Unicode
စိမ်းအနီးနားတွင်ကပ်လျက်ထိုင်နေတဲ့ ထိုမိန်းကလေး၏ ကေသာထက်မှ စံပယ်ပန်းတို့၏မွှေးရနံ့သင်းသင်းလေးက နှာဖျားကိုဆွဲဆောင်ကျီစယ်နေသည်။
ထိုမိန်းကလေးသည်ယခင်နေ့တွေနီးတူပင်ထဘီအစင်းကြားကို ခပ်တိုတိုဝတ်ဆင်ထားသည်။အင်္ကျီတွင်တော့ သနပ်ခါးရောင်ရင်ဖုံးလက်ရှည်ကိုခါးတိုဝတ်ဆင်ထား၏။လည်ကတုံးချုပ်ပုံနှင့် ထိုအင်္ကျီ၏ပုံစံဟာအလွန်ပင်ပုံတုံးလွန်းသည်။သို့ရာတွင် ထိုမိန်းကလေးနှင့်တော့အတော်ပင် ကြည့်ကောင်းကာလိုက်ဖက်နေ၏။
မိမိသာထိုအင်္ကျီချုပ်ပုံမျိုးကိုဝတ်လိုက်လျှင် အလွန်ပင် ကြည့်ရဆိုးနေလိမ့်မည်ဟုထင်သည်။
"စိမ်း "
"ဟမ်...ရှင်"
တစိမ့်စိမ့်လေးလှနေသော ထိုမိန်းကလေး၏ အသွင်သဏ္ဌာန်အား ရေးရေးလေးငေးမိရာမှ ထိုမိန်းကလေး၏ နူးညံ့ပျော့ပျောင်းသော ခေါ်သံတစ်ခုကြောင့် ယောင်ယမ်းကာ အသံပြုလိုက်ရသည်။
"ကျွန်မလာတာ စိမ်းအတွက်အနှောက်အယှက်တော့မဖြစ်စေဘူးမလားရှင့်"
'လှလိုက်တာ'
"စိမ်း..."
"ဪ...အင်း"
သူတစ်ခုခုပြောလိုက်တာကိုသိလိုက်သည်။သို့သော် ဘာပြောလိုက်မှန်းမသိလိုက်ပြန်ပါ။ဒုတိယအကြိမ်အတွေးလွန်မိပြန်သည်။
ဒါကလည်း ထိုမိန်းကလေးကြောင့်ပဲမဟုတ်ပါလား။
သူ ပြောလိုက်တဲ့စကားက ဘာပြောလိုက်မှန်းမသိသဖြင့် ပြီးပြီးရောဟုတွေးကာ ပြောလိုက်မိသည်။
"ဪ...ဟုတ်ကဲ့"
တစ်ချက်တစ်ချက်လေအဝေ့တွင် သနပ်ခါးနံ့လေးကိုပါရပြန်သည်။
သေချာကြည့်မိတော့ သူ့မျက်နှာတွင်သနပ်ခါးမခြောက်သေးပါ။
ညီညီညာညာကွက်ထားသော ပါးကွက်များက လှလိုက်တာ။စိမ်းလည်းတစ်ခါတစ်ရံသနပ်ခါးလိမ်းတတ်သည်။သူ့လိုလှလှပပလေးတော့ မလိမ်းတတ်ခဲ့ပါ။
သူသည်ပြောင်ရှင်းကျော့မော့နေသော
လည်တိုင်၌လည်း သနပ်ခါးများလိမ်းကျံထားသေးသည်။
"ကျွန်မလာတာ တကယ်ပဲ စိမ်းအတွက်
အနှောက်အယှက်ဖြစ်စေတာလား"
YOU ARE READING
တွယ်နှောင်ရစ်ငင်(Completed)
Roman d'amourရစ်ပတ်နှောင်ဖွဲ့နေတဲ့ မေတ္တာကြိုးလေးတွေဟာ ထိုမိန်းကလေးဆီကဖြစ်နေဖို့ပဲလိုပါတယ်။
