بعد مرور ثلاث سنوات في بيت اليازيه
غيث : يزوي انتي جوفي الريال شو فيج
اليازيه : انا ما ابا افهم
غيث : ثلاث سنوات و لا تقبلين حد شو فيج
اليازيه : لين الحين ماياني النصيب
غيث بعصبيه: اليوم بتسيرين وبتجوفين الريال و كلمه زياده ياويلج
اليازيه وهي اتصيح : ما اباااااا
يو البنات عندها
ظبيه : جوفي الريال انتي شو فيج
اليازيه : انا غير مكتوم ما ابا سمعتو
مها : يزوي اسمعيني انتي سيري جوفي الريال انزين و بعدين قولي حق غيث بستخير و قوليله انج مارتحتي
عليا : صح ليش خليتيه يعصب
اليازيه : اوووف انتو ماتحسون فيه
روضه : احمدي ربج بس انا ابوي عاقني علي ولد عمي وانا ما اباه
اليازيه : الحمدالله
سارو البنات يجهزون لان ااهل الولد بينو بعد الشوفه الشرعيه ، و جهزو اليازيه و كانت مزيون كانت لابسه فستان هادي وناعم وفاجه شهرها و حاطه ميكب خفيف يبرز ملامحها ،قبل مادش كانت اتحاول تكتب حق مكتوم
المحادثه ..................
اليازيه : مكتوم
مكتوم : نعم
اليازيه : شي واحد بيخطبني و غيث قالي لازم ايجوفني شوفه شرعيه وانا مابا
مكتوم : وانا شو اسوي
اليازيه و عيونها متروسه دموع:وين الي قالي لا تقبلين فحد و انا ريال وقد كلمتي و بيج من الباب وين
مكتوم : سار
اليازيه و الدموع مازره عينها : لا والله ثلاث سنوات وانا مايالسه اقبل حد هالقد اسمع كلام يعور قلبي يقولون ان فيه بلا عسب جي ما اتبا تتزوج
مكتوم ما كتب شي و طلع من المحادثه
يلست اتصيح اليازيه و دشو البنات عندها
عليا : ليش اتصيحين
اليازيه وهي اتشاهق و قالتلهم القصه كلها
مها : مستحيل يمكن حد يتكلم بدالا
اليازيه : اوووف خلاص اذا هذا الريال زين انا باخذه خلاص مابتريا هذاك الخسيس
روضه : لا اليازيه فكري ترا هذاك مكتوم حبيب قلبج لا تتسرعين فالقرار
رن تلفونها وردت
اليازيه : الو منو معاي
البنت : حبيبتي اليازيه مكتوم مابتاخذينه ولا بتتزوجينه سمعتي
اليازيه : انتي منو و على كيف منو
البنت : علي كيفي مكتوم باخذه و بجوف منو بيمنعني
اليازيه : ايييه شو اتخربطين منو انتي
البنت : انا ميثه
اليازيه : اقولج شي كلي زق و صكرت في ويها
شوي الا يدق الباب
غيث: يزوزي يلا وصل الريال تعالي
اليازيه : اوك
نزلت وهي خلاص ما تعرف شو اتسوي مخها يعورها من التفكير دشت ويلست وهي منزله راسها
اليازيه : اسمع ياولد الناس انا ما اقدر اتزوجك
الريال : ليش
اليازيه : انا مخطوبه من واحد اسمه مكتوم و احبه
مكتوم : انزين انا مكتوم
اليازيه وهي مصدومه و رفعت راسها :ها مكتوم ليش ياي مب انت قلتلي انا ما اباج
مكتوم : لو ما اباج ليش بي لين بيتكم و بعدين توج اتقولين احبه مكتوم
اليازيه : وبعدين ميثه اتحبك ليش ياي عندي
مكتوم :انا ما احبها شو الدبره
اليازيه : يعني ميثه الي كانت ترمسني
مكتوم : مادري ختولي هاي الحين انتي انتي تبيني
اليازيه وعيونها دموع : هي اباك
مكتوم : خلاص ليش اتخربين جمالج هذا فديتج
اليازيه : خفت ان انت صدق ماتباني
