🔥جُـــنِنْــــــت بِــعِــشْــقِـهَـــــا🔥
𝑩𝒚 : 𝑺𝒐𝒖𝒌𝒓𝒂💎𝑯𝒂𝒏𝒖𝒅𝒂
ఌ 𝑷 : 3 ఌ
التحت كانو مجمعين ميمونة غاطسة وجهها مع النسا كتنمم تا كلشي سمع الغوات وحدة كتشوف فلوخرا مافهمو والو ، ميمونة عرفات غيكون غير هو ، ناضت بزربة محمرة ف ريتاج باش تلاها مع الناس و ترطب الجو هي ناضت تغطي على اش واقع .. طلعات كتزرب فخطواتنا فالدروج و هي كدعي لربي ما يكونش هرسها من شي ضلع تلاقاتو خارج من بيتها بكل هدوء فحالا ما طرا والو ..
تخطاها ما مخليهاش تسولو بتاتا ، دخل للبيت ساد عليه و هي كملات طريقها داخلة عند عبير لقاتها فديك الحالة منين شافت حنكها شهقات بصدمة . جلسات حداها خاشياها فصدرها معنقاها مخلياها كتبكي فراحتها و هي كتنهد و تصبر فيها و تلوم...
ميمونة: كتمو +وتي على الضد شحال من مرة كنقولييك فرقييه عليييك بعدي من جيهتو مكتسمعييش
عبير : ( بكاها معنكشها ما مخليهاش تبرر كيف بغات ) والله مادرت شي حاجة كنقسم ليك فمي بالله مادرت شي حاجة غا مجمعة مع صحاباتي فانسطاكرام
ميمونة كتقيس فحنكها مخسرة ملامحها و بقات فيها: انا مكنفهمش فهدشي ولكن مغيجيش يجمعها معك بلا مايشوف شي حاجة معصباه الله يرضي عليك ابنيتي ما بعدي منو و تاقاي شرو
عبير: ( بعدات منها و هي كتمسح فدموعها ) بسيف ماتجي معه كيبقا ولد غا انا لي برانية فهاد الدار
ميمونة: متبقايش تقولي هاد الهضرة نتي راك بنتي مكين تا شي فرق بينك و بين ايوب و ريتاج كلكم عزازييين و غالييين عندي
عبير: ( ضحكات باستهزاء وسط دموعها ) اه باينة بلي عزييزة و فحال فحال عندك ماتبقايش تضحكي عليا و على رااااسك
ميمونة : والله ابنتي و ربي شاهد عليا كون ولدتك من كرشي مكنتش نخاف عليك هاكا، بحالك بحال خوتك خوك ايوب حاولي غا تفهميييه راه كيخاف علييك نتي باقا صغيرة و الدرب راكي عارفاه شحال خايب مابغاش يسمع عليك شي هضرة ولا شي واحد يضحك و يتفلا عليييك
عبير : علاش هو خلا ليهم شي وقت! موصلني مرجعني مكنخرج ما كندرج ( غوتات باعلى صوتها ) وابغيييييييييت نتنففففففففس اعباد الله حرام عليكم هدشي والله تا حرام
ناضت عندها كتحاول تهدنها و تسكتها مافيها مايسمع شي صداع تاني و الدار دب عامرة مابغات تحاشم مع الناس .. خرجاتها من لبيت بزز داتها لكوزينة جبدات ميكة متلجة كان فييها لحم حطاتهالها على خدها كتماصي ليها غا بشوية ،..
هو بقا مسرح فناموسيتو كأن شيئا لم يكن كيشوف ف تيليفونها و يقلبو و لا بصريح العبارة كيتفرج فتصاورها كيشوف كيمية الانوثة لي فيها واخا باقا صغيرة محمقاه ، داز على تصاورها كاملييين مصيفطهم عندو عاد رجع كيقلب حاجة ب حاجة تا من الحوايج لي ديجا ممسوحين رجع قلب فيهم
مالقا تا حاجة ماشي هي هاديك اغلب مساجاتها مع صحاباتها كيهضرو على السفر و الماكياج و دكشي دالبنات و تا دراري لي لقا عندها غا من المساجات باينة جامعاهم قراية و مع دلك مسحهم و بلوكاهم من عندها زول ليها كاع لي غيزو صوصيو مخلي ليها غا الواتساب و دار بصمتو تاهو فتلفونها..
دخل لدوش ، السيد مدوش على خاطرو فحالا ماطرات تاشي حاجة خرج لبس كيطمة كحلة و ساعتو فيدو و زاد مع الدروج لقاها فوجهو جالسة و ميمونة حداها كتماصي ليييها .. خطف شوفة صغيرة فيها و حيد عينيه دغيا
ميمونة: ( مخنزة فيه ) مابغيتيش تفرق عليك هاد البنت
ايوب: المييمة خلييك بعييدة بيني و بينها
ميمونة: عطي للبنت التيساع ماتبقاش تحط فيييها يديييك و باك لي من حقو و ماعمرو حط فيييها يدو
ايوب: ( شاف ناحيتها هي قاصد يسمعها الهضرة) نهار نشوفها داخلة سوق راسها مغنقيسهاش
ميمونة: انا علمتك عطييي لهاد البنت التيساع شي حاجة معجباتكش جييي قولها ليا انا ولا سير عند باك
ايوب: ( باقي عينيييه عليها هي ) كيفما من حقكم تاهي من حقي !
أنت تقرأ
جننت بعشقها
Romanceماذا لو كان #عشقها_جائزا؟ كانت منشودة قلبه، معشوقة فؤاده لكنها لم تكن محللة له يحترق بنار الهوى قربها، مجنون هو بعشقها، قريبة منه بعيدة يراها ولا يستطيع البوح لها... يريدها لكنها محظورة عليه ⛔ 🥀#جننت_بعشقهــا🥀 By : ElYaakoubi Ikrame & Hind Elka...
