أوعدك انطر رجوعك ياملاك أوعدك لأخر حياتي و العمر

24

وطير السيارتين ويا بعض و الناس تتيمع عليهم والي يتصل فالإسعاف و الشرطه لان هم مايعرفون منو فسيارت وكم شخص وصلت سيارت الاسعاف كانو ولدين في السياره و ثلاث بنات في السياره
و كانت حالت البنات اخطر من الشباب كانو فاقدين الوعي ،،،،،،
في بيت بطلاتنا .........
كانو عمر وثاني وغيث بالسين يتريون خواتهم لان اليوم كل وحده بترد بيتهم لان باجر ايجازه
وهم يسولفون تلفون عمر يرن
ثاني : ياريال رد الحين هاي ثالث مره يتصل عليك خشرتنا
عمر: مالي خلق يصدعون راسي
غيث : رد يابوي مابيضرك شي
الكول:
عمر؛ الو نعم منو معاي
الحرمه : اخوي انت اخو ظبيه بنت محمد ............
عمر : هي اختي امري شو بغيتي
الحرمه : اختك و معاها  بنتين سو حادث وهم في المستشفى .........
عمر : شو دقايق وياي ،شباب البنات مسوين حادث
ثاني : شو اي مستشفى نشو بسرعه سترك يارب
غيث : لا حوله ولا قوت الابالله
في بيت ابطالنا .........
يرنن تلفون عبود ويرد والكل كان متيمع
عبود : الو
الحرمه : انت عبدالله
عبود :هي نعم اتفضلي شو بغيتي
الحرمه : تعرف هزاع ...... و نهيان......
عبود : هي عيال خالتي
الحرمه :نحن حاولنا نتصل علي اباأهم بس هم خارج نطاق الخدمه
عبود : شو تبين انزين
الحرمه : الاستاذ هزاع ...... و الاستاذ نهيان عاملين حادث ونحاتج احد من الاهل هناك لتوقيع علي الاوراق
عبود : نعم اي مستشفي و ين الحين بي
الحرمه: المستشفى .........
اليده : عبيدان شو بلاك
عبود ما حب يخوف يدته : امايه ربيعي مسوي حادث
اليده : بسم الله عليه الله يقومه بسلامه
عبود: امين شباب تعالو يايه بسرعه بنسير
راحو و ركبو السياره
راشد : شو فيك منو مسوي حادث
عبود و هو علي اعصابه : هزاعو ونهيان
مكتوم. : لا حوله ولا قوت الا بالله
راشد : خير ان شاء لله خير
راحو وهم علي اعصابهم
انروح عند الشباب
عمر : وين اختي وينها ردو هي بخير
الحرمه : يا فندم اخت هي في اغرفة العمليات
عمر و هو خلاص ما يقدر يمسك عمره : كيف غرفت العمليات وين وين الدكتوور
ثاني : غيث تعال امسكه خله يهدي  اختي شي عندكم ثلاث بنات مسوين حادث وينهم
الحرمه؛ يفندم و الله هم حالتهم خطر و تنين في غرفة العمليات و حده  غرفت العنايه المشدده
ثاني وهو ماا يقدر يمسك عمر:  لا حول ولا قوت الا بالله
راحو  فوق في غرفة الطواري يتريون خواتهم وكل واحد علي اعصابه ما يعرف شو يسوي
انسير عن البطالنا وصلو المستشفى و نزلو سارو عند الاستعلامات و عرفو ان واحد في غرفه العمليات و الثاني في العنايه المشدده سارو فوق و جافو قم عمر وحالتهم حاله
عبود : عمور شو اتسون هني خير شو مستوي
عمور : خواتنا مسوين حادث و هم فغرفة العمليات
هني مكتوم فز من مكانه لان يعرف ان اليازيه اخت غيث و خاف وايد
غيث : انتو الي شو اتسون هني و ليش جي ويهكم مصفر
راشد : هزاع و مكتوم مسوين حادث بعد
ثاني : لا حول و لا قوت الا بالله
مكتوم : السموحه بنزل نسيت شي تحت
سار تحت وهو يركض  سار عند الاستعلامات
مكتوم: اختي
الحرمه : نعم عايز ايه
مكتوم : اليازيه هي مع البنات
الحرمه : اليازيه ............
