أوعدك انطر رجوعك ياملاك أوعدك لأخر حياتي و العمر

27

مرت الساعات بسرعه و محد نش غير هزاع و اليازيه و بعدهم ميهودين مايقدرون ينشون و.دشو اليوم الثاني و الحال شرات ماهو ماتغير  انروح غرفة هزاع
كان يالس و شال هم البنات و نهيان كيف جي استوا و يالس يلوم نفسه  دخل عليه عبود
عبود :سلامات ماتجوف شر
هزاع بدون نفس : الشر ماييك
عبود : شو فيك ياريال ويهك مصفر موليه
هزاع : متخيل ان انا كنت بكون سبب بجتلهم كلهم
عبود : بسم الله منو قال
هزاع : ترا انا كنت اسوق شو فيك
عبود : هد ياريال ترا كانت شي شاحنه لفت عليكم و بعدها استوا الي استوا انت مالك خص لا تلوم عمرك
هزاع و هو مرتاح : انزين شخبارهم
عبود : شخبارهم ولا شخبار ناس
هزاع : كلهم
عبود: و الله اليازيه نشت الحمدالله و نهيان بعده بس حالته استقرت و ظبيه بعد حالتها استقرت و مها شارتهم الحمدالله
هزاع : يعني هم في غيبوبه
عبود : لا بسم الله عليهم هم فاقدين الوعي من قوت الضربه بس
هزاع : يعني في احتمال حد ينش اليوم
عبود : والله مادري ما وصلي خبر
هزاع : اي شي يقولون سيده تعال خبرني تسمع ولا والله بزعل منك
عبود : ههه انزين ياريال شو بلاك
شوي الا اي الدكتور و يخبرهم ان نهيان نش بس لازم يريح
بعد نص ساعه قررت اليده ادش عن حفيدها لانها ماتقدر تستحمل
اليده : هلا امايه هلا
نهيان بتعب : اهلين
اليده : شخبارك وين اتحس انك متويع
نهيان : و الله ما اقدر احرك جسمي احسه متكسر
اليده : عادي يلا شوي و بتقوم جنك حصان
نهيان : وين هزاع شو استوابه
اليده : هزاع الحمدالله نش و هو بخير و متعافي
نهيان : الحمدالله نحن دعمنا منو
اليده : لا فديتك انت ما دعمت حد شي شاحنه لفت عليكم و بعدين سيارتكم وسيارت ظبيه يت فيكم
نهيان : ظبيه اخت عمر
اليده : هي
نهيان و هو خايف : منو كان معاها
اليده : هي و مها و اليازيه
نهيان حس انه منكتم مايقدر يعبر :هي بخير شو فيها نشت ولاء
اليده : منو هاي
نهيان : مها امي شو استوابها
اليده : اتعدت مرحلت الخطر و هي بخير بس بعدها مانشت
نهيان و يحس ان قلبه بيوقف من خوفه عليها : لا حول ولا قوت الا بالله
كانو يالسين برع يتريون اي خبر من الدكتور طلع الدكتور
الكتور : مين بيكون من اهل ظبيه و مها
ثاني وعمر سيده نشو : نحن
الدكتور : اخواتكم في غيبوبه
عمر و هو منصد و بصوت عالي  : لا مستحيل دكتور اتأكد دخيلك دخيلك دكتورر
ثاني و دموعه تنزل بسرع : دكتور انت متأكد ماشي فايده اي شي ايقومهم
الدكتور : لا و الله مافي حاقه و سار
ييت عليا وروضه و سارو عند ثاني و عمر
روضه : شو فيكم شو مستوي
محد يرد،
عليا: عمور رد شو مستوي شووو
غيث : البنات داشين غيبوبه
عليا و هي مب مصدقه : جذاب الحين بيطلعون صح
روضه بصوت عالي و هي اتصيح : عليا ايقولج غيبوبه يعني الله و اعلم متي بينشون عادي اشهر سنوات علياااا شو فيج
عليا وهي مب مستوعبه : لا مستحيل نحن متفقين ان هم بينشون
اليده : لا عيالي مايستوي جي اتسون في عماركم ان شاء لله بينشون
عمر و هو يشاهق من الصياح : امي يقولون انهم في غيبوبه بعني مانعرف متي بينشون امييي
اليده : تعال فديتك تعال لاتصيح انت ريال قوي استحمل عشانها عشان اختك
عمر : امي انتي ماتعرفين نحن فشو مرينه فيه كيف تعبنا عسب انعيش
اليده : اعرف كل شي حبيبي
روضه ماقدرت تستحمل الصدمه سارت و هي اتحاول تكتم صيحتها
عبوده : روضه شو بلاج اتصيحين
روضه : اهههييي ظبيه و مها في غيبوبه اههههههييييي
عبود مصدوم : كيف
روضه و هي تلقط اخر انفاسها: اههه الدكتور وبم اطيح على الارض
عبود : روضه نشي نشي شو فيج
و عبود مايعرف شو يسوي لان هي مب محرم عليه عسب ايشيلها ركض و زقر الدكتوره عسب اتشيلها شلوها ودوها الغرفه و عطوها جرعة مهدء و عبود كان واقف برع و خايف عليه شوي جان تهدا و تنش وطلعت من الغرفه
عبود : شو فيج انتي بخير
روضه : هي بخير
عبود : لازم تتحملين و تتقبلين الوضع ترا هذا ربج كاتبنه و يمكن يكون خير
روضه : الحمدالله على كل حال