أوعدك انطر رجوعك ياملاك أوعدك لأخر حياتي و العمر

20

ياي ثاني عند البنات
ثاني : يلا بنات بنسير الوقت تأخر
مها: ثاني فديتك من شوي واصلين وبعدين انا مب جايفه ربيعاتي من زمان حرام عليك
ثاني : مهاوي فديتج مايمدي لازم انرد والمره اليايه بنسير جي مكان كلنا واعزمي اي حد تبينه
ريم : امم خلهم شوي بليز
ميثه : انا بسير اكلم عبود انرد لان انا بروحي مب بالعتنكم
هند : لا نحن الي بالعينج عاد اقول بس زولي
شما : ايي انتي خفي صوتج الريال هني
ثاني : لا برايها انا ساير
ريم وهي تتكلم بصوت خفيف : يسباله طيرتيه كله منج سار مالت عليج وعلي ويهج اف
شما : اوي بلاج هبله
ظبيه : بنات انا ومها بنسير شي نسينا نشتريه مب طولين الحين بني
مها وهي مب فاهم : يلا انسير
مشوو وهم اصلا ما كان عندهم شي بس ظبيه تبا اتجوف هزاع
مها: ها جفتي ارتحتي يلا انرد لان انا ما اقدر اجوفه بدون ما اكلمه خلاص خنسير
شوي هم يمشون ياي هزاع
هزاع : الغاليه
لفت ظبيه وهي مستانسه وداها تضربه لان ما سأل عنها بس مشتاقلتله
ظبيه : لبيه
هزاع و هو مستانس : اسمحيلي مها بس شوي عندي كلمة راس وياها
مها و هي زعلانه لان نهيان ولا عبرها : لا عادي اتفضل
مها وهي واقفه الي اي نهيان من وراها
نهيان : ليش الدبه زعلانه
مها: الدبه مرتك لا تسب
نهيان : لا والله مب على مرتي
مها : وان شاء الله منو هي مرتك
نهيان : وحده احبها واااايد بس ما ادري لو هي اتحبني
مها : انزين يمكن اتحبك بس ما تقدر اتقول
نهيان : انزين كيف اعرف
مها : من عينها من كلامها بتعرف
نهيان : يعني هي اتحبني
مها : مادري
نهيان : اها انزين ابا اقولج شي يستوي
مها : اتفضل امر شو بغيت
نهيان : اليوم برمسج اليوم او باجر علي رقمي و اباج اتردين لان موضوعي مهم وايد
مها : لا اسفه والله ما اقدر
نهيان : انزين مب لازم اتردين اهم شي تقرين
مها : بحاول بس ارد اسمحلي ما اقد ابدا اسفههه والله
نهيان : مسموحه وان اعرف ليش بس اقري وبعدين فري رقمي وين ما تبين
مها : ان شاء لله
انروح عند هزاع و الانسه ظبيه
هزاع : اسمعي يابنت الناس انا شارنج و بالحلال
ظبيه و هي مصدومه : ها
هزاع هي كيف ماسمعتي : اناشارتج و ابا رقم ابوج الحين
ظبيه : اهه ما اقدر اعطيك سير كلم عمر اخوي و بيعطيك
هزاع : اونه عمور اخوج و الله
ظبيه وهي خلاص اتحس ان بطيح على الريال: والله ووو باي بسير ما اقدر اتم وايد ب ب بااااي
هزاع : بااااااي و الله انج خديه هههههه

وكل واحد سار دربه وردو بيتهم وكل شخص من ابطالنا يفكر كيف بتكون ردات افعالهم ووهل بيردون و اشيااا وايد ادور في بالهم وهل يوم محد سار بيت خالهم كل وحده ردت بيتها و عليا سارت بيت يدتها اتبات

فسيارت ثاني :

ثاني : مها اقولج
مها مب معاه وماترد
ثاني :مهاااا يالس ارمسج انا شو بلاج
مها : ها ها نعم معاك
ثاني : وين سرحتي يالس ارمسج
مها : خير شوتبا
ثاني شي وحده عيبتني و ابا تحجزينها حقي تقدرين
مها : حركاتتت منو هاي ها خبرنا يلا
ثاني : يعني انا شوي اترددت بس بقولج بس بينا ها
مها :اوك يلا قول حمستني
ثاني : امم منو هاي الي قالت خلهم شوي اتمون
مها : اوووه تعرف تختار بعد هاي ريمو الهبله
ثاني : هييه انتي الهبله مب علي مرتي المستقبليه خير
مها :طع هذا اونه مايرضى و جي منو قدك
ثاني : المهم اباج تحجزينها لي لو حد خطبها قوليلها مب مناسب و جي انا خلاص ما باقي لي شي واتخرج اول ما بشتغل بخطبها سيده
مها :بس شي اشيا لازم اتسويلي انت بعد مب مني والدرب ويلا
ثاني : اوك هذا مب موضوعنا انا عندي موضوع معاج وخليج صريحه اوك ؟ لا تجذبين لاني ما بسوي لج شي
مها : تقول ف داخلها ( و هي متوتره وخايفه ان يمكن عرف سالفة البر ) قول ماحيد اني مسويه شي غلط
ثاني : جد جفتوا ربعنا من قبل
مها : منو قصدك هيل
ثاني هي يعني منو بعد
مها : لا بس يمكن مشبهين عليهم
ثاني: كيف يعني
مها : يعني كم واحد منهم جايفتنه يوم كنا فالجمعيه او فالفريج عند بيت قم خميس
ثاني : بس هذا
مها : هي بس لو في شي كنت انا بي اقولك اول واحد
ثاني : هي زين

وصلو البيت وسارت غرفتها اتحاول اتنام بس مخها ما يخليها روضة وهي واثقه مليون بالاميه ان ابوها مابيوافق عليه بس لان هو يباها حق ولد عمها وهي ماتبا ويلست اتصيح طول الليل و  اتسير تتصل في هند ربيعتها  الروح بروح قلبها الثاني
روضه : الوووو هندووو
هند : هلا والله حبيبتي شو فيه صوتج جي تعبان
روضه : اسمعيني شي واحد يبا يتقدملي
هند : حلو شو فيها
روضه : ابويه مابيوافق انا اعرف
هند: ليش اذا ريال ونعم فيه ليش يرفضه
روضه : اول شي الولد بعده يدرس ماخلص
هند : اتريه مافيها شي
روضه : انزين و غير هذا
هند: شو بعد
روضه : انا سمعت مره ابويه يقول حق عمي بنتي حق ولدك
هند : عادي يمكن غير رايه
روضه وهي اتصيح وتتشاهق : ما ابا اكسر خاطره اهههه
هند : ومنو قال انج بتكسرين خاطره
روضه : انا اعرف ان هو يحبنيييي
هند : كيف انتي اتكلمينه في مكان ولا شو
روضه : لا والله حشي انا ماكلمته بس ادري انه يحبني عيل ليش بيخطبني
هند: اسمعيني يابنت الناس
روضه : ها ااا
هند : سيري صلي والله بيساعدج لا تخافين
روضه : ان شاء الله
هند :يلا بس لاتصيحين وسيري صلي ركعتين
روضه : اوك يلا باي
هند : باي