مضيت بعيدا

البارت الثالث عشر

شيماء ...خلصت امتحاناتي ومعدلي مايدخلني كلية بس معھد  لان  موت جواد والفاتحة وقصة فراس وعلي كلة  اثر على نفسيتي واحس كرھت كلشي  ...

كاعدة بالمطبخ اسوي زلاطة و سمعت سراج يخابر خالد ويكول :
ھاا خالد ...اي ....زين عمي يقبل تاخذھا ؟ ...شكلك جدي مااعتقد عندة مانع بس عمي اكيد ...اي اسالھا ھسة ...يلة الله وياك ...

سراج : شيماء اكلج  ...ردت اسالج  ...زينب ...قرايبكم  ...مرت المرحوم ....خلصت عدتھا موو؟

شيماء تفاجات من سؤالة : اي ..خلصت ...ليش؟

سراج : مو شنو  خالد ...يريد يتقدم الھا يصير يعني موو؟

شيماء حسيت مثل الضربة واجت على راسي وصحتني وعادت لي الذاكرة رجعت ربطت الاحداث خالد وزينب وتلفوناتھا وكفت وتكلمت بعصبية وبلا وعي :
  مااقبل خالد يخطبھا ولاحتى يحجي عنھا !!

سراج باستغراب : ليش انتي شكو بيھم  ؟

شيماء بعصبية : شنو عبالك ماادري بسوالفھم والله مااخليھا تاخذة والله...

ام سراج دخلت المطبخ وھي تشوف شيماء اول مرة بھذي العصبية : شنو يمة شكو ؟شصار ؟شبيكم  سراج ؟

سراج بارتباك : ماكو شي يمة !

شيماء بارتباك : ماكو شي عمة ...ديسالني عن رقية ! يكول ليش رسبت !

سراج بداخلي ماحبيت كل موضوع ولزكتني برقية اني معجب بيھا وھي تكلي رقية : اي  يمة شيماء تغار علي من رقية !

شيماء فتحت عيوني باستغراب على كلامة : اني اغار عليك ...ومن منو ؟ من رقية ؟

سراج موقفھا ضحكني كملت واني اضحك على ردت فعلھا : اي تغارين شفتيھا يمة بعينج ! شلون تغار...

ام سراج : معقولة شيماء ...تغار من رقية ؟ 

شيماء كملت بضحك : عليمن اغار عمة؟؟ اصلا  تتھنى بية ...تدري رقية تلوكلك كلش ...تشابھون ياسبحان الله!

سراج : ھاا ....ھيج صار الحجي ؟

شيماء ابتسمت واني احس بالانتصار وكلتلة : اي ھيج !

علي وھو يدخل المطبخ  : وانتي المن تلوكين ؟

شيماء تفاجات  من سمعت صوت علي ...وحتى حسيت قلبي يريد يوكف من شفتة..... اختفت  الابتسامة  واني اشوفة يدخل باب المطبخ وينزل الجنطة من ايدة ...

ام سراج : الله يساعدك يمة ...!!كل الھلا  وحضنتة وھو يقبل راسھا

سراج : ابو حسين شلونك ماادري نازل ؟

علي : الحمد للة الفجر نزلت ...

علي كان يجاوبھم وعيونة مركزة على شيماء الي من اشھر وھي تتھرب منة وحتى السلام تحاول ماتسلم علية ..