أوعدك انطر رجوعك ياملاك أوعدك لأخر حياتي و العمر

18

كانو متيمعين فصاله هزاع نهيان مكتوم وراشد و فاطمه و شما و هند و ريم و كانت الساعه تقريبا هنتين
هزاع : بنات ترا امايه زعلانه منكم انتو شو امسوين
شما : حشي والله مب مسوين شي
نهيان : عيل ليش زعلانه
ريم : ليكون عسب ست الحسن والدلال
هند : شكله
راشد : منو الانسه ميثه
فاطمه : ليكون عسب ما ييت ويانا
نهيان : ليش انتو وين سرتو
فاطمه : سرنا عند ربيعاتنا بيتهم 
مكتوم : ليش ما وديتوها انزين
شما : ترا هي قالت انا مينونه اي وياكم شو تقصد بكلامها ها
هزاع : بنات حاولو اطنشونها لو مب عشانكم عشان امايه بروحها تعبانه من السالفه هاي
نهيان : صح والله راعوها بروحها مسكينه تعبانه وتون اتزيدون عليها عشان سالفه سخيفه جي
شما: ان شاء لله مابنتضارب ويا الاميره ميثه

بعد مرور اشهر علي الاحداث و علي تواصل البنات ويا ربيعاتهم و مع ها كله ماعرف ولا واحد من الشباب ان اخواتهم يستون ربيعاتهم وماننكر ان كل شخص من ابطالنا ما نسى منو كان يحب و قلبه كان ملك شخص

في بيت خالهم الضهر :
اليازيه : بنات ياخي ملل ماشي جدول و الحين خلاص ايجازه خنطلع
مها : بنات القريه مفتوحه خنسيرها والله الكل سار الا نحن
ظبيه : انا م عندي اي مشكله بس لازم حد من الشباب اي ويانا لا تستهبلون تبونا انسير رواحنا
روضه : ومنو قال ان نحن بنسير رواحنا عادي مها اتكلم سهيل وانا بكلم غيث و ظبيه كلمي عمور
مها: و اوك
سارو و كل وحده اتكلم اخوها عسب يسرون وافقو بما ان ويكند ما عندهم شي و اتفقو ان جريب المغرب يطلعون
مها : من الحين نبا انسير بسرعه و انرد متأخر منو ويايه
عليا : صح كلامها كل مره ايردونا من ورقت
روضه : هي نبا انتم لين ما نجوفهمرصكرو الليتات
اليازيه : والله هي عمور يطلعنا من وقت دايما اتقولون شيبا متقاعد ترا ما وراه شي شو بلاه
مها : الصراحه انا عن نفسي لو  عمور قال بنرد بقول حق سهيل انا برد وياك و عادي بنتأخر ما بيقولي شي لان ماوراه شي و الي بتي ويانه كيفها ترا عادي
اليازيه : هي ترا غيث بيتم ويا سهيل فا ايزي ظبيو انتي الي بتتوهقين
ظبيه :لا انا برمسه و بعدين مب جنا وايد رمستو عن  اخوي
روضه : ترا نحن ما قلنا غير الصدق عادي

استوا المغرب اجهزو البنات وضهرو بسيارتهم والشباب بسياره 

انروح عند بيت ابطالنا
راشد : ريمو  يلا الشباب يتريونا شو اتسوين هاكله تلبسين عباه
ريم : اوووه ها ييت شو بلاك انته
راشد : شو ها الي علي برطمج
ريم : بالله انت شو اتجوف
راشد : تبن
ريم : انت ايووو احترم عمرك قلوس مرطب شفايف افف شو هالاخو الي ماينبلع
راشد : اقول بس امشي نبا انحرك متى تبينا نوصل القريبه ان شاء لله
راحو كل ابطالنا القريه وماكانو يدرون ان بيتصادفون وصلو
ظبيه : بنفترق الحين وبعدين بنتيمع عسب انسير نتعشا ويا بعض اوك
الكل اوك ،كانو متقرقين مجموعتين مجموعة الشباب ومجموعة البنات
روضه : بنات انا ابا اسير القربيه الكوريه منو بتي ويايه
عليا : انا
مها : عيل نحن خنسير القريه المصريه ابا حب
ظبيه : اوك انا بي وياج
مها : يزوي مع منو بتسيرين بسرعه رمسي
اليازيه : بسير وياروضه
و كل واحده ساتر دربها
فالقريه الكوريه
شما :اوي بنات مب هاي روضه
هند : هي والله وهذي وياها عليا واليازيه
ريم : شباب دقيقه بنسلم عربيعاتنا
مكتوم : ياليل اليل اتنو شو من بشر
هزاع : منو بي ويايه القربيه المصريه
نهيان : انا
وسارو
عبود: مب جنه هاي اليازيه
مكتوم : اونه وينها
عبود : اوي وينها 
مكتوم :هذيل من وين طلعو ياخي مشتاقلهم مووول ولهان و لا يعرفون البنات حلوه والله اقولك رشود تعال جوف منو. لقينا
راشد : يابوي فج يالس اكاسر وياهذا
مكتوم : هو كيفك يعني لو مابتي بس ترا عليا هني
راشد : اونه وينها ياربي
مكتوم: شو الوضع انا شاري البنت اباها غصبن عن الكل
اما عند هزاع و نهيان سارو القريه المصريه
هزاع: نهيانو زخني عن يغما عليه بسرعه
نهيان : بسم الله شو ياك ياريال
هزاع : ظبيه ظبيه هني زخني بسرعه
نهيان : اونه مها معاها
هزاع : هي 
نهيان : اونه لا مستحيل
وسارو عندهم بس مسوين عمرهم اغبيا
هزاع :وهو خلاص مب مصدق : السلام عليكم يا باشه
الريال : هلا والله يا كبير
نهيان و هو يعلي صوته : هزاعو زخ ها ياريال لعوزتني
مها : ظبيه هصوت مب غريب صح
ظبيه : هي والله
يلفون وينصدمون
ظبيه : هزاع شو اتسوين هني
هزاع : ياين اندوركم اوه قصدي مادري
ظبيه : شخباركم شعلومكم
هزاع : بخير الغاليه انتو شو الاخبار
ظبيه في داخلها : والله اخبارنا مدهوره من بعد فرقاكم
نهيان :مها شخبارج شعلومج ياخي وينج عسب اتضحكيني  هذيل كله ماكلين
مها: هههههه جي مهرج جدامك و انا مادري
نهيان : حشي بس يالس العوزج
شوي الا يرن تلقون مها
مها : اسموحه منك بس برد علي ربيعتي هاي قليلة ادب الوو نعم اميره فطامي 
فاطمه : حبوو جفنا قم روضه فالقريه شو انتو مب معاها وينج ابا اي عندكم
مها : دقايق وبني عندكم
فاطمه : اوك
نهيان : انزين اليوم انا بعزمكم علي العشا
ظبيه :لاوين مايستوي اخوانا هني تبون انموت
مها : هي والله و ترا هم مايعرفون عن السالفه
هزاع : السموحه منكم والله يلا عاد اعذرونا
ظبيه : معذور يلا مع السلامه انجوفكم المره اليايه
هزاع : في حفض الرحمن