جننت بعشقها

P19

‎‏‎🔥جُـــنِنْــــــت بِــعِــشْــقِـهَـــــا🔥

‎‏‎‏‎‏𝑩𝒚 : 𝑺𝒐𝒖𝒌𝒓𝒂💎𝑯𝒂𝒏𝒖𝒅𝒂
‎‏‎‏‎‏ఌ 𝑷 : 30 ఌ

كتقول مع راسها هادي غا شي تمثيلية ولا شي بلان منو ، البنات حداها كيضحكو و يزيدو فيها باش تنوض ، و هي فحال شي صنم ، رسم ابتسامة خفيفة على شفايفو قبل ما يضربها ضربة خفيفة لراسها باش تنوض ، و هي فحال شي جماد كتسنا غا تستوعب و توگض..

اميمة: وهياااا و تينووووضي اش كتسنااااي ولا نديرو بناقص ..

اسماء: و دكشي لي بانليا سيدة مباغا تمشي احنا محمقين راسنا

عبير: ( عاط طلعات معاها ) اويلي لا لا انمشيييي هاني هاني نايضة تسنااو غا ندوش ( تلفات ولات كتحرك و تدوي بزربة) هانتي اميمة الماريو حداك هزي لييا شي 2 لبسات اااه و هزي معاك الكسوة ديالي الزرقة

اميمة: صافي غا سيري نتي كوني هاااااانـية اتلقاي كلشي مجموع

ايوب خرج مخلي البنات بوحدهم و هي دخلات لدوش بقوه الفرحة دوشات بما بارد و هي غطييير من بلاصتها قلبها كيضرب فلمية متنكرش بلي صدمها بهاد الحركة بعد مكان مورالها هابط فرمشة عييين طلع ليها المورال بحاجة بسيطة ، ولات غا كدندن و تغني فالدوش

خرجات ملوية عليها فوطة لبسات توني دنايك ف لبيض مع صبادري و صايبات شعرها جامعاه كوتشوفال عارفة بلي ممنوع عليها الميكاب دارت غا عكر فلغوز خفييف بللات شنايفها باش مايبانش اللون مجهد و يصدق محيدو ليها و مجلسها فدار ..رشات من ريحتها و مي مغمضة عويناتها و اميمة حداها كتجمع ليها فلحوايج و اسماء معاوناها ..

اميمة: هزيت كلشي بقا غا لبلاك و دكشي ديال الدوش ..

عبير: هانتي انا غنهبط لتحت نشوف لميمة نسلم ونتي دخلي لدوش اتلقاي كلشي تماا

هبطات لتحت فالدروج كتنقز راشقة ليها دخلات على ميمونة كانت فصالون كتفرج باستها على غير عادتها كانت عبير ديال شحال هادي كلها حيوية و هدشي باين من عويناتها كيبرييو ..

ميمونة: بنيتي فرحانة و مقادها فرحة الله يدومها عليك ابنيتيي

عبير: علاش لي منفرحش غنساااافر والله تا فرحانة

ميمونة: ( دغيا جمعات ضحكتها و قلبات ملامحها لملامح جدية) فيين غادة ؟ لا لا نتي بغيتيي خوك ينوض العافية فهاد الدار

عبير: لا مسافرة معاه المييمة

ميمونة: ( دارت ليها ترااان فعقلها ) كيفاش غتسافري معاه؟ و علاش؟ و قرايتك؟ و باك عارف؟

عبير: و غادة مع ايوب و تا صحاباتي غاديين معانا، حيت مخلانيش نمشي لرحلة يمكن جاه تأنيب الضمير

ميمونة: كل واحد كيدير لي بغا فهاد الدار و انا اخر من يعلم

عبير : ( تأفأفات ) عفاك بلا ما تنكديها علييييا غنمشي غانبدل الجو و راجعة ديريكت نحل عينيييا على الوطنيي حسو بيييا هالعار

ناضت راجعة للبيت و هي ندمات اصلا لي هبطات عندها مابغاتش شي حد يخسر ليها فرحتها ، هزات ديك لباليييزة لي كانو فيها حوايجها و هبطو لتحت هي و لبنات  ميمونة غا مخنزة فييهم محاملاش الستون و عبير محاملاش دوك النضرات ديالها..

