أوعدك انطر رجوعك ياملاك أوعدك لأخر حياتي و العمر

16

اليوم الثاني نشو البنات عسب يسيرون الجامه ويرن تلفون مها علي رقم غريب
نهيان : الو السلام عليكم الغاليه
مها وهي مشبه علي الصوت :و عليكم السلام منو معايه
نهيان : معاج نهيان افا نسيتيني مسرع
مها: لا وين نسيتك كيف اصلا تباني انسا الموتر اصلا انا اليوم كنت ناويه اتصل
نهيان : عيل اسمعي
مها: امر
نهيان : مايأمر عليج عدو بس ان شاء لله اليوم العشاء بيب الموتر لين باب بيتكم بس لو ما عليج امر بغيت الوكيشن
مها: فالك طيب ان شاء لله الحين بطرشلك بس يعني قبل ماتي سولي مس كول عس اعرف
نهيان : ان شاء لله تأمرين علي شي الغاليه
مها : لا مشكور و ماتقصر و يلا مع السلامه
نهيان : في حفض الرحمن وصكر
اليازيه : زخيتج يالطفسه
مها: شو سويت
اليازيه: انتي ادرا شو سويتي
مها : اوي طع هاي ترا اليوم بيب الموتر
اليازيه : منو بيكون معاه
مها : والله ماسألته
اليازيه : يعني اونه مسويه فيها محترمه وجي طع ويهج اقول انا
مها : شو بلاه كل هالجمال و بعد اتسبين جمالي الحلو
اليازيه : اقول بس زولي و اذا عرفتي منو بي وياه خبريني اوك
مها :ومنو توا قال زولي
اليازيه : الله وا علم

انسير عن بيت شما:
هند : اقولج اليوم ماينفع انسير
شما : ليش عسب الانسه ميثه اتزول بس
ريم : اوك شو فيها
هند : يعني ا حس غلط لان هي قالت بس نحن
شما: لاعادي ما فيها شي
هند : عكيفج
شما : ربيعاتي و انا اعرفهم اكثر عنج
هند : لاتنسين ان رواضي ربيعتي انزين
عبوده : خيبه صوتكم واصل اخر الدنيا الله يهديج امايه يوم انج قلتي سيرو وياهم
هزاع: هي والله
هند : لا والله
مكتوم : هي والله
شما : حلو ما دام انتو هني اسمعو
نهيان : نسمعكم رمسو
شما : اليوم نحن بنسير بيت ربيعتنا
هزاع : هو كل يوم عيد
ريم : هزاع ترا هذيل ربيعاتنا من زمان و امك تعرفهم واحتمال ما دام نحن في دبي جي كل ويكند انسير عندهم
مكتوم : حلووو
هند : و ترا مافي حد في بيتهم بس نحن بنات
هزاع : والله في شي اسمه تلفون اتصلي في ابوج و قوليله ان كل ويكند بنسير و بنجوف شو بقول
شما : اوك سارت شما ودقت علي ابوها
الكول :
شما : الو ابويه
ابو شما: ها فديتج امري
شما: ما يامر عليك عدو بابا تذكر ربيعك بو ثاني
ابو شما: هي شوبلاه
شما: نحن نبا انسير كل ويكند عند بناته وترا بيتهم فاضي مافي حد لانهم في بيت خالهم وخالهم مسافر
بو شما: والله بو ثاني ماعليه كلام و لا شي ريال ونعم فيه انا ماعندي مانع سيرو و ستانسو و لا تلعوزون هالشباب المساكين
ريم : هذيل مساكين
شما: اوك بابا شكرا والله احبك ها سمعتو اجوف حد يقولنا لاتسيرون الوالد بروحه قال روحي المهم نحن بعد الجامعه بنسير لانهم عازمينا
شما : تعال هزاع وين سيارتي ابا اسير الجامعه و عندي مشاوير اخلصهن
هزاع : برع يبناها بس عبيها بترول لان مول امفضيه
شما : ما فيك خير اتعبيها
هزاع : هي مافيني خير
ريم : نهيانو متي بتي اخت المصونه
نهيان : المصونه و لا صمونه ههههه
ريم : مايضحك متي صدق
نهيان : اليوم العصر
شما : حلو بنسير رباعه هناك
انسير عند بطلاتنا  سارت مها و خبرت البنات عن الموتر وان اليوم بيبونه
ظبيه : اقولكم اخاف عمور اي ويجوف شو بنقوله بعدين
عليا : وليش اي
ظبيه: ما اعرف والله
روضه : عادي انقول خالي قال حق الريال ان يزله هني عسب ماعدنا  سياره حق الجامعه
مها : الله عليج بس بعد غبيه
ويلسوي يتشاورون لين ماوصلو الجامعه
مها: اوي بنات مب جنه هاي فطامي
اليازيه : وينها وينها
مها: مناك تعالي ويايه بسرعه
اليازيه وهي اتصارخ :فطامي يجلبه وين اختفيفتي
فاطمه:اوييي يزووووي مسيووووو اولالالالا مهاوي من وين يتو انتو
مها : انتي الي من وين يايه
فاطمه : والله اليوم يايه من بوظبي و بسكن هنيييييي
مها : واااي اكيد يايه ويا شمو صح
فاطمه : هيييييي كيف عرفتو
اليازيه : مايخصج كيف ما هديتينا ونحن انقول بترد بترد اخر شي ما رديتي كم سنه الحين
فاطمه : والله الضروف جي اتسوي
مها : اليوم العصر قم شمو بيون عدنا و تعالي معاهم
فاطمه : اونه
اليازيه : جي ماخبروج
فاطمه : لا اصلا انا بعدني ماسرت البيت انا يايه من بوظبي سيده هندي اقدم ملفي و هم من كمن يوم واصلين
مها : اها تعالي ويانا
فاطمه : السموحه منكم لا زم اسير اخوي برع يترياني
مها : حرام عيل العصر نترياج
اليازيه: والله ان مايتي ياويل ويلج سمعتي ويلا سيفي رقمنا عندج و هذي سناباتنا
فاطمه : وعد بي
مها : اوك يلا بااااي
اليازيه : والله هالبنت مشتاقتلها
مها: هي والله و لهانه عليها جلبه