مكتوم و هو خلاص العبره خانقتنه : شو شو حالتها
الحرمه : الي بعرفو ان هي حالت البنات كلهم خطير وحده من منهم فغرفة العنايه المشدد
مكتوم يمشي و هو خايف عليها ايخاف مايجوفها مره ثانيه ومايسمع صوتها مره ثانيه سار فوق و هو يصب عرق من الخوف
عبود : بلاك ياريال بيطلعون الحين هد
مكتوم : ما اقدر ابا اسير اشم هوا
راشد : تباني اي وياك
مكتوم : تعال ما اقدر امشي
طلعو برع و يلس علي الكرسي و عينه متروسه دموع
راشد : شو بلاك خبرني
مكتوم : اليازيه معاهم فالحادث
راشد : شو ها كيف عرفت
مكتوم : سألت
راشد وبعد منو معاها
مكتوم : ظبيه و مها
راشد حس براحه بس بعده مضايج علي الي استوا حق عيال خالته
راشد : ما في شي بتطلع هي شوي تعبانه
مكتوم : رشود انت ماتحس احس ب نار تولع علي قلبي جمر انت ماتعرف لو بتموت ولا بتعيش ليش انا جي يستوي ويايه امي راحت و ابوي راح و بعد البنت الي حبيتها بتروح وعيال خالتي الي هم اخواني لا
راشد : شو هرمسه بعد منو قال ان هم بيموتون محد قال
مكتوم و هو من هار : انا برد فوق يمكن يقولون شي
اشد : يلا انرد
طول هالوقت محد يعرف ان هم في المستشفى غير هل جماعه 
ساعات وهم يالسين يتريون ولا دكتور ضهر ولا اي خبر وللعلم ان الغرف كانت عند بعض
طلع دكتور الي كان عند البنات
ثاني : هادكتور بشرنا
الدكتور : الحمدالله  احسن و لاكن حالتهم خطره. بس هم يعتبرون نجو من الموت
عمر : الحمدالله
غيث : دكتور شو استوا علي اختي اليازيه
هني مكتوم لف سيده يبا يعرف شو استوالها
الدكتور : هو نحن محتاجين تبرع بدم على شان هي خسرت كتيير دم و حالتها تعتبر خطره بس احسن
مكتوم : انا انا اقدر اتبرع دكتور
دكتور : هو كم فصيلت دمك
مكتوم : o  دكتور اقدر اتبرع
دكتور : ايوه تعال بسرعه
غيث : مشكور مكتوم والله ماتقصر
مكتوم : مابينا الغالي سار وسحبو منه دم
مكتوم : دكتور اقدر اجوفها
الدكتور : انا اسف بس حالتها خطره جدا
مكتوم : دكتور لو من بعيد بس ابا اطمن
الدكتور : راح احاول مشانك هو انت ايه بتقربلها
مكتوم : خطيبها خطيبها
الدكتور : بس من بعيد وسريع لا ن ممنوع
مكتوم: شكرا دكتور
سار وجافها من بعيد كانت كلها بيبات و حالتها يرثا لها من جافها و الدموع مب راضيه توقف
مكتوم وهو في داخله :  ليش جي يستوي فكل شخص احبه
رد مكتوم وهو هلكان تعب من بعد الي جافه
كان الكل منهار لان ما يعرفون شو مستوي فيهم
شوي الا تلفون راشد يرن
راشد بصوت مبحوح : الو ها امايه شو بغيتي
اليده : راشد هزاع جي مايرد عليه و لا نهيان بعد فيهم شي
راشد و: ها شو
اليده : عيالي فيهم شي راشد لا تجذب رد بسرعه شو فيهم
راشد : امايه هزاع و نهيان فالعمليات
اليده : وابويه عيالي الحين انا بي عندم
وصكرت في ويها سارت وعت شما و ريم عسب ايون وياها
شما : ها امايه شو تبين
اليده : قومي وديني المستشفى بسرعه
ريم :بسم الله شو بلاكم منو يبا يسير المستشفى
اليده : اقولج نشي بسرعه انا اترياكم  فسياره
نشو البنات ونشت فاطمه وياهم وسارو ركبو السياره وكانت الساعه ثلاث الفير
شما: امايه فديتج شو تبين من المستشفي
اليده : و صليني و لاترمسين
عرفو ان شي كبير فسكتو لين ما وصلو
اليده عند الاستعلامات: اقولج وين عيالي هزاع ......و نهيان .........
و البنات وياها مب فاهمين شي منو فالمستشفى
الحرمه : قالتلها كل شي و سارت والبنات يلحقونها لان مايعرفون شو السالفه
راشد : امايه شو يابج هني
اليده بعصبيه : نش عني وين عيالي
مكتوم : امايه داخل لين الحين ما خبرونا شو فيهم
اليده:لاحول ولا قوت ايلا بالله