ميمونة بدات تضور عينيها وسط راسها... و مشات ديريكت لبيت ايوب لقاتو جابد واحد رزمة ديال الفلوس و كيحسب فيهم :" ايوب ولدي منين خرجات هاد التصافيرة ؟"

ايوب كيحسب فلفلوس و وذنو معاها :" منخرجش ختي ؟"

ميمونة :" وعلى غفلة و مخديتي معاك تا اريج؟"

ايوب:" جات على غفلة "

ميمونة :" وا رد البال لختك وبقا تجاوب فتيليفون متخليوش بالي مشوش عليكم "

وخرجات كتاكل ريتها، ويدها فوق صدرها كتحس بالزمطة من هاد المشية لي غاديينها واخا معاهم صحاباتها...
هبطات عبير فيديها صويك وفظهرها صاكادو ديالها لي فيه لوازمها... و البنات معاها فرحانين وناشطين عارفين بلي ايوب غير لاجا باب ليسي كيضور معاهم مزيان حساك دابا لا خرجهم غيتفججو مزيان وسخي و يدو مطلوقة ماشي مكنززة... خرجو ومشاو خداو البوراق هو جالس وراهم مبعد منهم شوية نخلي ليها مساحة فين تدوي مع البنات ويضحكو بيناتهم، عندهم امورهم لي ميقدروش يهضرو فيها غير بيناتهم وصلو ولقاو واحد صاحبو كيتسناهم مد ليه سوارت طوموبيل لي كرا فالمدينة باش يتحركو بخاطرهم و البنات طلعو وحطو شويكشاتهم صغار وهي ركبات حداه و الابتسامة مفارقاتش شفايفها..

اول حاجة داروها ديبلاصاو لواحد لقهيوة وريسكو فنفس وقت جلسو فلاطيرااس كل وحدة فلبنات شنو خدات كانت وقيتة فطور خداو العواصر باناشيي و حليوات باتيسري و كريب بشكلات و فطور بلدي حتى هو... و ايوب جابو ليه اتاي بالشيبة قاصح كيفما كيعجبو مطولش معاهم كان كيتحرك جهة لحمامات و كيدوي فتيليفون فكل مرة باش يخلي ليهم مجال فين يدويو مع بعضياتهم وهما كيضحكو بجهد... حدو قرب منها واحد لوقت و همس فوذنيها :" نقصي شوية "

هزات عينيها فيه وجمعات ضحكة فهمات بلي ضحكتها طانت عاليا ولا زادت شوية غيقلب عليها هاد تسافيرة بلعات ريقها وابتاسمات ليه بشوية كتخفي حقيقة مشاعرها... لي كتكبح ديال القلق

اميمة :" سعداتك ياختي بايوب "

تنهدات :" كون غير يشوف فياا "

عبير شافت فيها :" اش غيشوف فيك تا نتي هذاك را لا احساس ولا ضمير "
اميمة :" نكارت الخير نتي هادشي كلو دارو لك وباقي تقولي عليه عديم احساس "

نطقات صاحبتها :" انا بعدا خويااا كيعطيني غا الحزاقات عينيا كيصبحو منفوخين والله لا خرجنيي لي شافو غيقول صاحبك ماشي خوك "

عبير بلعات ريقها :" يمكن حيت كبير عليا بزاف "

اميمة تلفتات كتشوف جهتو :" مكينزلش عينو منك "

عبير بضيق بدات تتحرك :" حاضيناا باش يشوف شي غلطة يطير عليا "

اميمة :" بغيتي صراحة ؟"

عبير :" شمن صراحة "

اميمة :" حنا عارفين..."

وشافت فصحبتهم لاخرة :" بلي ايوب ماشي خوك "
عبير كتنكر :" لا خويا "

اميمة :" زعما ماشي شقيق ؟ وماشي خوك برضاعة "

عبير بعنااد:" ولكن خويا !!"

اميمة :" بااش خوووك اناريي ؟؟ راه فحالو فحال هاد خلق الله لي حداك "

لي عندهاا شي صحبتها كتقرا طاغيهاا واجييو نقرااو 🚫🚫🚫❌