أوعدك انطر رجوعك ياملاك أوعدك لأخر حياتي و العمر

2

وتحاول تحدد مكان الصوت و مول مب مركزه ويا ظبيه وتلقط المكان
مها : اقولج جب مايضحك تعالي ساعديني بسرعه يجلبه
ظبيه  : اف متينه
مها  : جب بس
وتسير مكان صوت الضحك
مها  : تعااال  مسكتك يلهيس انت شو يضحك ها
الريال : اف والله بس كان يضحك كيف جي طحتي
مها  : لا و الله قلت ادب
الريال : اسف حقج علي
ظبيه  : مها شو فيج تعالي خلاص اعتذر
مها. : اعتذارك مب قابلتنه
مها  تبا اطلع حرت الطيحه فيه لانها مقهوره منه و ظبيه ماتعرف شو اتسوي لانها عادي تضارب ويا الريال سارت اتصلت فالبنات
ظبيه : ردووووو بتفشلناااا هاي اليوممم ياربييي ردوييي يلا اولوووو وينكم ليش ماتردون
اليازيه : شو فيج كنا شالين شدات الببسي
ظبيه  : لحقو بنت خالتكم بتضارب ويا الريال شو اسوي
اليازيه : اويه والله اتسويها
ظبيه : شو اسوي
اليازيه : قوليلها خالي يتصل و بيعصب لو عرف انج تبين تضاربين و يا الريال
ظبيه : اوك
ظبيه : اقول انتي هذو خالي متصل ياويلج لو عرف ان نحن واقفين هني قومي خلاص اعتذر شو فيج
مها  : بطوفها بس عسب خالي بيذبحنا اوك
الريال : اوي بلاها ترا قلت اسف وايد هاي شخوصيه
مها  : ترا اسمعك يل هرم
ظبيه : خلاص اسكتي انا ما اروم اتحملج  زياده احس بصفعج سيري عند الباجين و طرشي وحده عندي انا ما اباج
مها  : لا انا الي ابا اقولج شي انا بزول بكرامتي و بجوف لو حده متفيجه اتي عندج
انسير عن المجموعه الثانيه
روضه : خيبه اوي هذا الحلو كيف يتجرأون يخلونه يشتريلهم اغراض انا لو هذا ريلي ما اخليه يفكر يطلع  من البيت اخاف يصرقونه مني
عليا: تبين واحد حلو شرات هذا ياخد وحده شراتج جي ذوقه طايح لو مطلق وانتي اخر وحده فالعالم  ما بيفكر فيج حتي
اليازيه : اوف جلعت كرامتج اقولج هذو بروش  خذي و خمي كرامتج
روضه : طع ويهج بس
تمشي و هي متويعه و معصبه من سبت الريال و الطيحه
مها ترمس عمرها: اوي  هالاكشن كله استوا ولا. يبتلي ردبول حسافه والله قهر كله من ظبيوه النحيسه حيوانه وحده و الله لا ارد  و اخذ شده كامله و ما اكون بنت ابوي اذا ما خليتها هي الي تدفع سارت و هل مره شوشي عسب ماطيح سارت ولا اتجوف الريال واقف هناك
مها و هي متفشله الف : اسفه اخوي
الريال: لا عادي ادري اتعورتي و حطيتي حرتج فيه
مها : اعذرني انا يوم اعصب ما اعرف منو جدامي اسفه والله
الريال : لا ما عليه بس حاسبي مره ثانيه
مها  : ان شاء الله
خذت شدت الردبول و هي تمشي و ايدها اتعورها وايد وصلت لين البنات
روضه : ها ضربتيه ولا لاء
مها : كلي تبن اقول
روضه : اوي بلاج كليتي علينا
مها : اقولكم اختكم المصونه عصبت مني و قالت ما اي وياها
عليا : يعني طرده
مها : تقربينا المهم اتقول وحده اتسير عندها
عليا  : انا انا بسير
اليازيه : انزين سري شو فيج
عليا  :اوك بسييير
مها  : هاي شو بلاها انتو كنتو بتجتلونها ولا شي
روضه : لا والله مادري عنها هبله ختولي
مها  : انزين شو باجي
اليازيه بس باجي سوالف السناكات و اي شي تبون
روضه : اي شي متأكده
اليازيه : هي و الله اي شي
روضه اوك بسير ايب شي بسرعه
اليازيه: اوك تعالي مهاوي شو فيج ويا الريال
مها:  خبرتها القصه
اليازيه اوك شو فيها الحين انتي لو جفتي  وحده هبله طاحت ما بتضحكين
مها  : امبلا بضحك بس بصو ما ينسمع
اليازيه : الريال شو ايسوي يوم انج ما شاءالله تسمعين من بعد كيلو  ما يستوي جي بعد  يتضاربين ويا الكل عيب
مها  : شو أسوي أنا عصبيه ما أروم 
اليازيه : سيطير عليه
مها  : بحاول
انسير عند ظبيه و عليا
ظبيه: والله زين ما ذبحت الريال بكلامها بيقول لا مستحيل هاي بنت و لد
عليا : يستاهل حد قاله يضحك على و حده هبله و انزين اتخيلي ان ردت يبتلها  شدت ردبول
ظبيه :اونه و الله انها هبله
عليا:  هي والله الله يشفيها ويشفينا
ظبيه : جي اكون خلصت تبين شي
عليا  : لا اشي بغيت حطيته هنالك
ظبيه :اذا خلصنا من هني انسير عندهم
عليا  :يلا