أوعدك انطر رجوعك ياملاك أوعدك لأخر حياتي و العمر

21

اليازيه كانت فالغرفه اتحاول بس الرقاد طاير من عينها تبا تعرف شو يبا مكتوم منها اتحاول ترقد بس ماشي فايده لين ماوصل المسج طن طن طن فزت من اول ما سنعت المسج
المحادثه ......
مكتوم : واعيه
اليازيه: هي امر الغالي
مكتوم: مايأمر عليج عدو بس بغيتج في كلمة راس
اليازيه :قول
مكتوم: جوفي يابنت الناس انا ريال مصلي ومسمي و ابا اقولج اني حبيتج وايد و ما اقدر علي فرقاج بغيت ادخل من الباب و اسمع رايج قبل الكل انا اباج علي سنه الله ورسوله ابا اخطبج بس مب الحين اتري عليه اتخرج و اشتغل و الي ابا منج هالفتره ماتقبلين باي ريال وانا قد كلمتي بي وباخذج ويايه
مكتوم: شو بلاج انربط لسناج ردي قولي شي بس ريحي قلبي لو ماتبيني قوليلي
اليازيه : لالا منو قال مااباك
مكتوم: يعني تبيني صح
اليازيه : انت ريال و النعم فيك بس و لابنت ممكن انها ترفضك بس
مكتوم : بس شو قوليلي فديتج
اليازيه : طول هالمده شو اقول كم عذر اطلع
مكتوم : حاولي عشاني يابنت الناس والله ان قلبي يتقطع كل ما اجوفج
اليازيه : ان شاء الله بحاول عشانك
مكتوم : والله كنت ادري انج اتحبينبي
اليازيه : كيف تبا تخطبني وانت تحب ميثه تلعب عليه انت
مكتوم : منو قال اني احب ها الشيفه
اليازيه : عيل ليش اتقول مكتوم يحبني و مايرضا عليه ويدافع عني
مكتوم: ختزول هاي والله اني احبج و بي لين بيتكم و بخطبج اتريني انتي بس
اليازيه : انزين يلا باي ما قدر اكلمك زياده الوقت روحه متأخر اخواني بينازعوني
مكتوم : صح يلا في حفظ الرحمن
وصكر وكان مكتوم يصارخ من الوناسه ويركض فالبيت رشود سويتها سويتهااااا
راشد : شو بلاك شو سويت بسم الله
مكتوم ويوم جاف ان الكل يجوفه سكت و ماقال شي سار غرفته وصكر الباب ويلس يناقز من الوناسه بممممم ريم ادش غرفته و تيلس علي الشبريه
ريم : تعال اعترف شو مسوي
مكتوم : انا انا ماسويت شي
ريم : ترا اعرف يلا قول لا اختك انا مافيها شي
مكتوم : مافي شي
ريم : عيل ليش اتناقز فالغرفه و علي الشباري جوف ترا انا اختك كل شي اتقولي قول يمكن اقدر اساعدك
مكتوم : ما احتاي اصلا هي قالت اوك
ريم : منو هاي اعرف انها بنت
مكتوم : جنيه كيف عرفتي
ريم : ترا توك قلت انها قالت اوك
مكتوم: انا لا تجذبين ما قلت شي
ريم : مكتوم خلاص يلا اعترف كشفتك
مكتوم : اوك بس توعديني ان محد يعرف
ريم : مب وعد وعدين
مكتوم يلس وقالها السالفه من الالف الي الياء عق العشا كامل وريم يالسه تضحك  و ميته ضحك علي غبائهم
ريم : يسبلان و لا قالولي اي شي بنات الحلال
مكتوم : حرام لاتلومينهم ترا الي مرو فيه مب شويه
ريم : بعد ادافع عنهم و شو عن اخوك لقاله وحده
مكتوم : قصدج رشود هي والصراحه مزيونه بس حبيبت قلبي احلا منها
ريم :طع هذا اقول مب جنه وايد عطيتك ويه يلا باي احلام سعيده تحلم فيها وتحصلها جدامك
مكتوم : يارب
وطلعت و حست ان قلبها حن على اخوها و قررت ان تعزم البنات علي بيتهم وعرفت ان كل واحد من الشباب محصله وحده بس مايقدرون يسون شي قررت انها اتخبر البنات عن العزيمه بس مابتخبرهم السبب
ريم : شمو اقولج شو رايج نعزم البنات هني عدنا
شما : هي فكره حلوه عسبت امايه ماتم بروحها
اليده: لا فديتكم عادي بتم انتو سيرو هناك
ريم : لا يدو كل مره نحن انسير هل مره خلهم  ايون عدنا لازم نعزمهم علي الغدا مايستوي هم كل مره عيب
شما : اذا شي غدا خله خوانهم ايون بعد مره وحده
ريم : هي صح
سارو و خبرو الشباب فكرتهم والشباب طبعا استانسو مايحتاي اقول ليش سارت شما اتخبر البنات ان ايون العزيمه وجي
مكتوم راح مط ريم من ايدها وداها الغرفه
مكتوم : ياخي والله اني احبج
ريم : عسب تعرف بس كيف اضبطك ترا لعباتي
مكتوم :كيف انزين بجوفها
ريم : لا عيب من بعيد جوفها
مكتوم : انزين ابا اقوللها شي
ريم : مايستوي لا تستهبل
مكتوم : ريمو بليز كملي جميلج
ريم حن قلبها : بحاول عشانك بس مب كل مره عيد
مكتوم : قوليلي شو اسويلج شو و يلوموني في حبج ياخي
ريم : ممم بفكر بشو ابا
مكتوم : انتي امري وادللي
ريم وهي ميته ضحك: والله يزوي طلعتي مب هينه شو مسويه في اخوي وطلعت وهي تضحك
راشد : الله يديم هضحكه شو يضك ضحكينا
ريم : سير جوف اخوك شو بلاه
راشد دخل: و جافه مستانس ويالس يهوجس مكتومو شو بلاك
مكتوم : اتخيل ان البنات اليوم بيون بيتنا
راشد : اونه فذمتك
مكتوم: والله العضيم
راشد : و ليش ريمو تضحك عليك ليكون عرفت
مكتوم : الصراحه هي عرفت وهي الي بضبطنا
راشد: نحن متفقين ان محد يعرف ليش قلت
مكتوم : مادري بس ترا هي وعدتني ان ما تقول حق حد موليه
راشد : الله يستر ما تروم اتزخ هالسان شويه
مكتوم : اختك ساحره روحها عرفت
راشد : لازم لانك متخبل