جننت بعشقها

P11

‎🔥جُـــنِنْــــــت بِــعِــشْــقِـهَـــــا🔥

‎‏‎‏𝑩𝒚 : 𝑺𝒐𝒖𝒌𝒓𝒂💎𝑯𝒂𝒏𝒖𝒅𝒂
‎‏‎‏ఌ تتمة  ఌ

كان الجو الزوين كلشي فاق صباح بكري كيخمم تا الماكلة مابقاتش كدوز ليهم ، سلام خرج كيقلب على فقييه يجي يرقييها و ميمونة غا ساكتة و كتفكر فهدشي لي صاري لبنتها وشكون لي سحر ليها  وريتاج كتلبس فلبوط باش تخرج تمشي لليسي ، ايوب باقي فبيتو متعايش مع راسو بدك تأنيب الضمير ، عبير باقا فحالتها كتفيق ومكتنوض مكتاكل ما كتكلم ..

خرجات ريتاج من الدار قاصدة ليسي فين كتقرا ريتاج دخلات ديريكت للادارة هضرات مع الحارس لعام و شرحات ليه الوضع تاهو تفهم و بقات فيه عبير بحكم عارف ديك لبنت شحال نية و داخلة سوق راسها و قراية سلوكها كيشهد ليها بهدشي ، بقات فييه وعطاها الاذن باش تقدر تدخل عند الاستاذ و تطلب منو الاذن بعد ما خداتو من الحارس لعام باش تقد تقنعهم يمشيو معاها لدار يشوفو عبير..

مشا معاها للقسم دخلات و دموع باقيين فعينيها هضرات مع الاستاذ لول لي تاهو رحب بلفكرة و بقات فيه و تاهو بغا يمشي معاهم هضرات مع تلامذ كلشي باغي يمشي يشوفوها خصوصا صحابتها فالصف كلهم بقات فيهم عطات ليهم العنوان و زادت فحالها ..

ميمونة كانت كتوجد لغدا من بعد ما علماتها ريتاج بلي غجيو بلاتي ، حسباتها صدق لعلى و عسى هدشي يرجع بشي نفع بغات حاضية دك كسكسو و مرة مرة كطل على عبير غا من لبااب ..

دازت مدة من الزمن سمعات تقرقيب فلبااب كان سلام داخل و معه لفقيه حدها قالت سلام و مشات لكوزينة مخرجات سلام طلعو لبيت عبير ديريكت ،، لمحات باها داخل و معاها دك لفقيه قلبها كيضرب بجهد كمشات ليزار فيدها و تملكها خوف رهيييب و شوفاتها فيهم واحد لخوف فشكل قبل ما يقرب ليها بدات كتغوت لربي لي خلقها مافهمو والو بقات كتبكييييي لربي لي خلقها و صوتها كاسر دنيا جاتها حاالة هيستيرية..

عبير: ( كترجا فباها ) ع٠فاااااااك عفاااااااك اباب ماتخليهش يقرب ليييييييييا عفاااااااااك ابابا عفاااااك..

قطعات ليه فقلبو شدها عندو خاشيها فصدرو معنقها بجهد و طالب من لفقيه يخرج دغيا بقات كتبكيلو فصدو غا مكتزيد تحرقو عليها ..

سلام: صافي ابنتي هاهو مشا صافييي هاهو خرج غا سكتي ابنتي دموعك غاليين عندي الله ياخد الحق فلي كان سباااب بنتي كانت كيشي ورييييدة،

سكتها بزز ساعة و هو معاها مطبطب على ضهرها ، حسات تا حس بيها ترخات عاد نزل لتحت طالب سماحة من لفقيه و جلس هو وياه راس فراس كيهضرو على حاالة عبير فوسط هاد النقاش سمعو تقرقيب كان قسمها وصل دخلهم لصالون مرحب بيهم كاملييين . جات ميمونة تاهي كترحب بيهم و تسول فييهم و كلهم جاوبوها بادب و كيسولوها بدورهم على  عبير نوضاتهم و طلعاتهم عندها للبيييت ..