أوعدك انطر رجوعك ياملاك أوعدك لأخر حياتي و العمر

19

فاطمه :بليز بنات ابا ادش هاي دخيلكم
مها : انا بي يلا يزوي
اليازيه : انا اخاف والله ما اركب
فطامه : كيفج انا بسير و يا مها اترينا هني
اليازيه : اوك
وسارو ودشو اللعبه كانت اليازيه يالسه علي الكرسي و تجوف تلفون ياي واحد من وراها وقاللها
مكتوم : بووووو
اليازيه : ايي غبي تبا كف
مكتوم : هدي هدي انا مكتوم
اليازيه : واذا يعني ترا زيختني
مكتوم : اسف والله
اليازيه : اونه مكتوم شخبارك وين اختفيتو من زمان ماجفناكم
مكتوم: والله نحن موجودين انتو ما نعرف وين اختفيتو وبعد شو هالصدفه الحلوه
اليازيه : عسب تعرف يعني
مكتوم : جوفي انا ما اقدر اطول وياج اكثر لان اخوج هني صح
اليازيه : صح
مكتوم : اسمعي هذا رقمي بكلمج عن موضوع
اليازيه : لا ما اقدر
مكتوم : لا تخافين موضوع مهم و بيحدد حياتي و حياتج
اليازيه و هي متردده : اوك بس اول ما تخلص موضوعك سيده بلوك اوك و اعذرني يعني
مكتوم : لا ماعليه
وكتبتله الرقم و راح

انسير عند هند و روضه دشت هند الحمام فكانت روضه برع تترياها
عبود : روضه اسمعي ابا ارمسج بسرعه
روضه : ترا هند هني بتجوفك
عبود : بسرعه ابا رقمج عسب اتفاهم وياج عن الموضوع
روضه بدون تردد :اوك
خذا وسار

انسير عند راشد الي كان يالسزيدورها
راشد : ريمو
اتنرفزت عليا
راشد : اقولج تذكرين هذاك المحل الي كنتي ادورينه
ريم : هي
راشد؛ سيري هذو مناك
ريم : اونه عليو تعالي بسرعه
عليا عرفت ان هو يبا شي
عليا : لا بسير الحمام وبيج مابطول
ريم : تبيني اي وياج عليا : لا مابطول
وسارت ريم المحل
عليا: خير
راشد استغرب من اسلوبها: ام بسكنت ياي اسلم عليج
عليا : خير اتسلم عليه سير عند ريمو منو هاي عسب اتقولها ريمو
راشد : اختي والله اختي
عليا : اويه والله اسفه
راشد فداخله اتغار بعد مب هينه هالبنت:المهم اسمعي
عليا : امر
راشد : ما يأمر عليج عدو بس بغيت اقولج اني اجبج و ابا اخطبج علي سنه الله و رسوله بس انتي اتري عليه اخلص و الله بخطبج
علياو هي مصدومه و مشاعرها متلخبطه : ها انا بعدني صغيره مستحيل يخلوني
راشد : تراقتلج لين ما اتخرج لا تقبلين حد اوعديني
عليا: هاا
راشد: هي وابا رقمج عسب اخذ رقم ابوج
عليا و هي مصدومه:كيف كيف انت تعرف شو يالس اتقول
راشد : هي اعرف و مدرك بعد
عليا عطته رقم ابوها و هي لين الحين مب مستوعبه شو يالس يستوي
راشد : اتري عليه والله اني قد كلمتي
سار و هو مستانس طاير من الفرح بس خايف من ردت فعلها  ورد ابوها شو بيكون
راشد : في داخله احبجججج يابنت الناس  والله لا اخذج
اما عليا فكانت مصدومه ماتعرف شو اتسوي  ،

سارو الشباب و كل واحد مستانس لان جاف قلبه الا هزاع ونهيان كان تفكيرهم كيف بنقابلهم مره ثانيه ،خلصو البنات وسارو عند اخوانهم وكانت نضرات ابطالنا ترمس و قلوبهم تفز علي كل نضره
هزاع: نهيان تعالي ويايه شو
نهيان : ها شو بعيت امر
هزاع: اسمع شو الدبره ابا رقمها عسب ارمس ابوها
نهيان: جوف انت لو راحت مكان حاول تستغل الفرصه واتسير اترمسها بس خلك قد رمستك
هزاع : افا وانا ولد ابوي كلمتي وحده
نهيان : كفو
هزاع : كفوك الطيب
كانو الشباب صوب و البنات صوب ثاني بس قراب من بعض و كانت الشلتين ويا بعض عند شلت البنات
ميثه : هاي بنات من زمان عنكم اونه يزوي انتي هني ماعرفتج متغيره
مها : ندري انها محلوه وايد بعد
ميثه : همم امبين
شما: ميثه اصطلبي احسلج بس مصاخه و لوعت جبد
ميثه : الله انا ماسويت شي انتو بس تضاربون ويايه وبعدين محد يدافع عندي غير مكتوم فديته والله
اليازيه هني فارت غيريه و سوت عمرها عادي
اليازيه : منو بعد ها الي متفيج و معطنج ويه
ميثه : مكتوم فديته هو الوحيد الي يحس فيه
هند : اييي انتي شو فديته بعد يعني اشكرا اخته هني
البنات استغربو كيف هاي اخته
مها : دقيقه الحين كل وحده اتقول هذيل شو يقربولكم لان مخي اخترب
و البانت امسوين عمرهم مايعرفونهم ولا شي
شما : انزين انا برمس انا اخوي هزاع الي مجابل هذا الريال المزيون
ظبيه : ههوووو هذا عمر اخويه فديتج عايبنج بخطبلج اياه خلاص
شما : اوه بلغلط زلت لسان شو بلاج انتي.
ريم : المهم انا بكمل اسمعو عدل هذا اخو شما انزين و مكتوم وراشد اخواني و عبود اخو النحيسه ميثه و نهيان اخو فطامي
و البنات فاجين حلوجهم من الصدمه طول الوقت
مها وهي تساسر اليازيه : طول هسنين نحن وياهم و ماعرفنا من اخوانهم الحين يطلعون هذيل لا بالله مصيبه
اليازيه : انجبي
روضه : انزين هندو انتي ماعندج اخوان
هند :امبلا عندي بس مسافر
البنات : اهاا