أوعدك انطر رجوعك ياملاك أوعدك لأخر حياتي و العمر

9

كان ماباقي شي علي صلات الفير وكانو البنات رقود الا الشباب الي كانو يسوقون واعين في سيارت هزاع الكل كان راقد الا هزاع كان مشغول بالكيشن و عبود و روضه و كان الجو عندهم هادي محد سولف
عبود : شخبارج روضه
روضه : بخير الحمدلله
عبود: ليش مب راقده
روضه : احس بسني شبعت و غير هذا جسمي بروحه متكسر من الرقاد
عبود: اها سلامتج
روضه : الله يسلمك
عبود : يعني شو رايج بما ان الكل رقود انسولف شوي
روضه : اوك جوف كل واحد بيعرف عن نفسه اوك
عبود : تمام انتي ابدي
روضه : معني ما احب ابدا بس يلا مب مشكله معاك روضه بنت .........
عبود : ونعم
روضه : الله ينعم بحالك
روضه :  انا عمري 19 وثالث اكبر وحده بينهم انا اول سنه جامعه واحس اني بموت ما افكر اشتغل هذيل الي ويايه بنات خالاتي و حده الي هي عليا بنت خالي ونحن وايد قراب من بعض مممم شووو شو بعد
عبود : اوك انا بكمل انا عبدالله ولد .........
روضه : ونعم
عبود : الله ينعم بحالج  و انا عمري 21 سنه و الحين ادرس فجامعة الشرطه لطيران ان شاء الله وراي حلم وابا احققه وهيل الي ويايه كلهم عيال خالاتي ونحن بعد وايد قراب من بعض شرات الاخوان
روضه : اتشرفت في معرفتك احسك انسان طيب و نضيف
عبود : الحمدلله نضيف لاني اتسبح بشامبو دوف  هههههه
روضه : ههههههه سخيف وايد
اتصل هزاع في نهيان عسب يقوله ان يوقفون عند المسيد عسبت يصلون لان اذن وصلو ونزلو يصلون
و كان ضلام مول ماشي ليت فكان مسيد البنات بعيد وايد عن مسيد الريايل فمشو وهم مول ومودهم زباله سارو اتوضو و صلو
مها : روضه تمي و يا عليا لا تخلينها روحها
روضه بدون نفس : اوك
طلعت مها ويلست روضه تتريا عليا
روضه : يلا عليو ابا اسير الحمام (الله يكرمكم )
روضه ما قدرت تستحمل وركضت الحمام (الله يكرمكم )وهدت عليا روحها وهي بالعه العافيه و خايفه صلت بسرعه يت بتضهر اتجوف شي شخص ما تعرفه برع يحاول يفتح جامة المسيد  و ما كانت عليا  منزله فونها وياها و خلاص بتمووت من الخوف
عليا بخوف : انت شو تبا
الريال : ها ماما تعالي انا يريد كلام مع انتي
عليا : خوز اقولك خوز
وتركض داخل المسيد و تقفل الباب و تيلس اتصارخ من الخوف تصيييح ،حس راشد ان عليا اتأخرت فجاف ان روضه ردت بدون عليا هني خاف زياده
راشد : اقولك بسير الحمام بسرعه اوك
نهيان بسرعه و جوف هالبنت وين اختفت في نص اليليل
راشد: اوك
راح راشد يركض بكل ما يملك من قوه قلبه يقوله ان فيها شي سمع صوت صياحها راح عن الصوت و يصارخ و كان معصب
راشد : ايييه انت  شو تسوي يا ابن الكلب
الريال : ها انت شو يريد هاي بنت مالي
عليا : راشددددد ساااعدني هذا بيموتني اههههههه
راشد : لا تصيحين فديتج محد بيذبحج انت تباني اتصل علي الشرطه
الريال : انا مافي كوف
قام راشد صفعه صفعه من قوتا طاح علي الارض و من بعدها خاف وشرد
راشد : عليا فديتج تعالي مافي حد محد يقدر يدق شعره منج تعالي فديت روحي انا
طلعت عليا وهي تتنافض و دقات قلبها قاعده تتسارع و تصيح و تشهق من الخوف
عليا : كنت ببموووتتت امههههههه
راشد : لا محد بيموتج وانا موجود ايخسي ما دام راسي ايشم الهوا بسج فديتج انتي يالسه اتعورين قلبج و قلبي معاج
عليا : يعني مابموت خلاص
راشد : هي قتلج خسي احد يذبحج يلا سيري غسلي ويهج عن ينازعونا بعد يقولون ليش متأخرين
عليا: اوك تعال وياي اخاف
راشد : و منو قال اني بهدج يلا اجوف غسلي ويهج ولا تصيحين و يلا انرد السياره
عليا وهي اتشاهق : ششش ككك رر اا نننن
راشد : لا عيب عليج مابينا يلا واذا حد يفكر يزعل تعالي عندي
عليا و هي مبتسمه: انزين
راشد : هي هذا الي ابا اجوفه هضحكه الحلوه
راحو لين السياره ولا كأن مستوي شي
نهيان : خيبه ها كله حمام و الاخت عليا ها كله اتصلين ليكون صليتي عن القبيله كلها
عليا : لا بس علق عليه باب المسيد و فتحه راشد
نهيان يساسره  :اجوف مضبط عمرك
راشد : جب
نهيان : اها  اذا جي يلا عيل انسير
تحركو و مشو لين ما طلعت الشمس و قفو عند المحطه و نزلو كل الشباب و البنات
ظبيه : مها انا مب مشتيه شي بس باخذلي اورنمين سي
مها ولا معطينها ويه و ما تسمعها
هزاع : لا ما يستوي جي تبين اطيحين علينا الغاليه
ظبيه : لا بس لو كلت شي برجع
هزاع : لا مب عليه هالحركات يلا خذيلج كم من شي علي الاقل بس تصبيره يلا
ظبيه : تباني ارجع عليك ما عندي ما نع اكل المحطه كلها
هزاع : اترجعين علي و لا انج ما تاكلين يلا اجوف خذي اي شي
ظبيه و هي تتأفأف : نزين
مها : يزوي اسمعي بتاخذيلي  شدتني و علي حسابج عسب تعبتي حبيب قلبي
اليازيه : اوك و شو بعد عمتي
مها : تاخذيلي ثلاث اكواب ثلج
اليازيه :خيبه ثلاثه بتشربينهم الحين
مها : هي ما يخصج انتي بس تدفعين يلا روحي دفعي عسب اسامحج
اليازيه : اوك
مها : هي خليج جي تعجبيني
اليازيه بتسليك : اها اوك