🔥جُـــنِنْــــــت بِــعِــشْــقِـهَـــــا🔥
𝑩𝒚 : 𝑺𝒐𝒖𝒌𝒓𝒂💎𝑯𝒂𝒏𝒖𝒅𝒂
ఌ 𝑷 : ఌ
شافت لخيال وقفزات ملفتة وحطات يديها فوق قلبها حيت تخلعات منو... :" ايوب لاباس ؟"
حرك راسو باه ودخل تابع ريحة خدا منها عاشق الخشب و فتح على صوبة باغي يدوق منها وهي مزال فوق البوطة حيت شهاتو ريحة :" عجباتك ؟"
حرك راسو باه وهي تاخد منو لمعلقة :" انا دابا نحط ليك تاكل باش تاخد دواا "
و بقا كيعاونها و خدا منها الصينية :" ونتي مغتاكليش ؟"
حركات راسها بلا ورجع حط الصينية :" غتاكلي معايا "
وجبد زلافة اخرى حط ليها، و حط ليها من لدجاج تاهيا و خدا الصنية لبيتو ماشي للمراح و تبعاتو جلسو بزوج فطبلة لي كاينة فلبيت طبيلة صغيرة، وبدات تاكل معاه فسكات...
كسرات داك سكات ملي أمنات على راسها :" ايوب خويا"
هز عينو واحد نص شوفة وهي كتدوي :" كاينة رحلة فليسي لاغادير واحد نهار و..."
قاطعها :" لا..."
اختاصر عليها كاع الهضرة و الضوران و تخربيق وهي عوجات قنانفها مقلقة :" مغنباتوش غير غنظلو نهار وصاف..."
عاود قالها لها ببرود وهو حاط داك المغرفة :" لا "
قربات تبكي كتشوف كيف مقابلاه وحنات فيه ليلة كلها وهو كيف كيعاملها دابا :" عافاك ا خويا نهاار واحد..."
بترجي :" عمرني مزال نطلبك، غير هاد المرة وصافي"
ضرب بديك الصينية وناض :" مكديريش شي حاجة فابور ياك ؟"
بعصبية كيدوي :" واش عمر دلمك مشيتي شي رحلة لي غتمشي لها دابا؟"
هي تخلعات ملي غوت وهي تحني راسها عويناتها غرغرو :" قلت زعما غي...غير مرة...!"
وقبل مينطق قفزات حيت عرفات مكيحملش يعاود الهضرة :" مغنمشيش ا خويا صافي "
وناضت باغيا تخرج من البيت مقلقة وحانية راسها حيت عويناتها غرغرو وبداو يطيحو دميعات، شدها من دراعها قبل متخرج :" وعلاش كتبكي دابا؟ معجبكش الحال؟"
هي عارفة اش غيجي ورا هاد لهضرة :" لا ا خويا حاشا غنمشي نعس غذا فايقة بكري..."
و خرجات و رجع ضرب بداك صينية كلها حيت كل مرة كيحاول يقرب ليها كتجيب ليه موضوع جديد، وهو يستحيل يخليها تغيب على عينو نهار كامل هو مربي معاها وطمع فيها حساك هادوك لي غتسافر معاهم من تلاميد للاساتذة مكيتيق فحتى واحد...
هز تيليفون لقاا صاحبو عبد المولى مصدعو و محيح تا فالمحل باغي يشوفو وهو يصوني ليه :" اش بغيتي اولد الق *؟"
أنت تقرأ
جننت بعشقها
Romanceماذا لو كان #عشقها_جائزا؟ كانت منشودة قلبه، معشوقة فؤاده لكنها لم تكن محللة له يحترق بنار الهوى قربها، مجنون هو بعشقها، قريبة منه بعيدة يراها ولا يستطيع البوح لها... يريدها لكنها محظورة عليه ⛔ 🥀#جننت_بعشقهــا🥀 By : ElYaakoubi Ikrame & Hind Elka...
