حتى لاتكبر المشاكل باعتبارهم قرايبنه وخل تخلص بالطيب ...
فكرت هواي وخلاص هذا قراري وخل ادوس على قلبي كافي اهلها عرفوا ...وخلي سمعتها تصير مطلكه كانت افكاري كله شلون ااذيها وانتقم منھا واطلع حركت قلبي بيها ...افكار تجي وتروح وبين ترددي وكلام ابوي ...اتصل نزار و قال مرتك بالمستشفى حسيت شي نغز بقلبي... بس لا مو اني الي بعد احن عليها تركت الحجي يخابر فراس ويتفق وياه ثاني يوم نطلكها وننطيهم الي تريده ...وما خبرته بقصه المستشفى حتى لا يتعاطف وياها ويغير رايه ...الحقد عمى عيوني ...
وبالفعل ثاني يوم اخذنا السيد ورحنه لبيت خالي وكعدنه ...
ام فراس بعصبية : شوف عماد اني غلطت وانطيتك بنتي بس طلعت ماتستاهل ظفرها ...
ابو عماد : كافي ام فراس هذا السيد وخلي يشوف شغله لا تخلين بنتج تخرب بينه انتوا تظلون كرايبنه ومن اھلنة مانريد المشاكل تكبر.... لهنا وكافي ..
ام فراس وھي مازالت عصبية : اي مااكول بس الله يظهر الحق ...حسبي الله ونعم الوكيل ...على كلمن تهم بنتي ...
فراس كاعد واهز برجلي من العصبيه وانه اخزر بعماد واكول بداخلي (والله تجيني مذلول وتتوسل بسيطه )...
كمل السيد وطلكهم وطلعوا وعذراء حتى اثر الكانونه بيدها وكوه تسند نفسها حتى تكوم وتكعد ....ماعرفوا حتى يسالون شبيھا ولااهتموا بيها ...
وبعد ما فرغ البيت دخلت للغرفه اواسيها : خويه عذراء ...لاتشيلين هم شي وحتى الطفل اذا الله كاتبله يجي للدنيا اني اتكفل بيه .... وهذا عماد صبري يومين وداعتج تلكينه هنا يتوسل حتى يرجعج ....
(ولزمت شاربي )وبهالشارب الا اذله الج والله اخليه يتحسر على شوفتج لوشوفت ابنه ...عبالج السالفه هنا وخلصت لا ماخلصت ..(.وطلعت وانه اكمل كلامي )و الله ياعماد والله اندمك !!
عذراء ...كانت دموعي الي تنزل على حبي الي طلع كله جذب وعلى حظي وقسمتي الي خلتني اختاريت عماد ...دمر مستقبلي ومستقبل طفلي ...كلام فراس كان يحاول يبرد قلبي لكن بعدهي النار تسعر بيه .. من كان السيد يطلكنه كنت اشوف عماد وبداخلي اكول(( وسفه حبيتك وضحيت بكلشي لخاطرك... بدراستي وحياتي وبعدين بعتني بذنب ماسويته... حتى ما فكرت تسالني بيوم وتسمع مني!!!
ظلمتني و ظلمت ابنك ...حتى فرحتنا بالطفل الي انتظرناها ٩ شهور صارت حزن ..لا بعد ما اكلك عن الطفل وهذا ابسط انتقام الك ...حسبي الله عليك ))
********
في مكان اخر ....
شيماء بقيت اروح وارجع وعقلي ويا فراس الي اخذ العنوان وسكت من امس ماكال شنو راح يسوي اخاف يكول اني اتصلت عليه ويسوونها قصه...
اي ھذي اكبر غلط لان خابرته ! شلون ارجع اخابره واكله لاتسوي شي ...شلون ياربي شجاني وخابرتة وورطت نفسي ؟!
أنت تقرأ
مضيت بعيدا
Romanzi rosa / ChickLitاي طريق هذا الذي جمعنا مرة اخرى ولماذا كلما اردنا الافتراق تجمعنا الصدف ؟ باسلوب قصصي جديد وباللهجه العراقيه قصة (مضيت بعيدا ) مليئه بالمفاجات والاحداث الشيقه جمعت بيها اكثر من قصه واغلب الاحداث حقيقيه لكن باسماء مستعاره ...الاحداث جدا شيقه ومن...
