🔥جُـــنِنْــــــت بِــعِــشْــقِـهَـــــا🔥
𝑩𝒚 : 𝑺𝒐𝒖𝒌𝒓𝒂💎𝑯𝒂𝒏𝒖𝒅𝒂
ఌ 𝑷 : ఌ
وهو لبس غير سروالو وبقا عريان من لفوق، ركبها وراه ومشاو لسونطر فيل خداو للعشا للدار كاملينن... خدالهم الشوا بالبقري و بيبي و شلايض ومشروبات والخبز الكامل... ومع عريان من صدرو منيمنا داز العين عليه و البرد كيطير فوق الموطور وهو عريان من الفوق..فمو زراق بالبرد..
وصلو للدار ودخلو لقاوهم مجموعين فالمراح ديال الدار، ميمونة كانت متكية غير شافت ولدها داخل بداك الفصالة وتابعاه عبير لابسة حوايجو ناضت قافزة :" اش هاد الحالة ؟"
عبير :" سردو حوايجي و خويا اعطاني ديالو "
ايوب تحاوز كلامها :" السلام عليكم "
سلام :" وعليكم السلام ا ڤاندام "(حيت صدرو عريان وبادرو باينين "
جلس و بدات ميمونة تغطيه حيت كان جامد بالبرد :" الله ياوليدي الله اش هاد لحالة داير فراسك غتجبد فيك شي مرض ديال الرية "
بدات تحس عبير بالذنب :" ونتي سيري بدلي عليك "
ريتاج عينيها غير فالعشا مشات طارت تبدا تسخن فيه... و ايوب تحرك يدوش ويلبس.. بقات غير هي وراجلها كتكوي وتبخ راسها :" واش شفتي على ضحكة؟"
سلام :" ميمونة ياك لاباس تاني اش كاين ؟ لولد اعطا لختو حوايجو تا انا باها كون كنت غنلبسها ونبقا فالبرد هادو هما لخوت !"
ميمونة كتحرك فراسها بلا :" سلام، لااا ا راجلي وسمح ليا... هادشي بزاف مكنشوفش الخاوة بيناتهم "
حطات يدها فوق صدرها كتدوي وكلها شك :" هاداك ولدي وانا عارفاااه، مكنقراش فعينيه الخاوة، مكيشوفش فيها كيف كيشوف ريتاج "
سلام تنهد بضيف نفس :" طبختينيي بهاد الموضوع، ولا هو كلامنا كامل... الولد مقايس البنت فوالو خوها الكبير وعادي يعاونها ويتدخل فيهاا ، وشنو بغيتينا نديرو هاا ؟ ياك نتي لي بغيتيها نهار لول؟ "
ميمونة :" هي راه فحال بنتي..."
قاطعها :" باينة حيت غير منوية فيهااا، مبغيتيش تسالي من هادشييي ديالك من نهار درية بدات تكبر ونتي معقداها ومعقدانا... متخليها معاه ديما مزيداها قدامك فكل عرس وسبوع وعراضة، متخليهاش مسكينة بخاطرها فدار متجلسش تا فالمراح لما كناش ديما مسبقاها ليناا... حتى من بيوت نعاس ديالهم هي وريتاج كان غيكون تحت طلعتيهم كلهم حداك غا على ودهاا واش خايفة منهاا ؟"
ميمونة حنات راسها :" انا خايفة عليها... خايفة عليها من ولدي "
سلام :" نتي لي كضريها دابا ماشي ولدك "
وناض وخلاها بوحدها.. قلقاتو :" تا هاد لعشا تعشايه راسك"
وطلع وخلاها... تنهدات بقوة وحنات راسها :" مبغيتش ليها المحاين، راس المحاين... باراكة غير مها كانت حاشية مبغيتهاش تطلع فحالها "
أنت تقرأ
جننت بعشقها
Romanceماذا لو كان #عشقها_جائزا؟ كانت منشودة قلبه، معشوقة فؤاده لكنها لم تكن محللة له يحترق بنار الهوى قربها، مجنون هو بعشقها، قريبة منه بعيدة يراها ولا يستطيع البوح لها... يريدها لكنها محظورة عليه ⛔ 🥀#جننت_بعشقهــا🥀 By : ElYaakoubi Ikrame & Hind Elka...
