🔥جُـــنِنْــــــت بِــعِــشْــقِـهَـــــا🔥
𝑩𝒚 : 𝑺𝒐𝒖𝒌𝒓𝒂💎𝑯𝒂𝒏𝒖𝒅𝒂
ఌ 𝑷 :
هبط عينو بان ليه سروالو بدا كيعراض من جهة حجرو وهو يوقف مبعد منها،، هادشي علاش كان خاصص ديما يخلي مسافة بينااهم حيت كان كيعشقها فكل مرة كيشوفها فيها...
حل عليها باب وخلاه محلول وخرج... هي مفاقت تا العشية ورا العصر مدوخة شافت باب محلول وخرجات تجري، عينيها منفوخين بالبكاء... لقات باها ومها على كاسكروط باست باها فوق يدو وتا مها :" مال عينك منفوخين ا عبير ؟"
ميمونة بنفاذ صبر :" مع ايوب عاوتاني "
سلام :" واش هاد لولد مباغيش يعطي للبنت بتيساع؟ راني باقي عايش انا غنربي بنتي "
عبير غرغرو عويناتها ، ونطقات ميمونة:" سولها هي بعدا اش دارت... كون كنتي تظيها فيها كون كاعما خشا راسو عوض ميجلس يربي ولادو جالس يربي لك ولادك "
عبير :" با تشهيت نمشي للبحر"
سلام :" هاهوا ايوب خوك ياخدك "
ميمونة :" هاحنا مزال كنعاودو عليه..."
ريتاج :" مقلتيهاش ليا مشيت ليه غا ول بارح انا ولبنات "
عبير :" عافاك ديريينييي "
كتطلب وترغب فيها، وهاهوا ايوب دخل :" ايوب دي خواتاتك للبحر "
ريتاج بنفي :" لالااا نمشي مع هاد لمعقد مكيخليني تا نسرح رجلي فرملة "
سلام :" دي عبير تفوج شوية "
شاف فيها :" غذا نمشيو "
عبير بلعات ريقها :" لا صافي، نت ا خويا "
كانت كتورك على داك خويا :" مشغول خليها مرة اخرى "
سلام :" سيري فوجي راك تغبنتي ابنتي "
ميمونة :" تا نديوها انا وياه غتمشي غا تخنقو تم واش لولد غينشي يتبحر ولا يقابل عبير "
ايوب :" غذا غنمشيو ان شاء الله "
الليلو كلها وعبير كتفكر غير فالغذ ليه شنو غدير فيه، علاقتها مع ايوب مكهربة و الكبير من ذلك ممل و باسل فالبحر هي عارفة بلي غيمشي غا يسجنها اللهم تسجن فبيتها خير ليها...
وفعلا صباح فاقو معطلين وفطرو ونزلو للبحر بعيد شوية على فين ساكنين بحر نقي وزوين... كراو باراصون كبير على شكل عشة مسدودة من واحد جهة باش لابغات تتكا ولا تنعس تتسرح ميبقاش عبد ربي يشوف فيها... وفنفس لوقت فيهم كراسا مريحين مجبدين فين يتكاو وكبيلة صغيرة بلاصة انيقة وزوينة هو مكسل حاضيها قدامو برا العشة كتخشي رجليها فرملة وكتسخن بشمس وكدير فكريم سولاي و كتشوف فيه :" غير كريم شمس باش منتحرقش هذا ماشي مكياج "
كتبرر ليه من كترة رعب لي داير فيها على مكياج...
عبير جات قدامو وهو مغمض عينيه هازة شاكوشها صغير فيه حوايج عومان :" بغيت نعوم !!"
أنت تقرأ
جننت بعشقها
Romanceماذا لو كان #عشقها_جائزا؟ كانت منشودة قلبه، معشوقة فؤاده لكنها لم تكن محللة له يحترق بنار الهوى قربها، مجنون هو بعشقها، قريبة منه بعيدة يراها ولا يستطيع البوح لها... يريدها لكنها محظورة عليه ⛔ 🥀#جننت_بعشقهــا🥀 By : ElYaakoubi Ikrame & Hind Elka...
