مضيت بعيدا

البارت السادس عشر 🌹

سراج باستغراب يتفحص التلفون : كتلج ويامن دتحجين ؟ اشو فتحي كدامي !

شيماء : انت شلون تدخل غرفتي وباي حق تاخذ تلفوني ؟

سراج  بعصبية : كتلج فتحي ...

شيماء مديت ايدي  اريد اخذة و قلبي يريد يطلع من الخوف شلون لو عرف دااحاجي فراس و شنو اكولن وھنا حضي المصخم بعدني ماسحبت التلفون فراس    اتصل كل ظنة قفلتة بالغلط  ...

سراج فتح الاتصال وھو يخزرني وياشر بصبعة على شفايفة اششش حتى اسكت  وحط التلفون على اذنة يسمع ...

فراس : ھا  شو قفلتي الخط ؟

سراج صاح  :  انت منو ؟ ھاا احجي يا خنيث يا  ....
(وبدا  يغلط علية )

شيماء ...اني ھنا مااعرف شنو اسوي وشنو اكول كل مرة اطيح بنفس الموقف  تذكرت خالي والي صار  بية تذكرت نظرت مرت خالي و كلام زينب  مستحيل اقبل الموقف ينعاد دفعت سراج واني اكول بعصبية : سراج اترك تلفوني ...

فراس ...جاوبني صوت  سراج  الي بدا يغلط  وسمعت صوتھا تصيح  وفھمت لازم اقفل الخط   والف حسبة اجت براسي بس ماكان عندي غير علي اخابرة حتى ينقذ الموقف ...

سراج بعصبية  : ھي ھاي سوالفج   ؟

شيماء : مالك دخل فاھم ...انت ماتعرف شي

سراج  : منو ھذا الي مالة دخل ...شنو الي مااعرفة ؟؟

شيماء بتوتر  وھي ترجف  : سراج انطيني تلفوني كتلك  ..

سراج كل اعتقادي راح تتصل وتحجي كدامي وتكلي منو فقدمت الھا التلفون ...واني اكول : شو فتحي يلة وفھميني منو ھذا  ؟

شيماء... بس اخذت  تلفوني  ضربتة بكل قوتي بالارض وكسرتة واني اباوع بعيونة ...سراج  فتح عيونة متفاجا بتصرفي ...

شيماء : لا  انت ولا غيرك الي يشك بي فاھم !

سراج : اشك بيج  ...  (بصياح )

شيماء قاطعتة واني ارفع  صبعي بوجھة احاول امثل القوة : اولا ماتحاسبني وثانيا مااسمح لك تشك بية ...

سراج لوة ايدي وھو يصيح  : اكسر راسج مو بس احاسبج ..

علي دخل الغرفة بسرعة وھو يكول : شيماء شبيج سديتي الخط بوجھي ؟!

علي تفاجا من سراج شلون لازم ايدي و سحبني منة  لورة ظھرة وھو يكول : شبيك وياھا ؟

سراج بصياح  : اتركھا تحجي اليوم اربيھا خاف حسبالھا ماكو زلم تكسر راسھا ...

علي وھو يخزر سراج  :  سراج  ماكو شي كتلك انة اتصلت بيھا ...

سراج سحب علي من ياخت قميصة وھو يتكلم بعصبية : عليمن تجذب ھااا ؟

ام سراج دخلت الغرفة : يمة شكو شنو صاير ؟

شيماء ركضت لحضن عمتي خايفة حسيتھا الشخص الوحيد الي  يحميني ...