مكتوم : لا اباج و انا ماشديت حيلي الا عشانج انتي
مرت الايام بسرعه و مكتوم خطب اليازيه
و هزاع اتجوز ظبيه
و نهيان خاطب مها
يوم الخميس في بيت روضه :
ابو روضه : ولد عمج اولا فيج من الغرب
روضه : بويه انا ما اباه مب مرتاحتله
ابو روضه : تعارضين ابوج يامسودت الويه
روضه : حشى ابويه انا ما اعارضك انا استخرت و مارتحتله
ابو روضه : السبت خطبتج و بس هذا الي عندي يلا
روضه يلست منهاره ماقدر اتسوي شي لان ابوها راسه يابس واذا قال شي بيسويه يلست اتصيح بساعات
و محد يقدر يقنعه لان كلمته وحده و يلست اتصيح لين مارقدت
يوم الاحد بعد المغر قرر عبدالله يخطب روضه للمره الخامسه من ابوها
عبود : عمي دخيلك انا شاري البنت
ابو روضه : البنت اليوم خطبتها من ولد عمها يلا
عبود هني فاااارر ماقدر يتحمل مول سار اتصل في روضه
روضه وصوتها تعبان من الصياح : الو
عبود بصوت عالي : روضه بتاخذين غيري
روضه اتصيح بدون ماترد
عبود : رواضهرردي عليه بتاخذين غيري ردييي
روضه وهي اتشاهق : ابوي ابوي شو اسوي ما اقدر اسوي تعبت
عبود بأندفاع : روضه انا الى يلست اقنع امي و احاول و عانت اهلي عشنج و الله اذا استوابي شي كله من سبتج سمعتي
روضه : انا شو اسوي رد عليه الحين انا الغلطانه
عبود شوي هد : روضه اسمعيني فديتج انتي
روضه : نعم
عبود : جوفي كلمي ولد عمج يمكن يتفهم الامر و ماياخذج
روضه : اخاف يقول حق ابوي اخااف ترا عادي ابوي يجتلني
عبود:روضه هذا اخر امل او مابقدر اتزوج
روضه : ان شاء الله
مرت الايام و سافر عبدالله عشان ينسى روضه الي ما خازر عن باله روضه رفضت ولد عمتها و سوت هالشي غصباً عن ابوها الي اتبرا منها و سارت تعيش ويا يدتها
فبيت يدت روضه كانت يالسه فالغرفه و طرا علي بالها عبدالله دشت جاتهم
المحادثه :
روضه : شخبارك عبدالله
بعد دقايق عبدالله : بخير شخبارك انتي
روضه : من بعدك تدهور حالي
عبدالله: سامحيني يالغلا ما رمت اسوي اسوي شي و سافرت عشان انساج ما ابا اعور قلبي زياده
روضه : من بعد ما سرت رفضت ولد عمي و قفت جدام ابويه و اتبرا مني و الحين اعيش يدتي
استغرب عبدالله و استانس : اوعديني انج بتتريني
روضه :
أوعدك انطر رجوعك ياملاك
أوعدك لأخر حياتي و العمر
أوعدك مايدخل فوادي سواك
والله لاتحدى الليالي و السهر
لو نصيبك من وسط عيني خذاك
ب الأمل بحيا حبيبي و الصبر
لا تظن قلبي رغم بعدك نساك
كل يوم بخاطري زولك يمر ......
عبدالله:
افتقدك و كثر ما قلبي يحن
و المشاعر كلها تسال عليك
و المصيبه كل ما ليلي يجن
انطر نجومك و قلبي يحتريك
غيبتك طالت و حروفي لك رسل
و أمتطي صهوه جوادك و التقيك
و انت قصة عشتها حب و شجن
و انت روح المغرم و الي يفتديك
هاي نهاية روايتي اتمنى انها عيبتكم و اتريوني فروايه يديده و قريب بنزلها اتريون اجوفك المره اليايه و سامحوني لو تأخرت عليكم و مع السلامه
YOU ARE READING
أوعدك انطر رجوعك ياملاك أوعدك لأخر حياتي و العمر
Actionروايه امارتيه ترمس عن خمس بنات بيعلقون فالبر و بتجمعهم الصدف
