🔥جُـــنِنْــــــت بِــعِــشْــقِـهَـــــا🔥
𝑩𝒚 : 𝑺𝒐𝒖𝒌𝒓𝒂💎𝑯𝒂𝒏𝒖𝒅𝒂
ఌ 𝑷 : ఌ
هي معارفاش بلي الجن العاشق كان هو ايوب نفسو...
عبير شادة فيدو، ولكن شاداه بيدها كاملة من صبعو صغير :" واش نقدر نبقا معاك هاد الليلة، "
كتبكي غتمو +ت بالخلعة :" منقدرش نبقا بوحدي"
ايوب مكان فاهم والو، وعارف بلي عبير كتخاف بزاف ولكن شحال هذا ماجات عندو هاكا ولا تقربات منو بارادتها... حرك ليها راسو باه وفتح ليها باب البيت... دخلات و جلست فوق السرير مد ليها كاس ديال الماء و بدا كيدوز يدو فوق ظهرها كيفما كان كيدير تماما وهما صغار وهي كتكالما شوية شوية و مبقاوش يديها كيترعدو :" نعسي فوق ناموسية غنعس فوق الكنابي "
عبير :" لا لا انا ننعس فوق الكنابي"
مجاوبهاش ومشا جلس فوق الكنابي حيت صغير وغير بلاصة وحدة ناعس جالس وهي قبالتو مغطية وهو مغمض عينو ولكن مقدراتش تنعس من ورا ماقرات ديك القصة كيجيو ليها تهيئات و خيالات كتحس بشي ظل كينقز عليها من فوق السرير وهي مكمشة ومغمضة عويناتها خايفة قربات تبول فسروالها ناضت بشوية وقفات عند راسو و حركاتو بشوية من كتفو بطريفات صبيعاتها، حل عين وباقي ساد الثانية :" ايوب، تقدر تبقا حدايا فوق ناموسية ؟"
بترجي :" عافاك، راني خايفة بزاف "
وقف تابعها هي تخشات لداخل جهة الحيط وهو تخشا حداها رجل فوق سرير ورجل مسرحها فالارض و هي ناعسة كتشوف جهة لاخرة ومخلية مسافة بينااتهم مدازتش حتى زوج دقايق هاهيا قفزاات و اختازلات مسافة لي عيا ما يختاصر فيها بدون فائدة و تخشات فحضنو مغمضة عويناتها وشادة بيدياتها بزوج فتيشورت ديالو :" شي واحد كيشوف فيا "
ايوب دوز يدو فوق خدها :" غير انا لي كنشوف فيك "
خرجات راسها من حضنو بشوية وعلات عويناتها تا تزادحو مع عينيه لي كانو مقابلينها ومفيكسيين عليها... ورجعات تكات هاد لمرة حاطة راسها فوق دراعو.. وغفات فمرة.. غمضات عويناتها ومشات... حيت دفات وحسات بالامان ملي بدا كيلعب ليها فشعرها بيديه تانعسات و نعس تاهوا وهي معنقاه
مكانتش قادرة تنسا نهار قرب ليها، واخا حاولات تقنع راسها بلي غلطة ويمكن حيت البلية لي بداتو وخرجاتو على طوعو حيت كلشي فدار رجع كيشم فيه ريحة الغارو و سيفة القطعة لي ولات تجيه... كتمات السر فقلبها و مرضها حيت كان الحمل كبر منها و مرتاحت تا باحت بيه لصاحبتها لي تاهيا قالت ليها غلطة ودازت... و دابا رجعات طمئنات وتأكدات انه مكانش على طبيعتو هاهيا دابا ناعسة حداه بكل انوثتها و بلباس الدار بيجامة عادية و لكن مقربش و مآذاهاش وكان فيه لي يشدها فداك البيت وتا واحد مغيسيق ليها الخباار..
صبح الصباح و عبير فاقت هي لولا لقات ايوب ناعس فنفس الوضعية خرجات كتسلت من حداه وغطاتو... و مشات تغسل وجهها وتبدل وهبطات تفطر وهي دايرة كشكول على عنقها.. باش تخبي هادوك طبايع
أنت تقرأ
جننت بعشقها
Romanceماذا لو كان #عشقها_جائزا؟ كانت منشودة قلبه، معشوقة فؤاده لكنها لم تكن محللة له يحترق بنار الهوى قربها، مجنون هو بعشقها، قريبة منه بعيدة يراها ولا يستطيع البوح لها... يريدها لكنها محظورة عليه ⛔ 🥀#جننت_بعشقهــا🥀 By : ElYaakoubi Ikrame & Hind Elka...
