أوعدك انطر رجوعك ياملاك أوعدك لأخر حياتي و العمر

3

وصلو البيت و نزلو من السياره
البنات :السلام عليكم
الكل : وعليكم السلام
اليده: ها فديتكم شو اشتريتو
ظبيه :كل شي زين الحمدالله والي قلتولنا
اليده: شاطرات بناتي استوتن حريم بارك الله فيكم
البنات : الله يبارك فيج امايه
و سارو يلسون فالغرفه
ظبيه : افففف فل تعب
البنات في والله
اليازيه : اقولكم شو بتلبسون باجر
مها  : مخور يعني شو بعد
البنات هي والله نحن بعد جي انقول
اليازيه : اذا جي خلاص الوعد باجر
ظبيه  : باجر باجر
سارو البنات انسدحو و يفكرون في اي مخور يلبسونه
اذن العشا و تعشو و يلسو شوي و كل وحده سارت بيتها 
اليوم الثاني الصبح الساعه سبع في بيت اليازيه
اليازيه :الو مها شو قررتي مع منو بتسيرين
مها  : والله انا مادري سهيل يقولي تعالي ويانا هو و غيث و عمور وانا اقوله شو اسوي بين شباب و هو يقول عادي
اليازيه : اذا جي خلاص انا بي وياكم و الباجين شو مممم روضه ويا اخونها و عليا ويا ابوها و ظبيه ما دري ويانا ولا و يا اخوانها يس ترا كلهم دايركت بيسيرون من بيتهم هناك
مها  : خلاص اذا جي تعالي ويايه علي الاقل وحده من البنات مب روحي
اليازيه : خلاص بتفق و يا  غيث مب مشكله
مها  : تمام اجوفج هناك
راحو الاهل الا سهيل و مها  تمو يتريون عمور يمر عليهم  شوي الا يدق الهرن
سهيل يناعر : مها  الحيوانا يلا ياي عمور ياي تعالي بسرعه تحت
مها  : اوك دقيقه بس
نزل و هو يعرف انها يتتأخر
غيث : اخيج شكلنا بنخيس
عمور : برايها ترا نحن جي و لا جي متأخرين عادي
مها  : اتأخرت وايد
اليازيه : لا فديتج ما تأخرتي
غيث يقلد اليازيه  : لا فديتج ما تأخرتي  اقولج نص الوقت سار  وانتي اتقولين اتأخرت
مها  : انت اقول جب مالي خلق اضارب وياك
غيث : اقول زولي بس
عمور : بس لا ياهال انتو
اثنينتهم: لا لا  و هم فدرب
مها  : ياخي شو الجو التعبان شغل شي
عمرو : اوك و شغل اغاني
مها  واليازيه يلسو يغنون 
و صلو العزبه و العزبه  كانت وايد بعيد عن دبي كانت في بوظبي و في اخر بقه في بوظبي يعني خذا منهم وقت وصلو علي الضهر هناك و بدو الحريم يسون الغدا
مها : خيبه الاكل ريحته قوييييه
غيث : هي و الله اول مره اوافقج علي شي
مها  : اقول بس اسكت خنسير قبل لا يخلص
غيث : هي و الله بروحنا متأخرين من ناس وشرد عسب ما تضارب وياها
مها  : وين بتسير الحين بزخك يا ويه الخس
اليده : الله و اكبر متي يتو انتو
ثاني  : توا امايه ليش
اليده: اتقول ليش بعد متإخرين وايد جان مايتو احسنا
غيث : شو نسوي امايه هاي مها راقده فالحمام
اليده : اها ما عليه يمكن بطنها يعورها انت مايخصك
غيث : اي حمام يالسه اتحط ميكب
مها : اسير انت لا تيلس اتألف وايد 
يت عليا  و سحبت مها قبل ما تضارب ويا غيث
عليا : تعالي بنسولف خيولي
مها  : يقهر والله ما ماحبه
عليا : خيولي
ظبيه : اسمعو عندي فكره من البارحه وانا اخططها
مها  : الله احب الخططط سمعيني يالفنانه
ظبيه : اسمعو يا ناخذ الدراجات ونسير على الحدب و نلعب او سيارت خالي و مها  اتسوق ما دام ما تخاف
مها  : تعالي ابوسج علي خدودوج تعالي انتي اديشين في تفكيري ها
ظبيه : مب دشيت في تفكيرج بس عيونج ترمس شو تبين اتسوين
اليازيه : الصراحه حبيت الفكره
روضه :وانا بعد
عليا: انا ما حبيتها شوي
مها :ترا عادي بنستأذن شو فيج
عليا: اذا بتستأذنون ما عندي اي مشكله
اليازيه : اوك امنو بترمس
عليا : كلنا
مها : تمام
سارو عن الخوال و  الشباب كانو يالسين عند اليده 
  البنات ويابعض : خالي عادي ناخذ الدراجات شو ي نحن نبا نلعبهم
محمد : شوي شوي تراكم مب في اذاعة مدرسه 
سيف : نعم نحن فل بيت ما نعطيكم انتو خوافات بتجلبونهم بتخربونهه صح شباب
الشباب : صح
مها : اوك خالي ما نبا مذله عادي تعطينا سيارتك بنسوقها شوي بنردها
اليده : حرام عطهم هشباب زطاطوه طيب خاطرهم يلا محمد عشاني
الخال محمد : تمام ماتسيرون بعيد ولا اطولون اوك
البنات اوك
ظبيه : خالي اصلا نحن لازم انرد لان عدنا جامعه باجر صح
البنات : صح
الخال : كيف جامعه و باجر ايجازه
اليازيه : ترا نحن معطينا زياده عسبت المواد
الخال : اوك من العزبه لين البيت سيده لا يمين ولا يسار اوك
ظبيه : انشاء الله