أوعدك انطر رجوعك ياملاك أوعدك لأخر حياتي و العمر

28

دخل مكتوم عند هزاع وكان يبا يخبر بدون ما يخوفه
مكتوم : هزاع هزاع
هزاع : مهمممم
مكتوم : نش شويه ابا ارمسك
هزاع: شي مهم والله ما اقدر انش تعبان
مكتوم : شي عن ظبيه
هزاع نش بسرعه و هو خايف : شو مستوي
مكتوم : والله مادري شو اقولك بس
هزاع : بس شو قول شو
مكتوم : ظبيه و مها دااشين غيبوبه
هزاع و هو مصدون : لا مستحيل لا مستحيل
مكتوم : ترا هي مامات
هزاع : تعرف شو يعني غيبوبه يعني عادي اتنش بعد سنوااات
مكتوم : لا ان شاء الله كلها كم يوم وينشون
هزاع : يااااربي ياربييي ليش كل الي احبهم يروحون عني
مكتوم : ترا هذا قضاء ربك ما تقدر اتعارضه ما يستوي وانا اخوك
هزاع : يارب قومها يارب
شوي و ادش اليده
اليده : هزاع : شو بلاك ابويه
هزاع : امايه دشت فغيبوبه انا كنت ابا اخطبها انا احبها امييي
اليده : هزاع فديتك تراها ما توفت بتنش ادعيلها ما يستوي جي اتسوي
هزاع : كله مني انا السبب
اليده : هزاع شو هرمسه بعد انت ماسويت شي
هزاع : امي قلبي يعورني احس فداخلي ضيجه مب رايم اطلعها
اليد يلست عنده وبدت تقرا عليه عسب يهدي لين ما رقد
مكتوم : شباب والله ما جفتو كيف انهبل هزاع
عبود : والله مالومه هو يحب البنت و شارنها اخر شي طاحت في غيبوبه الله يردها لأهلها سالمه غانمه
راشد : شو الدبره منو بيقول حق نهيان بعد اخاف يسوي شرات هزاعو
عبود : لا ان شاء لله نهيان دايما الاعقل بينا رشود انت سير قوله بما ان انت الاقرب منه مابينا
راشد : الله يكون في عونا انا الحين بسير
سار راشد و هو يفكر كيف ايقوله و كيف بيقنعه
راشد : شخبار التعبان  احسنا عن قبل
نهيان : هي الحمدالله بس شوي متويع
راشد : ماعليه هانت كم يوم و بترد البيت انزين بغيت اقولك شي
نهيان : قول
راشد : امم والله ما اعرف شو اقول بس شسمه ظبيه و مها دشو في غيبوبه
نهيان جنه انبلع لسانه : هااا. شووو
راشد : ياخوي لا تعب عمرك زياده
نهيان : متأكد غيبوبه مستحييل مستحييل قبل شوي قالو انها بخير وبتنش
راشد : لا تحاتي ياخوي كم يوم وبتنش
نهيان بصوت عالي : كم يوم ههه ضحكتني اتقولي غيبوبه غيبوبه يعني عادي ايتمون سنوات او شهور
راشد : شو بلاك ترا هذا قضاء ربك مايستوي تعترض عليه
نهيان : استغفر الله ياااارب ساعدنييي يارب
راشد : ادعيلها وانا اخوك ادعيلها ماتعرف يمكن ربك يقبل دعاءك
نهيان و هو كاتم الصيحه: ان شاء الله بس اي شي يديد سيده بلغني
راشد : ان شاء الله من هل عين قبل هل عين بس انت الحين ريح ولاتعب عمرك فتفكير
نهيان : بدون رد
راحت عليا و روضه بعد ماهدو يخبرون اليازيه و الباجين كانو برع
روضه : يزوي بسرعه بقولج شي
اليازيه و هي اتعدل يلستها : نعم
عليا : اسمعي ظبيه و مها دشو في غيبوبه
اليازيه : شو لا ودوني عندهم بسرعه بسرعه
روضه  بصوت عالي وعصبيه: اليازيه فجي مخج شوي بتسيرين هناك شو بتسوين بتوعينهم يعني
اليازيه : مايخصني عليا تعالي ساعديني انش انا اليوم ابا اجوفهم
عليا واقفه فزاويه اتصيح
اليازيه : عليووو قتلج تعالي بسرعه ساعديني انش
عليا و هي اتصيح و اتصارخ : بتسير شو بتسوين بتعبين عمرج زياده شو نحن الحين عادي نفقد اثنين مب مستعدين نفقدج انتي بعد
اليازيه : منو قال انهم سارو منووو هاا
صوتهم كان وايد عالي و الغرف كانت خذال بعض دخلت اليده
اليده : شو بلاكم اصواتكم عاليه وايد
اليازيه :  تعالي ابا اسير عند ظبيه و مها ابا اجوفهم دخيلج
اليده : انزين فديتج هدي هدي انتي قبل شوي ناشه و تعبانه
اليازيه : لا ما ابا ابا اجوفهم الحين انا بخير مافيه شي وجلعت الابر الي كانت في ايدها
روضه يت جان ادزها : انتي غبيه انتي بروحج تعبانه بعد اتشيلين الابر هبله انتي
اليازيه : نشو بسرعه
دش غيث و هو معصب
غيث : شو فيج انهبلتي
اليازيه و هي اتشاهق: غ ييي ثث ابااا اجوف ظبيه ومها
غيث : بس هذا الي تبينه ليش امسويه عيل كل هذا
اليازيه : لان هم مايبون ايودوني
غيث: اوك فديتج لا تصيحين بنسر اتري شوي
اليازيه : لا ما اقدر اتريا ابا الحين والله انتو ماتحسون فيه
غيث : انزين شوي وبي باخذج
اليازيه : اوك
سار برع ياب ولجير ورد عندها
غيث : بسرعه لبسي شيلتج و تعالي يلسي هني
قامت اليازيه بزور و يلست علي الولجير و هي طالعه و عيونها كلها دموع مب قادره توقف جافت ويه مكتوم كيف ميهود لان من البارحه وهو مب راد البيت يالس عشانهم كلهم
اول ماوصلت عند الزجاج يلست اطالع ظبيه واتصيح بحرقه مب قادره اتوقف لان كانت شبه ميته و البنات معاها يصيحون
اليازيه : ظبيه : نشي دخيلج طلبتج لاتهديني هني بلييز نشيي ظبيووو
غيث : بسج يلا لازم اتريحين
اليازيه : لا ماوديتني عند مها
غيث : بسرعه
سارت عند مها و طالعت حالتها من حالت. ظبيه شبه جثه
اليازيه : مهاوي نشي فديتج منو بتم ويايه نشي يلا مهاوي لاتهديني بروحي
غيث : اليازيه يلا بنرد الغرفه

سامحوني على التأخير