أوعدك انطر رجوعك ياملاك أوعدك لأخر حياتي و العمر

15

و صلو بيت خالهم و نزلو و اليازيه و روضه استانسو وايد بردت شما لان ماكانت بس ربيعتهم كانت اختهم و اكثر و حتي ريم و هند و فاطمه كانو هالمجموعه وايد قراب من بعض من كانو صغار  يلسو سولفو و اتغدو
اليازيه : شمو ياخي سوالفج اترد الروح والله
شما : والله ويهكم الي يرد الروح يلا عاد اعذروني لازم ارد البيت تعرفون من كم يوم واصلين دبي فلازم ارتب اغراضي 
ظبيه : وين بعدنا ما شبعنا منج
شما: والله المره اليايه ان شاء لله تعالي طرشيلي حساباتكم مالت السناب وسو قروب و بدخل البنات
روضه : تم انا الي بسوي
مها: وين وين انا بردج نسيتي انج يايه ويانه
شما : لا والله الحين اكلم اخوي اي ايشيلين وايد لعوزتكم
ظبيه : يلا عاد مره وحده بنمر الكوفي و بعدين بنزلج
شما : خلاص اوك
روضه و يعني نلبس عبينا
عليا : لا ايلسي نشي بعد شو
راحو البنات لبسو عبيهم و ركبو سيارت ظبيه راحو اشترو كوفي
ظبيه : اقولج وين بيتكم ترا انا يالسه امشي علي كيفي
شما : هني مب بعيد تقريبا يبالنه مال ربع ساعه
روضه : اونه خلاص انتي كل يوم اتين عدنا ما باقي شي على الاجازه و الله بنفلها طلعات
شما : خلاص تم من هالعين قبل هالعين
اليازيه : وناسه
شما: هذا هذا البيت
ظبيه : ما شاء لله و الله البيت حلو
شما : هي تراه بيتنا الجديم ابويه سواله ترميم يعني اتغير اشويه يلا باي سيو ليتر
البنات بايييييي
مها: والله اشتقنا حق سوالفها
روضه : صح تعالو ليش ما قامت اترد علينا قبل
ظبيه : اتقول من نقلو بوظبي كل شي اتغير بس هذا الي عرفته
مها: بس غريبه ان تقطع فتره عقب بصدفه ان قابلها غريبه
اليازيه : ترا الدنيا صغيره
عليا : صح بس فنهايه بنعرف السالفه ليش مستعيلين
ظبيه : صح ليش مستعيلين
و سارو البنات البيت انرد عند شما
شما : هااااي
البنات : هاياااااات
هند : بسم لله و لا كأن الي كانت اليوم الصبح منفسه و ماتبا اتسير الجامعة
ريم : تعالي شو استوالج خبرينا عادي
شما: اتخيلو منو جفت
البنات : منو
شما : اتحيدون قم ظبيه و مها و روضه و اليازيه و عليو
وقالتلهم السالفه كامله
هند : اونه وينهم ابا اجوفهم مشتاقتلهم
ريم : اتغيرو ولا بعدهم كيوتات و دمهم خفيفه و حلوات
شما : لا والله ما اتغيرو شرات قبل و استوا احلا بعد
ريم : الله شكلي بخطب وحده حق مكتوم
شما : هههه اسمعو اليوم الشباب سارو ايبون الخدم و سيارتي فا باجر بعد الجامعه بسير بيتهم منو بتي
ريم : محد في بيتهم
شما: والله بيت خالهم الي هو ابو عليا فا مسافر وهو مرته  فبيتم شهور برع و البيت فاضي مافيه غيرهم و الخدامه بس
هند : الله وناسه ابا اسير بسرعه خلصي و الله ولهانه عليهم من الخاطر
شما : هي امبين تعالي وين ام براطم
ريم : ماكله
شما : زين لا تخبرونها ما نباها اتي ويانا
ميثه : ومنو قال اني ابا اي مينونه اي وياكم
هند و هي تساسر : اعوذ بالله كيف سمعت مب اذن عليها
ريم : احسن نحن مانبا نتفشل جدام الناس

انروح عند الشباب :
هزاع : اقولكم شباب من ردينا من البر وانتو مب علي بعضكم شو السالفه
مكتوم : والله نحن دشينا البر بقلب وطلعنا بدون قلب
راشد :الله عليك
نهيان : الحين انتو شو عرفكم انكم حبيتو وحده و يمكن الثاني حبها
هزاع : صح يمكن
عبود : اوك كل واحد يقول هو معجب فمنو
راشد : لا والله يمكن ما ابا اقول اسمها جدامكم
نهيان : لاتسوي فيها  اغار. و حالتك حاله و بعدين هذا ما يسمونه حب اعجاااب انت متى لحقت اتحب يا حبيبي بعطيك كف يلا راشد انت اول واحد بتقول
راشد : لا والله علي كيفك
عبود : خلاص انا بقول و اذا واحد منى كان معجب فيها يقول اوك لا تقول نحن مانبا انعور قلبه و مادري شو
الشباب : اوك يلا
عبود : الصراحه انا منعجب في روضه حد كان معجب فيها
الشباب : لا
مكتوم : انا امممم اليازيه
هزاع : وانا ظبيه
نهيان : وانا مها
راشد : مادام كلكم قلتو انا بعد بقول انا عليا
عبود : حلو يعني كل واحد لقاله وحده صح
هزاع : شكله الموضوع جي اذا حد عرف عن البنات شي لا يتردد وي ايخبر لان الصراحه انا ناوي اجوف وضع البنت و ادش علي سنه الله ورسول ما احب هالخرابيط الي مالها داعي
نهيان : هزاعو هد شو بلاك خيبه توا قبل كم يوم عرفتهم
راشد : الصراحه شباب انا اعرف اي جامعه يسيرونها
مكتوم : اي جامعه
عبود : اضني علي ما اعتقد تقنيه
هزاع : كلهم
راشد : والله مب متأكدين بس نحن جفنا مها و ظبيه و عليا
هزاع : ليكون هم ويا قم شما
مكتوم : لا ما ضنتي حتي لو هم ويا بعض كيف بيعرفون بعض و نحن قبل كم يوم ياين دبي
عبود : صح كلامه فكر بعقلانيه شوي
نهيان :شباب هدو شو فيكم كل شي تبون تعرفونه مره وحده
عبود : صح تعالو يمكن وحده منهم خاطبه ولا متزوجه و لا مطلقه ولا وايد اشيا معقوله
نهيان : صح ان قلبنا فز حق هالبنات بس مب معنها يلا اسير اخطبها هيدو على عماركم
مكتوم : ما شاء لله كيف نحن مانعرف غير اسمهم و هم وين يدرسون ولا بعد مب متأكدين
نهيان : الصراحه انا عندي رقم مها
هزاع : اونه ليكون الي في بالي
نهيان : لا حشى انا متربي كيف تباني جي اسوي
مكتوم : عيل كيف ان شاء الله
نهيان : عسبت الموتر نسيتو شو
راشد : الله عليك طلع عندك عقل وانا اتحسبك غبي
نهيان : اقول اسكت ابر كلنا