جننت بعشقها

P4

🔥جُـــنِنْــــــت بِــعِــشْــقِـهَـــــا🔥

‎‏𝑩𝒚 : 𝑺𝒐𝒖𝒌𝒓𝒂💎𝑯𝒂𝒏𝒖𝒅𝒂
‎‏ఌ 𝑷 : 4 ఌ

ميمونة شافت فييه تا عيات و هي تسكت تنهدات فخاطرها عارفاه لي راسو فراسو و مستحيل تبدل لييه الفكرة لي عندو فدك المخ ، بقا ليها غا حل واحد هي عبير كتحاول تهضر معاها و تهدنها و تطفي هاد العافية لي شاعلة بيناتهم مابغات طفا ، هما بزوج فحال الزيت مع الما مميكنش يتخلطو وهادشي بدا كيزيد يكبر كلما عبير بدات تكبر وتنضج كثر

تأكدات منو خرج عاد رتاح خاطرها رجعات جلسات مع النسا فحالا ماطرا والو ، و عبير طلعات لبيتها لي ولا كيبان لييها حبس دب كثر محيد ليها تلفون بقات كدعي عليييه فخاطرها دعوة مورا دعوة متنكرش بلي مكتحس بتاشي شعور ديال الاخوة من جهتو كتحس غا بالكرة ماكرهاتش تشوفو مي+يت باش تهنا منو فمرة مالقات باش تلهي راسها ناضت حلات كتوبتها كتحفظ اصلا امتحاناتها قربو وهاد العام عندها الباك وخاصها تجمع راسها

ربعات رجليها فوق الناموسية و بدات كتحفظ من مادة لمادة تا حسات براسها عيات جاها الجوع ، خلات ديك روينة فوق الناموسية و هبطات تشوف ماتاكل لقات الصقيل فدار ريتاج فبيتها باها خلاص كينعس مع دجاج غا ضو خفييف ديال التلفازة واضح كانت ميمونة كتفرج فتلفازة بهدوء .. شافت فديك الطنجرة سخناتها بلخف و بدات كتاكل ..

سمعات بااب الدار تحل تملكها خوف فشكل حطات ديك الدغمة من يدها و شربات لما دغيا ناضت كتجمع الطبلة باش طلع لبيتها مابغاتش تلاقا بييه ولا تجي عينها في عينو ،. يله بغات تخرج من الكوزينة تلاقاتو فلبااب حابس عليها الطريق مخليها توتر و تحني راسها ..

ايوب: ( بصيغة الامر ) سخني لييا مناكل .

عبير: ها الطنجرة باقا سخونة
ايوب: ( مركز مع حنكها لي باقا فيه الحمورية ، بحركة حنينة دوز اطراف صباعو على خدها و هو حاس بيها كيفاش كترجف ، بصوت هادئ نطق ) جلسي ..

عبير : ( بتوتر بغات غا تمشي لبيتها ) تابعني حفاظة و غدا انفيق بكري
ايوب: ( طمأنها بهضرتو ) جا جلسي و متخافيش

جالسات اونفاص ليه ، و هي متجنبة تشوف فييه انفوا كتكون قريبة منو كيجيها خوف من نوع اخر ، بقا شحال و هو ساكت غا حاضيها ، جبد تيلي ديالها من جيبو مادو ليها ، شداتو بلخف و هي كتسناه اش غيقول ..
ايوب : ( بحذر ) مانبغيش دكشي يتعاود ، دك الوسخ ديال تيكتوك و الانسطا و الفايس مابقيتش بغيت نشوفو عندك راه نحصل علييك شي بلان ماتلومي غا راسك .

عبير: ( بدون ما تعطي اهمية لهضرتو ) مسحتيهم يك!
ايوب : مسحتهم و باقي نرجع نشوفهم عندك غنمسحك نتي من الحياة متافقين؟
حسات بلحگرة ناضت بكل هدوء و هي حابسة دموعها طلعات لبيتها بلخف تلاحت على كتوبتها كتبكي و تقول مابكات كتقول مع راسها لامتا غيبقا لوضع فحال هاكة ، ولا لاصق فييها فحال شي شوكة مقادة لا تحيديها ولا تخليها حيت فكلا الحالتين غادي تضرها تاهو عاق براسو بلي كتر عليها جاية ل ربع سنيين و هو مشيها على هواه مابقاش مخلي ليها فين تنفس ولكن ماشي لخاطرو..
ماكرهش يسد عليها فشي صندوق مايشوفها حد ماتلاقا بحد هو غيير تفكيرو و تخيلاتو قربو يسطيوه كيفاش غيقدر يشوف عليها شي حاجة حقيقة متاكد بليي غيذ+بحها و يدوز حياتو كلها حبس و مغاديش تبردلييه براكة غا العداب لي ولا عايش فييه و هو قرييب منها ونفس الوقت بعيد عليها..
فصباح كانو كيفطرو البنات مع مهم حتى وسمعو دقان :" نوض ابنتي عبير فتاح الباب "