أوعدك انطر رجوعك ياملاك أوعدك لأخر حياتي و العمر

14

ظبيه : عندي سوال
شما : اسألي
ظبيه : احيد انكم نتقلتو بوظبي
شما: هي صح بس لان استوت ضروف عائليه حدتني اني انتقل انا و اخوي و عيال خالتي و بنات خالتي وينا دبي  و يدتي
ظبيه : اها بس ترا انتي معزومه باجر الضهر والله البنات بيستانسون وايد لما بيشوفونج
شما : خلاص تم بجوف لو اخوي يقدر ينزلني لان سيارتي فبوظبي لين ما يفكر اخوي العزيز ايبها تعرفين بعد مذلتهم كيف
ظبيه : هي والله المهم اعذريني وراي محاضره لازم ارد الحين واقولج ان بغيتي بنزلج لا ترديني طلبتج
شما : مايستوي جي بعد
ظبيه : يستوي انتي متى اتخلصين
شما : وياج اخلص
ظبيه : عيل الوعد بعد الكلاس
شما : خلاص تم
ظبيه : انتي جي تعيبيني

انروح في بيت يديد متروس غبار
البنت. : اقولج بس دلع تعالي نزلي الاشيا ويانا اونه اخيييج برنج بكف احين تعالي
البنت الثانيه : اقولج ريمو لا تعورين راسج و يا وحده جي
البنت : منو الي جي ها منو انتي جوفي عمرج عقب رمسي
ريم : شو بلاها هنوده كامله و لكامل الله
البنت : هي امبين
اليده : بسكم بنات شو كبركم تضاربون
هزاع : اخييج هاي بعدها اتسولف
البنت : انت شو يخصك في سوالف البنات
راشد : ياليل اليل هاي بلاها وايد تتحلطم
اليده : عيب ياولد انت وياه
هزاع: امايه هاي الخديه لو عت جبدنا جنها ياهل
البنت : الخديه اختك
هزاع : انتي ايووو شو الي اخت و الله بي بصطرج الحين اقول اسكتي احسلج
ريم : ختولي اونه غبار و ما اقدر اشيل الاشيا
مكتوم : وين الاشيا نحن بنزلها ختولي
البنت : اصلا انا كنت يايه انزل ريمو وين الاغراض
ريم : سبحان الله هناك سيري نزليهم و مره ثانيه لا تقوليلي ريمو اشين من يدلعني وع
البنت : اوي ليش كل هالحقد عليه و الله اني مسكينه
هند : سبحان الله جدام الناس مسكينه و من وراهم شيطانه
عبود : ميثه يالحيوانه و ين اغراضي ها
ميثه : بسم الله بلاك اتصارخ تعال دورهم في جيبي امك انا شو يخصني اقول بس زول
هزاع : الحين المساكين و الطيبين جي يرمسون
هند : شو انسوي يوم شي ناس عندهم ويهين
رن تلفون هزاع في نص النقاش
هزاع : خير
شما: مم لا تمر عليه برد ويا ربيعتي
هزاع : عكيف منو
شما : ترا يالسه اقولك يعني و بعدين مسكينه بتوصلني بدال مادق درب
هزاع : زين
شما : يعني متى تبا اتيب سيارتي ها
هزا ع : اليوم العصر بسير ويا الشباب اوك
شما : زين احتمال اسير بيتهم اتغدا بس هم بنات فالبيت مافي حد
هزاع : خوششش
شما: هزاعو بليز والله هاي ربيعتي من زمان ماجفتها مشتاقتلها بليز
هزاع : اوك يلا باي
شما: يسسسس والله اني احبه
ظبيه : زخيتج اتحبين منووو
شما:ااخوي قال عادي اي بيتكم و قال ان اليوم بيسير ايب سيارتيييي
ظبيه :و وناسه يلا قلتيله انج بتتغدين عدنا
شما : هي قال اوك
ظبيه : يلا عيل البنات يتريونا
راحو وركبو السياره
مها : شمووو من زمان عنج و الله مسيوووو
عليا : اونه شما و الله ما عرفتج فديتج محلوه ليش هسحبه كلها يالحيوانه
شما: والله انا بعد اشتقتلكم الضروف شو انسوي بعد
مها : يعني الحين ماشي سحبه صح
شما : هي ان شاء لله
عليا : ياويلج اذا قطعتي بجتلج نحن ما صدقنا على الله ترجعين تبين تقطعين مره ثانيه خير
شما : لا ان شاء لله لان خلاص نحن انتقلنا دبي
مها : اونه وناسه يعني كل يوم بتين عدنا
عليا : هي والله تعالي ترا البيت فاضي مافيه الا نحن الخمسه و الخدامه لان ابوي و امي مسافرين عسب شغل و ابوي بيلس بالاشهر فنحن مستغلين الفرصه و ماخذين البيت كامل حقنا
شما : خوش خوش
ظبيه: يباله سهره جي كلنا ويا بعض
مها : تعالي هندو و ريمو وفطامي  بعدهم وياج
شما: هي والله نحن كلنا وحتي النشبه ميثه اف
ظبيه :اخييج هاي ما نتفك منها و من شرها
شما : لوعه اتخيلو ان بتسكن ويانا خيير لوعه ما اقدر اتحملها شكلي بشرد وبي عندكم
عليا : هي والله تعالي و لا عوار الراس هاي
شما : المشكله منو بيهتم فالبيت ترا لا امي و ابويه و اعمامي و لا حريمهم يعني نحن و يا عيال خالاتي و يدتي بس
عليا : احس و الله بيكون عليكم ضقط
شما : لا ان شاء لله اليوم بيسرون ايوبون الخدم و الاشيا الباجيه
مها : اسفه بس وين امهاتكم
شما :وي سالفه يبالها قعده
ظبيه : اونه عيل خنسير البيت