🔥جُـــنِنْــــــت بِــعِــشْــقِـهَـــــا🔥
𝑩𝒚 : 𝑺𝒐𝒖𝒌𝒓𝒂💎𝑯𝒂𝒏𝒖𝒅𝒂
ఌ 𝑷 : ఌ
جالس مقابل مع البحر لبلاصة لي جلس فيها مع عبير اخر مرة مدور بيه الݣارو ماكيحيدوش من يدووو كينتر نترة مور نترة
حس باشوية لحريق في يديه كان الݣارو طفا ليه في صباعووو رماه و عاود شعل واحد اخر ساهي بتفكيروو افكار كتديه وأفكار كتيجبو عزل راسو على كولشي باغي غير يستوعب هادشي لي هو فيه مازال حتى حاجة ماغادي تطفي النار لي شاعلة فيه بها كتحرق فيه شوية شوية... غادي يحماق راسو غيتشتت بالافكار و الكارو بحال دوليبران كيكالمي ولكن لمدة قليلة غير كيخرج غضبو فصحتو كينتا+ قم من راسو بهاد الطريقة...
دوز هاد لوقت كلها في البحر في نفس البلاصة لي كانو جالسين فيها بجوج لا ماكلة لا شراب من غير الݣارو لي مافرقوهش مابقا كيحس بحتى حاجة باغي غير ينسا و يبعد حتى من الخدمة مابقاش مشا ليها و لا سول حتى كيف دايرة لامور تما من داك نهار الشؤوم و هو في هاد البلاصة بوحدو لي كيدوز من حداه كيبقا يشوف فيه كيبان بحال شي واحد هبيل ولا شمكار
ميمونة ماخللات تا ولد مسولاتو عليه ، حتى من عبظ المولى معندو عليه تا خباار طافي تيليفووون و مكيحلوش مكيجاوب حد...
دازت سيمانة اخرى طايرة ايوب من داك نهار ما عاود حط رجلو في الدار عيات ميمونة ماطلب و تبكي عليه يرجع والو لي فراسو في راسو... ومعرفاتو واش حي ولل مي+ ت.. عبير شوية بدات كتآقلم مع الوضع ولات كتهبط تجلس معاهم شوية و تعاود طلع تساد عليها في لبيت حتى لقراية مبقاتش كتمشي ليها
من بعد ما تغداو و سالاو كانو جالسين غي بوجوج بيهم ريتاج مشات لخدمتها و سلام دخل لبيت يتكا شوية....
ميمونة كتشوف فيها :" مال وجهك صفر "
عبير :" غير عيانة شوية "
ميمونة :" ياكما العادة الشهرية نوض ندير ليك شوية د زعتر
عبير :" لا لا مازال جاتني غير العيا د القراية "
ميمونة بشك: العادة الشهرية ماشي تعطلات عليك لا موالفة هاد الوقيتة كاتكون مشات منك "
عبير بلعات ريقها:" ل لا يمكن تبدل ليها الوقت و صافي "
ميمونة :" واخة نمشي نتكا شوية "
يالاه بغات تنوض حتى كتشوف عبير ناضت كتجري لحمام شادة على فمهما حابسة الردة...تبعاتها لحمام لقاتها كتقية غاتموت شوية و تلوح مصارنهاا.... قربات حداها جامعة ليها شعرها و كتطبطب ليها على ضهرها حتى سالات غسلات ليها وجهها و داتها لصالون جلساتها كتلهت...
جلسات حداها :" شوية دابا "
عبير غمضات عينيها كترجع نفس فيها :" شوية شوية "
أنت تقرأ
جننت بعشقها
Romanceماذا لو كان #عشقها_جائزا؟ كانت منشودة قلبه، معشوقة فؤاده لكنها لم تكن محللة له يحترق بنار الهوى قربها، مجنون هو بعشقها، قريبة منه بعيدة يراها ولا يستطيع البوح لها... يريدها لكنها محظورة عليه ⛔ 🥀#جننت_بعشقهــا🥀 By : ElYaakoubi Ikrame & Hind Elka...
