أوعدك انطر رجوعك ياملاك أوعدك لأخر حياتي و العمر

25

اليده لفت و جافت الشباب :ثاني و لدي ليش جي ويهك مصفر ها امي شو بلاكم ليكوت في حد داخل وانا ما ادري  بعد قولي فديتك
ثاني : امي مها و ظبيه و اليازيه داخل امي شو انسوي كلهم حالتهم خطره شو نسوي امي انا ما اقدر هاي
اختي مالي غيرها فدنيا
البنات من سمعو اتصنمو  ما عرفو شو يسون من الصدمه ربيعاتهم الي كانو  خواتهم بين الحياه و الموت و اخوانهم بعد
اليده : لا ثاني امي انت قوي خلق قوي لا تضعف الحين مها و البنات اقويه انا ادريبهم
كانت شي عيون اتناضر من بعيد و قلبها يتقطع علي ربيعاتها و علي حال ثاني ريم ما قدرت تستحمل زياده قلبها عورها عليهم كيف كل واحد زايخ علي اخته و علي اخوه
اما شما وفاطمه انصدمو من بعد ما عرفو ان اخوانهم داخل
فاطمه : مكتوم و عبود نهيان ما بيموت صح قول صح قول
عبود : بسم الله منو قال انه بيموت هو شوي تعبان وبيطلع قريب
شما: لا لا اخوي مافيه شي انا قبل شوي مرمستنه مافيه شي
راشد : بنات شو بلاكم  ترا هم شباب يقدرون يتحملون
شما و فاطمه منهارين
اليده : بنات جان بتيلسون اتصيحن فوق روسنا ردن البيت يا اتقون عماركن يا ردو
شماو هي كاتمه الصيحه وتشاهق : يعني بيطلع صح
عبود : هو منو قال ان هو مابيطلع الدكتور قال بس حالتهم تستقر و خلاص بي ويانا
فاطمه : واذا ما استوا هالكلام شو اسوي انا
راشد : عيب فطامي انتي بدلا لا تدعيله يالسه تفاولين عليه
فاطمه : شو اسوي ايقولون اخوي فغرفة العمليات انا ما اعرف لو هو حي ولا ميت بخير ولا
اليده بصوت عالي و عصبيه : فاطمه ان ما سكتي والله بيج كف علي ثمج بس
ريم ماقدرت تستحمل زياده سارت مكان هادي و يلست اتصيح كان ثاني طالع من الحمام و سمع صوت الشهقات و سار عندها
ثاني بصوت مبحوح : ريم. فديتج ليش اتصيحين
ريم اتصيح بدون رد
ثاني : شو بلاج ترا البنات بخير لاتحاتين
ريم : انت بخير
ثاني : هي الحمدالله احسنا
ريم و هي اتصيح وتشاهق : الحمدالله بس لاتسوي جي فعمرك دخيلك
ثاني : ان شاء لله من هالعين قبل هالعين اسفين خوفنا قلبج
ريم : لا عادي بس لاتسوي جي فعمرك
ثاني : انتي بعد يلا نشي و لا تسوين جي فعمرج فديتج
ردو و سارو يتريون احد ينش ، عليا و روضه عرفو و علي طول طارو المستشفى وصلو و عيونهم كلها دموع مب قادرين يستحملون و نهارو
عمر ويها تعبان و صوته ساير : روضو بس اسكتي بروحنا مب مستحملين واتون انتو اتزيدون علينا و سار عنهم و كله هموم عسب اخته سار ويلس برع المستشفي علي الكرسي ودموعه تنزل بدون ما توقف
شما: عمر 
عمر لف سيده :لبيه ويلس يمسح ويه من الدموع
شما: ليش جي اتسوي فعمرك ها انا اخوي داخل بعد بس هديت
عمر : اووووف انا ما اقدر استحمل زياده تعبت
شما: لا عمر خلك قوي عشانها
عمر: كيف ربعي و و اختي و بنات خالتي داخل انا ما اقدر استحمل زياده تعبت وايد
شما : كلنا لازم تستحمل و نتريا و الله كاتب هشي ماتقدر تعترض علي شي
عمر و هو مقتنع بكلامها :  خير ان شاء لله
شما: يلا عمر نش سير صل لك ركعتين و ادعيلهم ترا الهم و الزعل ما بيفيد بشي
عمر : ان شاء لله
سارع عمر يصلي و يدعيلهم و هو خلاص تعبان من الصدمات الي طلعت في حياته خلص ورد عن الجماعه
عمر : ها ما خبروكم شي
غيث : لا لين الحين حالتهم خطره
عمر : لا حول ولا قوة الا الله
اليده : عمر فديتك ولدي تعال هني
عمر : امري الغاليه شو بغيتي
اليده : انت بخير
عمر : هي احسن الحمدالله سرت صليت و ارتحت وايد
اليده : الحمدالله
اذن الفير و الكل قام و سار ايصلي بس تمت شما لان خلصت و كانت يالسه تقرا اذكارها شوي الا يضهر الدكتور
الدكتور : انت بتأربي حاقه لاستاذ هزاع
شماو هي خايفه : هي دكتور انا اخته ليش فيه شي
الدكتور : لا الحمدالله صارت حالته كويسه
شما: الحمدالله اقدر اجوفه
الدكتور : هو لو انتي بس مافي مشكله بس لو كتير مايصير
شما: هي بس انا
دشت شما وهي مستانسه لان اخوها نش سارت عنده
شما بصوت خفيف: هزاع شخبارك
هزاع و هو ميهود و يحس ان جسمه متكسر كله : ها انا وين
شما : انت فالمستشفى حبيبي
هزاع : ليش شو استوا
شما ما حبت اتخوفه : همم سويت حادث انت و نهيان و الحمدالله ها نشيت
هزاع: وين نهيان هو بخير ولا شو استواله
شما: ان شاء لله بخير بس بعده راقد
هزاع: انزين ليش جي ويهج تعبان كنتي اتصيحين
شما: لا حبيبي بس لاني سهرانه
هزاع : تجذبين علي الكل الا انا اعرفج يويلج اذا صحتي مره ثانيه سمعتي
شما : ان شاء لله بسير انا برع عسب امايه خايفه عليك بخليها اتي
هزاع : اوك