أوعدك انطر رجوعك ياملاك أوعدك لأخر حياتي و العمر

1

في بيت اليده

الخال (محمد) لان  باجر ماشي دوامات بنسير العزبه شو رايكم
اليده : انا ماعندي مشكله
محمد : ما دام اميه قالت ماعندها مشكله فا ماشي اعتراض اترياكم باجر فالعزبه
محمد : اقولكم بنياتي صلو العصر و بعد العصر أن شاء الله سايرين الجمعيه و جوفو شو يبون و سجلو عندكم و اتزهبو اول ما اقول يلا ابا اشوفكم قبلي فسياره اوك
البنات بصوت عالي اووووكيييييي
مها : من عيوني يا عيوني
محمد :مابا عيونج خليهم حقج جنهم عيون قطو
الكل ههههههه
غيث : والله انت الوحيد الي اتيب حقي من هالسباله
مها  :اقول جب بس جب احسلك
غيث : اقول ليكون انتي جفيتني سكت يعني خلاص مابرد
اليازيه : اقول و  اقول شو فيكم بسكم  جنكم ياهال عنبوه مايخلون الواحد يستانس
عليا: انتي شو فيج سكتيهم حسيت شوي و بتقوم اتير شعره
ظبيه : لا والله و عقب شو بيفجنا من هالضرابه
روضه : حسافها كله منج و الله كان بيكون في اكشن
مها  : اصلا كنت افكر بس ما ابا اوصخ ايدي علي شي خايس
غيث : والله محد الخايس غيرج
مها  : ليش اسمي غيث مايسبح و لا يتنضف الا فشهر مره
غيث :  و منو قايلج هرمسه
مها : مب شرط حد قالي ترا انجوف بعيونا ونشم بخشنا صح بنات
روضه و عليا صح صح
ظبيه : اوي لاصلينا و لا سألناهم شو يبون
اليازيه :  اقولكم نشو يلا خيولون ماصلينا والحين خالي بينزل و بيجوفنا مب زاهبات بيهون يلاااا نحن من الله نبا نطلع حرام عليكم ابا اطلع
مها : جوف بطوفلك هل مره بس عسب ابا اسير وياهم ولا لو مب وراي صلاه شرات ناس مايصلون جان اليوم مايفجك من لساني شي احمد ربك بس اوك
غيث : يمه خفت من لسانج الي متبري منج و عن الصلاه كيفي صلاتي ولا صلاتج هذا الي ناقص هاي عقلت الصبع تيلس اتعلميني شو اسوي ياهل و الله ياهل
مها من بعيد :جبببببب
غيث : خيبه مب اذن عليج

سارو صلو و خلصو و خذو الاوردرات و شو يبون حق باجر نزل. خالهم و ركبو السياره
محمد : بنات شي جمعيه بس حق سوالف البر وجي بوديكم هناك تبون احسن نلقا كلشي بس شوي بعيده مب وايد
الكل هي عادي
محمد : اذا جي يلا سرينا
ظبيه: خالي بشبك الجو متكهرب ماتعرف عن مضاربجيه هني
الخال حمد : مايحتاي اعرفها صوتها واصل  اخر الفريج شبكي فديتج
مها  : بلاكم ترا هو الغلطان
روضه : هي امبين انتي ماسويتي شي
اليازيه تساسر روضه : انتي ليش ادافعين  عن الحب و هو غلطان ها
روضه: اقول خوزي عني بس لا اعطيج بكس
اليازيه : اوك هدي بكس مره وحده ليش مركبين جونسينا ويانا
روضه : انت شوي بس صكري الراديو الي بالعتنه
و شبوكو و يلسو يغنون وهم مستانسين و صلو الجمعيه و نزلو الجمعيه
ظبيه : خالي مابتنزل
محمد : لا توني ياني اتصال بسير بيلس فالكوفي الي حذال الجمعيه لين ما اتخلصون  انتو كم يبالكم
ظبيه: تقريبا مال ساعه  يوم بنخلص بنتصل فيك
الخال محمد : خلاص اذا جي انا حولتلج الفين ان نقصكم رمسيني بحولكم
ظبيه: ترا وايد الفين و ترا امايه عطتنا الف بعد وايد مب لازم
الخال محمد عادي خذولكم اي شي توبنه يلا انا بسير
الكل بايييي
  دشو الجمعيه و تقسمو فريقين فريق اليازيه روضه عليا و مها  و ظبيه ويا بعض ووزعيو المهام علي بعض
مها  : السير مالنا كلب و زطي مايعطي دراجات
ظبيه : عادي لاانكم هاي اول سنه فبيبخلون عليكم بعدين عادي
مها  : انزين شو بيستويبه اذا عطانا ترا بيحصل اجر لانه اسعد انسان
ظبيه  : هذا مال اي ماده
مها  : هذا بو كرشه و شعره مزيت هذاك المصري حيوان والله
ظبيه  : هههه عليج وصف يهلك ما انصحج توصفين مره ثانيه
مها و هي مب امركزه ع كلام ظبيه الا اتجوف هذا الردبول عشقها حبها الاول و تركض من الوله والشوق ما انتبهت علي الارض و تزحلق بلقو (طااااااااااااااااااااااااااااااااااااااخ)
مها  : اييييي ايدي اتعورني مارومممم ايييييي
ظبيه : هههههه الله و هي تاخذ النفس من الضحك الله  راوااااااج
و شي صوت ضحك ينسمع من قريب مها تسمعه وتحاول تتحدد مكان الصوت